Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଡିସେମ୍ବର-ଜାନୁଆରୀ ସମସ୍ତଙ୍କ ପାଇଁ ଗୁରୁତ୍ବପୂର୍ଣ୍ଣ: ଭୁବନେଶ୍ବର ଷ୍ଟେସନ ଓ ଏୟାରପୋର୍ଟରେ କରିପାରିବେ କୋଭିଡ୍‌ ଟେଷ୍ଟ
  • ||
  • ପରୀ ବାପା-ମା’ଙ୍କୁ ଭେଟିଲେ ବିଜେପି ଟିମ୍, ସିବିଆଇ ତଦନ୍ତ ଦାବି
  • ||
  • ରାଉରକେଲା : ଚଳନ୍ତା ଟ୍ରେନ୍‌ର ଟୟଲେଟ୍‌ରେ ନାବାଳିକାଙ୍କୁ ଦୁଷ୍କର୍ମ ଉଦ୍ୟମ, ଅଭିଯୁକ୍ତ ଯୁବକ ଗିରଫ
  • ||
  • କଟକ : ପୁଣି ଏକ ନକଲି ଘିଅ କମ୍ପାନୀରେ ଚଢାଉ, କୋଟିଏ ଟଙ୍କାର ଅପମିଶ୍ରିତ ସାମଗ୍ରୀ ଜବତ
  • ||
  • ପ୍ରେମ: ସେୟାର ଚାଟ୍‌ରୁ ଆରମ୍ଭ ଫେସବୁକରେ ଶେଷ, ସୋସିଆଲ ମିଡିଆରେ ପ୍ରେମିକାଙ୍କ ଅଶ୍ଲୀଳ ଫଟୋ ପୋଷ୍ଟ କଲେ ପ୍ରେମିକ
  • ||
  • ନୂଆପଡା : ମେଡିକାଲରେ ଚାକିରୀ ଦେବାକୁ କହି ଠକୁଥିଲା ଯୁବକ, ଗିରଫ କଲା ପୋଲିସ
  • ||
  • ସମ୍ବଲପୁର : ଦନ୍ତା ହାତୀର ମୃତଦେହ ଠାବ, ବିଦ୍ୟୁତ୍ ତାର ସଂସ୍ପର୍ଶରେ ଆସି ମୃତ୍ୟୁ ଅଭିଯୋଗ
  • ||
  • ଗଞ୍ଜାମ : ଗୋପାଳପୁର ବିଧାୟକ ପ୍ରଦୀପ ପାଣିଗ୍ରାହୀଙ୍କ ନାଁରେ ବିଜେପି ଓ କଂଗ୍ରେସ ପକ୍ଷରୁ ଏତଲା
  • ||
  • ପୁରୀ : ଅନଲାଇନରେ ନିର୍ମାଲ୍ୟ ବିକ୍ରି କରିବା ନେଇ ସିଂହଦ୍ବାର ଥାନାରେ ଆମାଜନ ଇଣ୍ଡିଆ ବିରୋଧରେ ସେବାୟତଙ୍କ ଏତଲା
  • ||
  • ସୋର : ଓଭରଲୋଡିଂ ପାଇଁ ଗଣିଲେ ତଣ୍ଡ, ୩ଲକ୍ଷ ଜରିମନା ଦେଲେ ୬ ଡମ୍ଫର
  • ||

ସ୍ଵିଡେନରେ କୋରାନ ପୋଡାକୁ ନେଇ ଦଙ୍ଗା, ପୋଲାଣ୍ଡ ସାଂସଦ କହିଲେ- ଜଣେ ହେଲେ ମୁସଲିମଙ୍କୁ ଦେଶରେ ପ୍ରବେଶ କରିବାକୁ ଦେବୁନି

29/08/2020 at 6:28 PM

ଓ୍ଵାରସା ୨୯।୦୮: ସ୍ଵିଡେନରେ କୋରାନକୁ ନେଇ ହୋଇଥିବା ଦଙ୍ଗା ମଧ୍ୟରେ ପଡୋଶୀ ଦେଶ ପୋଲାଣ୍ଡର ସାଂସଦଙ୍କ ବୟାନ ଏବେ ଚର୍ଚ୍ଚାର ବିଷୟ ପାଲଟିଛି। ଏକ ଟିଭି ଚ୍ୟାନେଲ୍‌ ସହିତ ଆଲୋଚନା ବେଳେ ସାଂସଦ ଡୋମିନିକ ଟାର୍ଜିସ୍କି କହିଛନ୍ତି ପୋଲାଣ୍ଡ ଏଥିପାଇଁ ସୁରକ୍ଷିତ ଦେଶ କାରଣ ଏଠାରେ ମୁସଲିମ ଶରଣାର୍ଥୀଙ୍କ ପ୍ରବେଶ ଉପରେ ପ୍ରତିବନ୍ଧକ ଲାଗିଛି। ସମଗ୍ର ଦୁନିଆର ମୁସଲିମ ଦେଶ ପୋଲାଣ୍ଡ ଉପରେ ଇସଲାମୋଫୋବିଆ ହେବାର ଅଭିଯୋଗ କରୁଛନ୍ତି। ଏହି ଦେଶ ୟୁରୋପୀୟ ୟୁନିୟନର ଅପ୍ରବାସନ ନୀତିକୁ ମଧ୍ୟ ଖାରଜ କରି ମୁସଲିମଙ୍କୁ ସ୍ଵୀକାର କରିବାକୁ ମନା କରି ଦେଇଥିଲା।

ଜଣେ ହେଲେ ମୁସଲିମଙ୍କୁ ଦେବୁ ନାହିଁ ଶରଣ

ଭାଇରାଲ ହେଉଥିବା ଭିଡିଓରେ ନ୍ୟୁଜ୍ ଚ୍ୟାନେଲର ଉପସ୍ଥାପକ ସାଂସଦ ଡୋମିନିକ ଟାର୍ଜିସ୍କିଙ୍କୁ ପ୍ରଶ୍ନ କରିଛନ୍ତି ପୋଲାଣ୍ଡ କେତେ ଶରଣାର୍ଥୀଙ୍କୁ ଶରଣ ଦେଇଛି ? ଯାହାର ଜବାବରେ ସାଂସଦ କହିଛନ୍ତି ଶୂନ୍ୟ। ସେ କହିଛନ୍ତି ଯଦି ଆପଣ ମୋତେ ମୁସଲିମ ଅବୈଧ ପ୍ରବାସୀଙ୍କ ବିଷୟରେ ପଚାରିବେ ତେବେ ଆମେ ଜଣେ  ହେଲେ ମୁସଲିମକୁ ଶରଣ ଦେବୁ ନାହିଁ। ଆମେ ୨୦ ଲକ୍ଷରୁ ଅଧିକ ୟୁକ୍ରେନ ଶରଣାର୍ଥୀଙ୍କୁ ଆଶ୍ରୟ ଦେଇଛୁ, ଯେଉଁମାନେ ଏଠି କାମ କରୁଛନ୍ତି ଏବଂ ପୋଲାଣ୍ଡରେ ଶାନ୍ତିପୂର୍ଣ୍ଣ ଭାବେ ରହୁଛନ୍ତି।

ଆମେ ଦୁନିଆକୁ ନେଇ ଚିନ୍ତିତ ନୁହଁ

ସେ ଏହା ମଧ୍ୟ କହିଛନ୍ତି ଆମେ ଜଣେ ହେଲେ ମୁସଲିମଙ୍କୁ ସ୍ଵୀକାର କରି ପାରିବୁ ନାହିଁ। ଆମେ ଏମିତି କରିବାକୁ ଜନତାଙ୍କୁ ପ୍ରତିଶ୍ରୁତି ଦେଇଛୁ। ଏହି କାରଣରୁ ଆମେ ସରକାର ନିର୍ବାଚିତ ହୋଇଛି ଏବଂ ଆଜି ପୋଲାଣ୍ଡ ଏତେ ସୁରକ୍ଷିତ ହୋଇ ପାରିଛି। ପୋଲାଣ୍ଡ ଉପରେ ଗୋଟିଏ ହେଲେ ଆତଙ୍କବାଦୀ ଆକ୍ରମଣ ଘଟିନାହିଁ। ସେ କହିଛନ୍ତି ଆମକୁ ଲୋକ ଲୋଭନୀୟ, ରାଷ୍ଟ୍ରବାଦୀ କିମ୍ବା ଜାତିବାଦି କହିପାରେ, ମାତ୍ର ଆମକୁ ଏଥିରେ କୌଣସି ଫରକ ପଡେ ନାହିଁ। ମୁଁ ନିଜର ପରିବାର ଏବଂ ଦେଶ ପାଇଁ ଚିନ୍ତା କରିବି।

ସ୍ଵିଡେନ୍‌ରେ ଦଙ୍ଗା

କୁହାଯାଉଛି ଶୁକ୍ରବାର ରାତିରେ ସ୍ଵିଡେନରେ ଜଣେ ଦକ୍ଷିଣପନ୍ଥୀ ନେତାଙ୍କୁ ଗିରଫ କରିବା ପରେ ତାଙ୍କ ସମର୍ଥକ କୋରାନ ଜାଳି ଦେଇଥିଲେ। ଏହାପରେ ଶତାଧିକ ଲୋକ ଦକ୍ଷିଣପନ୍ଥୀ କର୍ମକର୍ତ୍ତାଙ୍କ ବିରୋଧରେ ସଡକକୁ ଓହ୍ଲାଇଥିଲେ। ପୋଲିସ ଏବଂ ବିକ୍ଷୋଭକାରୀଙ୍କ ମଧ୍ୟରେ ଧସ୍ତାଧସ୍ତି ପରେ ସହରରେ ଦଙ୍ଗା ଆରମ୍ଭ ହୋଇଯାଇଥିଲା। ଉତ୍ତେଜିତ ଲୋକ ପୋଲିସ ଉପରେ ପ୍ରବଳ ପଥରମାଡ କରିବା ସହ ପୋଡାଜଳା କରିଥିଲେ। ଉଗ୍ର ଜନତାଙ୍କୁ ନିୟନ୍ତ୍ରଣ କରିବା ପାଇଁ ପୋଲିସକୁ ଲୁହବୁହା ବାଷ୍ପ ପ୍ରୟୋଗ କରିବାକୁ ପଡିଥିଲା।

   Related Posts