Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କନ୍ଧମାଳ : କନ୍ଧମାଳରେ ଅପରେସନ ଗ୍ରୀନ କ୍ଲିନ୍ , ପୁଣି ୧୯ କୋଟି ଟଙ୍କାର ଗଞ୍ଜେଇ ଚାଷ ନଷ୍ଟ
  • ||
  • ସୁଶିଲ ମୋଦି ରାଜ୍ୟସଭା ପ୍ରାର୍ଥୀ, ରାମବିଳାସ ପାଶଓ୍ବାନଙ୍କ ସ୍ଥାନରେ ଟିକେଟ୍‌ ଦେଲା ବିଜେପି
  • ||
  • ଡିସେମ୍ବର ୧ରୁ ଖୋଲିବ ରାଜ୍ୟର ସମସ୍ତ ମେଡିକାଲ୍‌ କଲେଜ୍‌, କରୋନା ଗାଇଡ୍‌ଲାଇନ୍‌ ସହ ଏସ୍‌ଓପି ପାଳନ ବାଧ୍ୟତାମୂଳକ
  • ||
  • ବାଜିରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର
  • ||
  • ଘୋଷଣା ହେଲା ଧର୍ମପଦ ସମ୍ମାନ, ୨୦୧୬ ରୁ ୨୦ ବର୍ଷ ପାଇଁ ୫ ଜଣଙ୍କୁ ଧର୍ମପଦ ସମ୍ମାନ, ୨୫ ଜଣ ଶିଳ୍ପୀ ହେବେ ସମ୍ବର୍ଦ୍ଧିତ
  • ||
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||

ଫେବୃଆରୀରେ ଭାରତ ଆସିବେ ଆମେରିକା ରାଷ୍ଟ୍ରପତି ଟ୍ରମ୍ପ !

29/01/2020 at 3:51 PM

ନୂଆଦିଲ୍ଲୀ ୧୫।୦୧: ଆସନ୍ତା ଫେବ୍ରୁଆରୀ ମାସରେ ଭାରତ ଗସ୍ତରେ ଆସିପାରନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଫେବୃଆରୀ ୨୪ରୁ ୨୬ ମଧ୍ୟରେ ଡୋନାଲ୍ଡ ଟ୍ରମ୍ପ ଭାରତ ଗସ୍ତରେ ଆସିବାର ସମ୍ଭାବନା ରହିଛି। କିନ୍ତୁ ଟ୍ରମ୍ପଙ୍କ ଭାରତ ଗସ୍ତ ନେଇ କୌଣସି ଆଧିକାରିକ ଘୋଷଣା କରାଯାଇନାହିଁ । ଟ୍ରମ୍ପଙ୍କ ଗସ୍ତ କାଳରେ ଉଭୟ ଦେଶ ମଧ୍ୟରେ ବହୁ ରାଜିନାମା ଉପରେ ହସ୍ତାକ୍ଷର କରାଯାଇପାରିବ ।

ଭାରତ ଗତ ବର୍ଷ ଟ୍ରମ୍ପଙ୍କୁ ଗଣତନ୍ତ୍ର ଦିବସ ସମାରୋହରେ ଅତିଥି ଭାବେ ଯୋଗ ଦେବାକୁ ନିମନ୍ତ୍ରଣ ଦେଇଥିଲା, ମାତ୍ର ଆମେରିକା ରାଷ୍ଟ୍ରପତି ଭାରତ ଗସ୍ତ କରିପାରିନଥିଲେ। ଦୁଇ ଦେଶ ଏବେ ଟ୍ରମ୍ପଙ୍କ ଗସ୍ତ ନେଇ ରୂପରେଖ ପ୍ରସ୍ତୁତିରେ ଲାଗିରହିଛନ୍ତି। ଟ୍ରମ୍ପ ଓ ମୋଦି ଦୀର୍ଘ ସମୟ ଧରି ପଡ଼ି ରହିଥିବା ଦ୍ଵିପାକ୍ଷିକ ବାଣିଜ୍ୟ ଚୁକ୍ତି ବ୍ୟତୀତ ସିଭିଲ ଏଭିଏସନ ସମ୍ବନ୍ଧିତ ରାଜିନାମା ଉପରେ ମଧ୍ୟ ଦସ୍ତଖତ କରିପାରନ୍ତି। ତେବେ ଭାରତ ଗସ୍ତ ସମୟରେ ଆମେରିକା କାଶ୍ମୀର ପ୍ରସଙ୍ଗ ଉଠାଇବନାହିଁ ବୋଲି ସୂଚନା ରହିଛି । କାଶ୍ମୀର ଭାରତର ଅଭିନ୍ନ ଅଙ୍ଗ ଅଟେ, ତେଣୁ ଏହି ପ୍ରସଙ୍ଗରେ ଆମେରିକା ମୁଣ୍ଡ ଖେଳାଇବ ନାହିଁ ବୋଲି ଆମେରିକାର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।

ଟ୍ରମ୍ପଙ୍କ ଗସ୍ତ ସମୟରେ ପ୍ରଧାନମନ୍ତ୍ରୀ ମୋଦି ଓ ଟ୍ରମ୍ପ ଅହମ୍ମଦାବାଦର ନିର୍ମିତ ମୋଟେରା କ୍ରିକେଟ୍ ଷ୍ଟାଡିୟମରେ ସଂୟୁକ୍ତ ରାଲିରେ ଯୋଗଦେବାର ସମ୍ଭାବନା ମଧ୍ୟ ରହିଛି । ଏହି ରାଲିରେ ଟ୍ରମ୍ପ ମଧ୍ୟ ସମ୍ଭୋଧନ କରିବାର ସମ୍ଭାବନା ରହିଛି ।   ୨୦୧୫ରେ ଶେଷଥର ପାଇଁ ତତ୍‌କାଳୀନ ଆମେରିକା ରାଷ୍ଟ୍ରପତି ଭାରତ ଗସ୍ତରେ ଆସିଥିଲେ । ବାରାକ ଓବାମା ଭାରତର ଗଣତନ୍ତ୍ର ଦିବସର ମୁଖ୍ୟ ଅତିଥି ଭାବେ ଯୋଗଦେଇଥିଲେ ।

   Related Posts