Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ଆମେରିକୀୟ ଚାନେଲର ଦାବି: ବୁହାନ ଲ୍ୟାବରେ ଚୀନ ତିଆରି କରିଛି କରୋନା ଭାଇରସ, ଯେଉଁଠାରୁ ସଂକ୍ରମଣ ଆରମ୍ଭ ହୋଇଥିଲା ସେଠାରେ ବିକ୍ରି ହୁଏନାହିଁ ବାଦୁଡ଼ି

17/04/2020 at 6:43 PM

ୱାସିଂଟନ ୧୭/୦୪ : ବିଶ୍ୱ ମହାମାରୀ କରୋନା ପୁରା ଦୁନିଆରେ କାୟା ବିସ୍ତାର କରିବା ପରେ ଚୀନ ଉପରେ ନାନା ପ୍ରଶ୍ନ ଉଠିଛି | ଏକ ଆମେରିକୀୟ ଚାନେଲ ଦାବି କରିଛି ଯେ ଚୀନର ବୁହାନ ସ୍ଥିତ ଏକ ଲ୍ୟାବରେ କରୋନା ଭାଇରସ ସୃଷ୍ଟି କରାଯାଇଛି | ଭାଇରସ ସୃଷ୍ଟି ପଛରେ ଚୀନର ଏକ ବିଶେଷ ଉଦ୍ଦେଶ୍ୟ ରହିଛି ବୋଲି ଚାନେଲ ଦାବି କରିଛି |

କଣ ଏହି ଦାବି ଜାଣନ୍ତୁ
ଆମେରିକୀୟ ଚାନେଲ ଫକ୍ସ ନ୍ୟୁଜ ଗୁରୁବାର ଦିନ ଏକ ରିପୋର୍ଟରେ ଦାବି କରିଛି ଯେ ଚୀନ ବୁହାନ ଲ୍ୟାବରେ ଏହି ଭାଇରସକୁ ଜନ୍ମ ଦେଇଛି | ଚୀନ ପ୍ରମାଣ କରିବାକୁ ଚାହୁଁଥିଲା ଯେ ଚୀନର ବୈଜ୍ଞାନିକ କୌଣସି ଗୁଣରେ ଆମେରିକୀୟ ବୈଜ୍ଞାନିକଙ୍କ ଠାରୁ କମ ନୁହନ୍ତି | ଚୀନ ଭୟାବହ ଭାଇରସ ଜନ୍ମ ଦେଇପାରେ ବୋଲି ପ୍ରମାଣ କରିବାକୁ ଚାହୁଁଥିଲା | କେବଳ ସେତିକି ନୁହେଁ ଏହିଭଳି ଭୟଙ୍କର ଭାଇରସରୁ ଆମେରିକା ତୁଳନାରେ ବହୁତ ଭଲ ଭାବେ ନିଜକୁ ଉଦ୍ଧାର ମଧ୍ୟ କରିପାରେ | ତେବେ କରୋନା ଭାଇରସ ସୃଷ୍ଟିରେ ଚୀନର ଏହା ଏବେ ସୁଦ୍ଧାର ସବୁଠାରୁ ମହଙ୍ଗା ଓ ଗୋପନୀୟ ଯୋଜନା ବୋଲି ଫକ୍ସ ନ୍ୟୁଜ ଦାବି କରିଛି |

ସୂତ୍ରରେ କୁହାଯାଇଛି ଯେ, ଡାକ୍ତରଙ୍କ ପ୍ରୟାସ ଏବଂ ଭାଇରସକୁ ପ୍ରାରମ୍ଭରେ ଲ୍ୟାବରେ ରୋକିବା ସମ୍ବନ୍ଧୀୟ ଦସ୍ତାବେଜ ଅଧ୍ୟୟନରେ ଅନେକ ତଥ୍ୟ ସାମ୍ନାକୁ ଆସିଛି | ଏଥିରେ ଏକ ମୁଖ୍ୟ ତଥ୍ୟ ହେଲା ବୁହାନର ଯେଉଁ ବଜାରରୁ କରୋନା ସଂକ୍ରମଣ ଆରମ୍ଭ ହୋଇଥିଲା ସେହି ବଜାରରେ ବାଦୁଡ଼ି ହିଁ ବିକ୍ରି ହୁଏନାହିଁ |

କରୋନା ଭାଇରସ ବିସ୍ତାର ହେବାପରେ ଚୀନ ଆଉ ଏକ ଷଡଯନ୍ତ୍ର ରଚିଥିଲା | ସେ ଜାଣିଶୁଣି ପଶୁ ବଜାରରୁ ଭାଇରସ ବିସ୍ତାର ହେବା କଥା ପ୍ରଚାର କରିଥିଲା ଯେପରିକି ଲ୍ୟାବରେ ଭାଇରସ ସୃଷ୍ଟି କଥା ଲୁଚିଯିବ | ଭାଇରସ ଜରିଆରେ ଚୀନ ଆମେରିକା ଓ ଇଟାଲୀକୁ ଟାର୍ଗେଟ କରିବାକୁ ଚାହୁଁଥିଲା ବୋଲି ଦାବି କରାଯାଇଛି |
ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ବୁଧବାର ଦିନ କହିଥିଲେ ଯେ କରୋନା ବୁହାନ ଲ୍ୟାବରୁ ଦୁର୍ଘଟଣାବଶତଃ ଲୋକଙ୍କ ମଧ୍ୟରେ ବିସ୍ତାର କରିଛି ନାଁ ଜାଣିଶୁଣି ଭାଇରସ ସାରା ଦୁନିଆରେ ବିସ୍ତାର କରାଯାଇଛି ତାହା ଆମେରିକା ନିଶ୍ଚୟ ପତା କରିବ | ସେପଟେ ଆମେରିକା ବୈଦେଶିକ ମନ୍ତ୍ରୀ ମାଇକ ପମ୍ପିୟୋ ପୂର୍ବରୁ କହିଥିଲେ ଯେ ଚୀନକୁ ପ୍ରକାଶ କରିବାକୁ ହେବ ଯେ ଭାଇରସ କିପରି ସବୁଆଡେ ବିସ୍ତାର କଲା |

ରାଷ୍ଟ୍ରପତି ଟ୍ରମ୍ପଙ୍କ ଅଭିଯୋଗ ପରେ ଗୁରୁବାର ଦିନ ଚୀନ ନିଜର ପକ୍ଷ ରଖିଛି | ଚୀନର ବୈଦେଶିକ ମନ୍ତ୍ରାଳୟର ପ୍ରବକ୍ତା ଝାଓ ଲିଜିୟନ କହିଛନ୍ତି ଯେ ବିଶ୍ୱ ସ୍ୱାସ୍ଥ୍ୟ ସଂଗଠନ ମଧ୍ୟ ସ୍ପଷ୍ଟ କରିସାରିଛି ଯେ କରୋନା ଭାଇରସ ବୁହାନ ଲ୍ୟାବରେ ସୃଷ୍ଟି କରାଯାଇଥିବା କୌଣସି ପ୍ରମାଣ ନାହିଁ |

ଏହା ପୂର୍ବରୁ ଆମେରିକୀୟ ବୈଦେଶିକ ବିଭାଗ କହିଥିଲେ ଯେ ଚୀନର ସିଟିବିଟି ଚୁକ୍ତି ପାଳନ କରିବା ଦାବି ପରେ ମଧ୍ୟ ଗୁପ୍ତ ଭାବେ ପରମାଣୁ ପରୀକ୍ଷଣ କରିଥାଇପାରେ | କାରଣ ଚୀନର ପରମାଣୁ ପରୀକ୍ଷଣ ସ୍ଥଳ ଲୋପ ନୁରରେ ଗତବର୍ଷ ବହୁତ ଉତ୍ତେଜନା ଦେଖା ଦେଇଥିଲା | ତେବେ ଯଦି ଚୀନ ପରମାଣୁ ପରୀକ୍ଷଣ କରିଥିବା ତାର କ୍ଷମତା କମ ହୋଇଥାଇପାରେ କିନ୍ତୁ ଏହି ଦାବି ପରେ ଆମେରିକା ଓ ଚୀନ ମଧ୍ୟରେ ସମ୍ପର୍କ ଚାପଗ୍ରସ୍ତ ହୋଇପାରେ |

   Related Posts