ରାୟଗଡା - ଅଧା ବାଟରେ ପଙ୍କଚର ହେଲା ଆମ୍ବୁଲାନ୍ସ। ଚାଲିଗଲା ରୋଗୀଙ୍କ ଜୀବନ। ଆଜି ଏଭଳି ଏକ ଦୁଃଖଦ ଘଟଣା ଘଟିଛି ରାୟଗଡ଼ା ଜିଲ୍ଲା କଲ୍ୟାଣସିଂହପୁରରେ। ସ୍ଥାନୀୟ କରବା ଗାଁର ଜଣେ ମହିଳା ଝାଡ଼ାବାନ୍ତିରେ ଆକ୍ରାନ୍ତ ହୋଇ ୧୦୮ ଆମ୍ୱୁଲାନ୍ସରେ କଲ୍ୟାଣସିଂହପୁର ମେଡିକାଲକୁ ଯାଉଥିଲେ ।
ତେବେ ମେଡିକାଲ୍ଠାରୁ ମାତ୍ର ୪ କିଲୋମିଟର ଦୂରରେ ଆମ୍ବୁଲାନ୍ସ ଚକା ପଙ୍କଚର ହୋଇଯାଇଥିଲା। ପରେ ପ୍ରାୟ ଘଣ୍ଟାଏ ବିଳମ୍ବରେ ଅନ୍ୟ ଏକ ଆମ୍ବୁଲାନସରେ ତାଙ୍କୁ ମେଡିକାଲ୍ରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ ଡାକ୍ତର ।
କିଛି ଦିନ ତଳେ ମୟୁରଭଞ୍ଜରେ ଜଣେ ପ୍ରସୂତିଙ୍କୁ ଆଣୁଥିବା ବେଳେ ଆମ୍ବୁଲାନ୍ସ୍ରୁ ତେଲ ସରିଯିବାରୁ ଅଧାବାଟରେ ପ୍ରସୂତିଙ୍କର ମୃତ୍ୟୁ ହୋଇଥିଲା ।