Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଘାରିଛି ଓମିକ୍ରନ ବିପଦ : ବିଳମ୍ବିତ ହେବ ଟିମ୍ ଇଣ୍ଡିଆର ଦକ୍ଷିଣ ଆଫ୍ରିକା ଗସ୍ତ ! ସମୟ ମାଗିଲା ବିସିସିଆଇ
  • ||
  • ଓଏସଏପି ଯବାନଙ୍କ ଆତ୍ମହତ୍ୟା, ଗଛରେ ଝୁଲୁଛି ମୃତଦେହ
  • ||
  • କ୍ଲାସରୁମ୍ ଭିତରକୁ ପଶିଆସିଲା ବାଘ, ଛାତ୍ରଛାତ୍ରୀଙ୍କୁ ଗୋଡାଇ ଗୋଡାଇ କଲା ଘାଇଲା
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୫କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୨ କରୋନା ସଂକ୍ରମିତ, ୧୦୪୯୫୯୭ରେ ପହଞ୍ଚିଲା ସଂଖ୍ୟା
  • ||
  • ମାର୍ଗଶିର ଗୁରୁବାରରେ ଲକ୍ଷ୍ମୀ ମନ୍ଦିରରୁ ଚୋରି, ନେଇଗଲେ ହୁଣ୍ଡି ଓ ସୁନା ଗହଣା
  • ||
  • ଗୁଜୁରାଟ ଦଙ୍ଗା ବେଳେ କେଉଁ ସରକାର ଥିଲା ? ସିବିଏସଇର ପ୍ରଶ୍ନକୁ ନେଇ ବିବାଦ ଜୋର
  • ||

ଭାରତୀୟ ଔଷଧ ଉପରେ ଟ୍ରମ୍ପ୍‌ଙ୍କ ଭରସା, କରୋନା ସଂକ୍ରମଣରୁ ବର୍ତ୍ତିବା ପାଇଁ ପ୍ରତିଦିନ ଖାଉଛନ୍ତି ହାଇଡ୍ରୋକ୍ସିକ୍ଲୋରୋକ୍ବିନ୍

19/05/2020 at 2:05 PM

ଓ୍ବାଶିଂଟନ୍ ୧୯।୫: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋମବାର କହିଛନ୍ତି ଯେ, କରୋନା ଭାଇରସକୁ ରୋକିବା ପାଇଁ ସେ ମ୍ୟାଲେରିଆ ଔଷଧ ‘ହାଇଡ୍ରୋକ୍ସିକ୍ଲୋରୋକ୍ବିନ୍’ ସେବନ କରୁଛନ୍ତି । ଡୋନାଲ୍ଡ ଟ୍ରମ୍ପ୍ ହ୍ବାଇଟ୍ ହାଉସରେ ଗଣମାଧ୍ୟମ ପ୍ରତିନିଧିମାନଙ୍କୁ କହିଛନ୍ତି ଯେ, ମୁଁ ପ୍ରାୟ ଦେଢ ସପ୍ତାହ ଧରି ‘ହାଇଡ୍ରୋକ୍ସିକ୍ଲୋରୋକ୍ବିନ୍’ ସେବନ କରୁଛି । ଏହାସହ ଟ୍ରମ୍ପ୍ ଏହା ମଧ୍ୟ କହିଛନ୍ତି ଯେ, କୋଭିଡ୍-୧୯ର କୌଣସି ଲକ୍ଷଣ ନାହିଁ ।

ଆମେରିକାରେ ଗତ ତିନି ମାସ ମଧ୍ୟରେ ଏହି ମହାମାରୀରେ ୯୦,୦୦୦ରୁ ଅଧିକ ଲୋକଙ୍କ ମୃତ୍ୟୁ ଘଟିଛି। ଟ୍ରମ୍ପ କହିଛନ୍ତି ଯେ, ସେ ଏ ନେଇ ତାଙ୍କ ଡାକ୍ତରଙ୍କ ସହିତ ପରାମର୍ଶ କରିଥିଲେ, କିନ୍ତୁ ହ୍ବାଇଟ ହାଉସର ଡାକ୍ତର ଏହା ଉପରେ ଜୋର ଦେଇନାହାଁନ୍ତି । ସେ କହିଛନ୍ତି ଯେ, ହ୍ବାଇଟ୍ ହାଉସର ଡାକ୍ତର ଏହି ଔଷଧ ସେବନ କରିବାକୁ ପରାମର୍ଶ ଦେଇନାହାଁନ୍ତି । ମୁଁ ତାଙ୍କୁ ପଚାରିଲି ସେ ଏ ବିଷୟରେ କଣ ଭାବୁଛନ୍ତି ? ସେମାନେ କହିଥିଲେ ଯେ, ଆପଣ ଔଷଧ ସେବନ କରିବାକୁ ଚାହୁଁଛନ୍ତି କି ? ମୁଁ କହିଥିଲି ହଁ ମୁଁ ଔଷଧ ସେବନ କରିବାକୁ ଚାହୁଁଛି ।

ଟ୍ରମ୍ପ କହିଛନ୍ତି ଯେ, ସେ ପ୍ରତିଦିନ ଗୋଟିଏ ମ୍ୟାଲେରିଆ ବଟିକା ଖାଉଛନ୍ତି । ସେ କହିଥିଲେ ମୁଁ ପ୍ରତିଦିନ ଗୋଟିଏ ବଟିକା ଖାଏ । କିଛି ସମୟ ପରେ ମୁଁ ଏହାକୁ ସେବନ କରିବା ବନ୍ଦ କରିବି । ମୁଁ ଚାହୁଁଛି ଯେ, ଏହାର ଚିକିତ୍ସା ମିଳୁ ଏବଂ ଏହାର ଟୀକା ଖୁବ୍ ଶୀଘ୍ର ଉପଲବ୍ଧ ହେଉ । ମୋତେ ଲାଗୁଛି ଯେ, ଏହା ଖୁବ୍ ଶୀଘ୍ର ହୋଇଯିବ ।

ଟ୍ରମ୍ପ ତାଙ୍କ ଔଷଧ ସେବନ ବିଷୟରେ ଜଣାଇବାର କିଛି ସମୟ ପରେ ହ୍ବାଇଟ୍ ହାଉସର ଡାକ୍ତର ସିନ ପି କନଲେ କହିଛନ୍ତି ଯେ, ରାଷ୍ଟ୍ରପତି ସୁସ୍ଥ ଅଛନ୍ତି ଏବଂ କୋଭିଡ୍-୧୯ର କୌଣସି ଲକ୍ଷଣ ନାହିଁ।

   Related Posts