ନ୍ୟୁୟର୍କ, ୦୮|୦୬: ଆମେରିକାର ଲାଇଟ୍ ଓ୍ୱେଟ୍ ମୁଷ୍ଟିଯୋଦ୍ଧା ମିକେଲା ମେୟାର କରୋନା ପଜିଟିଭ୍ ଚିହ୍ନଟ ହୋଇଛନ୍ତି । ଫଳରେ ୨ ଦିନ ପରେ ହେବାକୁ ଥିବା ମୁକାବିଲାରେ ସେ ଅଂଶ ଗ୍ରହଣ କରିପାରିବେ ନାହିଁ । ଏହି ମୁକାବିଲା କରୋନା ମହାମାରୀ ପରେ ଲସ୍ ଭେଗାସରେ ଆୟୋଜନ ହେବ ।
ମେୟର ରବିବାର ସୋସିଆଲ ମିଡିଆରେ କହିଛନ୍ତି ଯେ, ତାଙ୍କର କରୋନା ଟେଷ୍ଟ୍ ରିପୋର୍ଟ ପଜିଟିଭ୍ ଆସିଛି । ସେ ମଙ୍ଗଳବାର ଏମଜିଏଫର ଗ୍ରାଣ୍ଡ୍ ଗାର୍ଡେନରେ ହେଲେନ ଜୋସେଫଙ୍କ ସହ ମୁହାଁମୁହିଁ ହୋଇଥାନ୍ତେ । ତାଙ୍କ ଟିମ୍ର ଅନ୍ୟ ସଦସ୍ୟଙ୍କର ମଧ୍ୟ କରୋନା ଟେଷ୍ଟ ରିପୋର୍ଟ ନେଗେଟିଭ୍ ଆସିଛି । ସେ ମୁକାବିଲା ପାଇଁ ବହୁ ଉତ୍ସାହିତ ଥିଲେ । କିନ୍ତୁ ରିପୋର୍ଟ ପଜିଟିଭ୍ ଆସିବା ପରେ ସେ ନିରାଶ ହୋଇଯାଇଛନ୍ତି ।
ସେ ଆମେରିକାର ବହୁ ପୁରୁଣା ମୁଷ୍ଟିଯୋଦ୍ଧା । ସେ ୧୨ଟି ମୁକାବିଲା ଲଡିବା ସହ ସବୁଥିରେ ବିଜୟ ହାସଲ କରିଛନ୍ତି . ଏଥିରୁ ୫ଟି ମୁକାବିଲା ସେ ନକଆଉଟରେ ଜିତିଛନ୍ତି ।
ସୂଚନାଯୋଗ୍ୟ, ସାରା ବିଶ୍ୱ ଏବେ କରୋନା ଭାଇରସ ସହ ଲଢେଇ କରୁଛି । କରୋନା ପ୍ରଭାବରେ ବିଭିନ୍ନ ଦେଶରେ ମୋଟ ୭୦,୦୭,୯୪୮ଜଣ ସଂକ୍ରମିତ ହୋଇଥିବା ବେଳେ ୪ ଲକ୍ଷରୁ ଅଧିକ ପ୍ରାଣ ହରାଇଛନ୍ତି ।