Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୮୯୯ ଛୁଇଁଲା ମୃତକଙ୍କ ସଂଖ୍ୟା
  • ||
  • ରାଜ୍ୟରେ ଆରମ୍ଭ ହେଲା କୋଭିଡ୍ ଟିକାକରଣ, ୧୬୧ କେନ୍ଦ୍ରରେ ଚାଲିଛି ଟିକାଦାନ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୭୮ କୋଭିଡ୍ ସଂକ୍ରମିତ, ୩୩୩୧୨୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଦେଶରେ ଖସୁଛି କରୋନା ଗ୍ରାଫ୍, ଗତ ୨୪ଘଣ୍ଟାରେ ୧୫୧୫୮ କୋଭିଡ଼ ସଂକ୍ରମିତ ଚିହ୍ନଟ
  • ||
  • ଘାଟିରେ ଦୁର୍ଘଟଣା : ଟ୍ରକକୁ ସାମ୍ନା ପଟୁ ପିଟିଲା ବାଇକ୍‌, ଚାଲିଗଲା ଶଳା-ଭିଣୋଇଙ୍କ ଜୀବନ
  • ||
  • ବୈଠକ ପରେ ବୈଠକ କିନ୍ତୁ ଫଳ ଶୂନ ! ୧୯’ରେ ପୁଣି ଚାଷୀ-ସରକାର ଆଲୋଚନା
  • ||
  • ବରଗଡ଼: ବ୍ୟବସାୟୀଙ୍କ ଘରୁ ଲକ୍ଷାଧିକ ଟଙ୍କାର ସୁନା-ଗହଣା ଲୁଟ, ୩ ଲୁଟେରା ଗିରଫ
  • ||

କରୋନାର ନୂଆ ଷ୍ଟ୍ରେନ୍ : ବ୍ରିଟେନ୍‌ରୁ ଦିଲ୍ଲୀ ଓ କୋଲକାତା ଫେରିଥିବା ୭ ଯାତ୍ରୀ କରୋନା ଆକ୍ରାନ୍ତ, ସବୁ ବିମାନବନ୍ଦରରେ ହାଇଆଲର୍ଟ

22/12/2020 at 4:58 PM

କୋଲକାତା ୨୨/୧୨ : କୋଲକାତା ବିମାନବନ୍ଦରରେ ବ୍ରିଟେନରୁ ଫେରିଥିବା ୭ ଜଣ ଯାତ୍ରୀଙ୍କର କରୋନା ପରୀକ୍ଷା ରିପୋର୍ଟ ପଜିଟିଭ ଆସିଥିବା ସୂଚନା ମିଳିଛି । ଏହା ଜଣାପଡିବା ପରେ ବିମାନବନ୍ଦରରେ ହାଇ ଆଲର୍ଟ ଜାରି କରାଯାଇଛି । ଦେଶରେ କରୋନା ସଂକ୍ରମଣ କମୁଥିବା ବେଳେ ପୁଣି ଥରେ କରୋନାର ନୂଆ ଗୁଣସୂତ୍ରଧାରୀ ମାମଲା ସାମ୍ନାକୁ ଆସିଛି ।

ସୂଚନା ଅନୁଯାୟୀ ରବିବାର ରାତିରେ ବ୍ରିଟେନ୍‌ରୁ ଆସି କୋଲକାତା ବିମାନବନ୍ଦରରେ ପହଞ୍ଚିଥିବା ୨୨୨ ଜଣ ଯାତ୍ରୀଙ୍କ ମଧ୍ୟରୁ ୨୫ ଜଣ କରୋନା ରିପୋର୍ଟ୍‌ ସାଙ୍ଗରେ ଆଣିନଥିଲେ । ​‌ତେବେ ପରୀକ୍ଷା ବେଳେ ସେମାନଙ୍କ ମଧ୍ୟରୁ ୭ ଜଣ କରୋନା ସଂକ୍ରମିତ ହୋଇଥିବା ସୂଚନା ମିଳିଛି । ଚିହ୍ନଟ ହୋଇଥିବା ଯାତ୍ରୀଙ୍କୁ ନିକଟସ୍ଥ କ୍ବାରେଣ୍ଟାଇନ୍ ସେଣ୍ଟରରେ ରଖାଯାଇଛି ।

ବ୍ରିଟେନ୍‌ରେ ନୂଆ ଗୁଣସୂତ୍ରଧାରୀ କରୋନା ସଂକ୍ରମଣ ମାମଲା ସାମ୍ନାକୁ ଆସିବା ପରେ ଦେଶରେ ବ୍ରିଟେନ୍‌ରୁ ଆସୁଥିବା ସମସ୍ତ ବିମାନଗୁଡିକୁ ଡିସେମ୍ବର ୩୧ ଯାଏଁ ବାତିଲ କରାଯାଇଛି । ଏମସ୍‌ର ଡାକ୍ତର ରଣଦୀପ ଗୁଲେରିୟା କହିଛନ୍ତି ଯେ, ନୂଆ ଗୁଣସୂତ୍ରଧାରୀ କରୋନା ସଂକ୍ରମଣକୁ ଦୃଷ୍ଟିରେ ରଖି ସମସ୍ତଙ୍କୁ ସତର୍କ ରହିବାକୁ ପଡିବ  । ବ୍ରିଟେନ୍‌ରୁ ଆସୁଥିବା ସମସ୍ତ ଯାତ୍ରୀଙ୍କର ଯାଞ୍ଚ କରାଯିବା ଆବଶ୍ୟକ ବୋଲି ସେ କହିଛନ୍ତି । ତେବେ ନୂଆ ଗୁଣସୁତ୍ରଧାରୀ କରୋନା କିପରି ପ୍ରଭାବିତ କରୁଛି ସେ ନେଇ ଭ୍ୟାକସିନ୍ ମଧ୍ୟ ଜରୁରୀ ହୋଇପାରେ । ତେଣ ଏଥିପ୍ରତି ସମସ୍ତଙ୍କୁ ସତର୍କ ରହିବାକୁ ହେବ ବୋଲି ସେ କହିଛନ୍ତି ।

ମିଳିଥିବା ସୂଚନା ଅନୁସାରେ ସୋମବାର ଲଣ୍ଡନରୁ ଆସିଥିବା ବିମାନର ୫ ଜଣ ଯାତ୍ରୀଙ୍କ ଠାରେ କରୋନା ଭାଇରସ ଥିବା ଜଣାପଡିଛି କିନ୍ତୁ ସେମାନଙ୍କ ଶରୀରରେ କରୋନାର ନୂଆ ଗୁଣସୂତ୍ରଧାରୀ ସଂକ୍ରମଣ ଅଛି କି ନାହିଁ ତାହା ସ୍ପଷ୍ଟ ହୋଇନାହିଁ । ଏହା ବାଦ ବେଙ୍ଗାଲୁରୁ ବିମାନବନ୍ଦରରେ ମଧ୍ୟ ଲଣ୍ଡନ ଫେରନ୍ତା କିଛି ଯାତ୍ରୀଙ୍କ ଠାରେ କରୋନା ସଂକ୍ରମଣ ଥିବା ଜଣାପଡିଛି । ବ୍ରିଟେନ୍‌ରେ ନୂଆ ଗୁଣସୂତ୍ରଧାରୀ କରୋନା ସଂକ୍ରମଣ ସାମ୍ନାକୁ ଆସିବା ପରେ କେନ୍ଦ୍ର ସରକାର ସତର୍କ ହୋଇଛନ୍ତି । ତେବେ ଡିସେମ୍ବର ୩୧ ଯାଏଁ ବ୍ରିଟେନ୍‌ରୁ ଆସିବାକୁ ଥିବା ସମସ୍ତ ବିମାନକୁ ବାତିଲ କରାଯାଇଛି ।

   Related Posts