Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଲକ୍ଷେ ଲୋକଙ୍କୁ ଚାକିରି ଦେବ ଆମାଜନ, ଘଣ୍ଟା ପ୍ରତି ମିଳିବ ୧୧୦୦ ଟଙ୍କା

15/09/2020 at 10:42 AM

ନ୍ୟୁୟର୍କ ୧୫/୦୯: କରୋନା କାଳରେ ଚାକିରି ଖୋଜୁଥିବା ଲୋକଙ୍କ ପାଇଁ ଖୁସିଖବର! ଇ-କମର୍ସ କମ୍ପାନି ଆମାଜନ୍ ଲକ୍ଷେ ଲୋକଙ୍କୁ ନିଯୁକ୍ତି ଦେବା ଘୋଷଣା କରିଛି। ତେବେ ଏ ନୂଆ ନିଯୁକ୍ତି ଉଭୟ ଅସ୍ଥାୟୀ ଓ ସ୍ଥାୟୀ ଉଭୟ ପଦରେ କରାଯିବ। ଏ ନିଯୁକ୍ତି ଛୁଟିଦିନରେ କରାଯାଉଥିବା ଭର୍ତି ଭଳି ହେବ ନାହିଁ। ଆମାଜନ ଓ୍ବେୟାର ହାଉସର ଦେଖାଶୁଣା କରୁଥିବା ଏଲିସିୟା ବୋଲର ଡେଭିସ୍ କହିଛନ୍ତି କମ୍ପାନି କିଛି ସହରରେ ହଜାରେ ଡଲାରର ସାଇନ-ଅନ୍ ବୋନସ୍ ଉପସ୍ଥାପିତ କରୁଛି, ଯେଉଁଠି ଡେଟ୍ରାୟଟ୍, ନ୍ୟୁୟର୍କ, ଫିଲାଡେଲଫିଆ ଓ ଲୁଇସଭିଲେରେ ଶ୍ରମିକଙ୍କୁ ଖୋଜିବାରେ କଷ୍ଟକର ହୋଇପାରେ। ଆମାଜନ ପ୍ରାରମ୍ଭିକ ଦରମା ଘଣ୍ଟା ପ୍ରତି ରହିବ ୧୫ ଡଲାର ଅର୍ଥାତ୍ ୧୧୦୨.୬୩ ଟଙ୍କା।

ସିଏଟଲ ଅନଲାଇନ୍ କମ୍ପାନିର କାରାବର ଦ୍ରୁତ ଭାବେ ବଢ଼ୁଛି। ଏପ୍ରିଲ ଓ ଜୁନ ମଧ୍ୟରେ କମ୍ପାନି ରେକର୍ଡ ସଂଖ୍ୟକ ଲାଭ ଓ ଆୟ କରିଥିଲା। କରୋନା ଭାଇରସ ମହାମାରୀ କାଳରେ ଲୋକମାନେ ଖାଦ୍ୟ ସାମଗ୍ରୀ ଓ ଅନ୍ୟାନ୍ୟ ଜିନିଷ ଅନଲାଇନରେ କିଣିବାକୁ ପସନ୍ଦ କରୁଛନ୍ତି।

ଅର୍ଡର ପୂରା କରିବା ପାଇଁ କମ୍ପାନି ପୂର୍ବରୁ ଏହି ବର୍ଷ ୧,୭୫ ହଜାର ଲୋକଙ୍କୁ ନିଯୁକ୍ତି ଦେଇଥାନ୍ତା। ଗତସପ୍ତାହରେ କମ୍ପାନି କହିଥିଲା ଯେ ତା’ପାଖରେ ୩୩ ହଜାରେ କର୍ପୋରେଟ୍ ଓ ଟେକ୍ନିକାଲ ଚାକିରି ଅଛି। ଏହି ପଦରେ ହିଁ ସେ ଲୋକଙ୍କୁ ଭର୍ତି କରି ନିଯୁକ୍ତି ଦେଇଥାନ୍ତା। ଶହେ ନୂଆ ଷ୍ଟୋରହାଉସ୍, ପ୍ୟାକେଜ ସଟିଂ କେନ୍ଦ୍ର ଓ ଅନ୍ୟାନ୍ୟ ସ୍ଥାନରେ ନୂଆ ଲୋକଙ୍କ ଆବଶ୍ୟକତା ଥିବା କମ୍ପାନି କହିଛି।

   Related Posts