ୱାଶିଂଟନ୍, ୨୯/୦୪: କରୋନାକୁ ନେଇ ଭାରତର ସ୍ଥିତି ଏବେ ଗମ୍ଭୀର ହେବାରେ ଲାଗିଛି । ବିଭିନ୍ନ ଦେଶ ଭାରତକୁ ଏହି ଅସୁବିଧା ସମୟରେ ସାହାଯ୍ୟର ହାତ ବଢାଉଥିବାର ଦେଖିବାକୁ ମିଳୁଛି ।
ପ୍ରଥମେ ମନା କରିବା ପରେ ଆମେରିକା ଭାରତକୁ ଏବେ ସାହାଯ୍ୟ କରିବାକୁ ଆଗଭର ହୋଇଛି । ଖୋଦ୍ ଆମେରିକାର ରାଷ୍ଟ୍ରପତି ଜୋ ବାଇଡେନ୍ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହିତ କଥା ହୋଇ ଯଥା ସମ୍ଭବ ସାହାଯ୍ୟ କରିବାକୁ କହିଛନ୍ତି । ଭାରତରେ ପ୍ରସ୍ତୁତ ହେଉଥିବା ଭ୍ୟାକ୍ସିନ୍ ପାଇଁ ଆବଶ୍ୟକ କଞ୍ଚାମାଲ୍ ରପ୍ତାନୀ ଉପରେ ଲାଗିଥିବା ବ୍ୟାନ୍କୁ ଆମେରିକା ହଟେଇ ଦେଇଛି । କିନ୍ତୁ ଏବେ ଆମେରିକାର କେତେକ ସାଂସଦ ମଧ୍ୟ ଏଥି ପାଇଁ ଅଣ୍ଟା ଭିଡ଼ିଛନ୍ତି । କିଛି ସାଂସଦ ଭାରତର ଏପରି ସ୍ଥିତିରେ ଭ୍ୟାକ୍ସିନ୍ ନିର୍ମାତା କମ୍ପାନୀମାନଙ୍କୁ ସାହାଯ୍ୟ କରିବା ପାଇଁ ଅନୁରୋଧ କରିଛନ୍ତି । ସେମାନେ ଚିଠି ଲେଖି ଭାରତ ପାଇଁ ଆବଶ୍ୟକ ସାହାଯ୍ୟ କରିବାକୁ ସେ କହିଛନ୍ତି ।
wp:html/wp:htmlIndia’s COVID outbreak is a humanitarian crisis. I’m leading a letter to @moderna_tx, @pfizer, and @jnjnews to find out what steps they’re taking to expand global access to their vaccines to save lives and prevent variants from spreading around the world. https://t.co/d4qW6CkrBw pic.twitter.com/vhbUwGjHrr
— Elizabeth Warren (@SenWarren) April 28, 2021
ଭାରତରେ ଦୈନିକ ସଂକ୍ରମଣ ୩ଲକ୍ଷ ଉପରେ ରହିଛି । ଏଥି ସହିତ ଦିନକୁ ପାଖାପାଖି ୩ ହଜାରରୁ ଅଧିକ ଲୋକଙ୍କୁ ପ୍ରାଣ ନେଉଛି ଏହି ଭାଇରସ୍ । ଏହି ପରିସ୍ଥିତିରେ ଆମେରିକା ସମେତ ୨୦ରୁ ଅଧିକ ଦେଶ ଭାରତକୁ ସାହାଯ୍ୟର ହାତ ବଢ଼ାଇଛନ୍ତି । ଆମେରିକାର ସିନେଟର୍ ଏଲିଜାବେଥ୍ ୱାରେନ୍ ଭ୍ୟାକ୍ସିନ୍ ପ୍ରସ୍ତୁତକାରୀ ଆମେରିକାନ୍ କମ୍ପାନୀ ଫାଇଜର, ମଡର୍ଣ୍ଣା ଏବଂ ଜନ୍ସନ୍କୁ ଭାରତର ସହାୟତା କରିବାକୁ ଟ୍ୱିଟ୍ କରି ଜଣାଇଛନ୍ତି ।
