Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭିସା ଉପରେ ଲାଗିଥିବା କଟକଣା ହଟାଇଲେ ସରକାର
  • ||
  • ଟ୍ୱିଟରରେ ପ୍ରଧାନମନ୍ତ୍ରୀ ମୋଦିଙ୍କ ପାଇଁ କବିତା ଲେଖିଲେ ରାହୁଲ
  • ||
  • ମା’ ମାଣିକେଶ୍ଵରୀଙ୍କ ପ୍ରସିଦ୍ଧ ଛତର ଯାତ୍ରା ପାଇଁ ୧୪୪ ଧାରା ଜାରି
  • ||
  • ପ୍ରକାଶ ପାଇଲା ମାଟ୍ରିକ୍ ସପ୍ଲିମେଣ୍ଟାରୀ ପରୀକ୍ଷା ଫଳ
  • ||
  • ରାୟଗଡାରେ ବୋଲେରୋ-ବାଇକ୍ ମୁହାଁମୁହିଁ ଧକ୍କା, ୨ ଗୁରୁତର
  • ||
  • ବିନା ଅନୁମତିରେ ଦାଢ଼ି ରଖି ନିଲମ୍ବିତ ହେଲେ ପୋଲିସ ବାବୁ
  • ||
  • ପାଲଘର ମାମଲାରେ ଆଉ ୨୪ ଅଭିଯୁକ୍ତ ଗିରଫ
  • ||
  • ରାଜ୍ୟରେ ଆଉ ୧୫ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ବିହାର ନିର୍ବାଚନ ପାଇଁ ବିଜେପି ଜାରି କଲା ସଂକଳ୍ପ ପତ୍ର
  • ||
  • ରାଜ୍ୟରେ ୧୯୧୩ କରୋନା ସଂକ୍ରମିତ ଚିହ୍ନଟ
  • ||

ଗୋଟିଏ ଲାପଟପକୁ ୩ଥର ବିକ୍ରି କରିଥିଲା ଆମାଜନ: ରିଫଣ୍ଡ ସହ ଲାଗିଲା ୨୦ ହଜାର ଟଙ୍କା ଜୋରିମାନା

16/12/2018 at 12:25 PM

ଚଣ୍ଡୀଗଡ଼ ୧୬/୧୨ : ଆଜିକାଲି ଘରେ ବସି ଅନଲାଇନ ସପିଙ୍ଗର ଟ୍ରେଣ୍ଡ ଚାଲିଛି | ତେବେ ଅନଲାଇନ ସପିଙ୍ଗରେ ହେଉଥିବା ଫ୍ରଡ ସମ୍ପର୍କରେ ପ୍ରତିଦିନ କିଛି ନା କିଛି ଖବର ସାମ୍ନାକୁ ଆସୁଛି | ନିକଟରେ ବଲିଉଡ ଅଭିନେତ୍ରୀ ସୋନାକ୍ଷୀ ସିହ୍ନା ଆମାଜନରୁ ଅର୍ଡର କରିଥିଲେ ହେଡ଼ଫୋନ କିନ୍ତୁ ତାଙ୍କ ମିଳିଥିଲା ଖଣ୍ଡେ ଲୁହା | ଯାହାକୁ ନେଇ ସେ ନିଜ ଇନ୍ଷ୍ଟଗ୍ରାମ ପେଜରେ ପୋଷ୍ଟ କରିଥିଲେ | ପୁଣିଥରେ ଆମାଜନ ବିରୋଧରେ ଆସିଛି ଅଭିଯୋଗ | ଚଣ୍ଡୀଗଡ଼ ସେକ୍ଟର-୪୩ରେ ରହୁଥିବା ରବୀନ୍ଦ୍ର ସିଂ ଆମାଜନରୁ ଏକ ଲାପଟପ ଅର୍ଡର କରିଥିଲେ | ଅର୍ଡର ମୁତାବକ ଡେଲ କମ୍ପାନୀର ଲାପଟପ ମଧ୍ୟ ଆସିଥିଲା | କିନ୍ତୁ ଲାପଟପ ଅଳ୍ପ ଦିନରେ ଖରାପ ହୋଇଯାଇଥିଲା | ଲାପଟପ ଖରାପ ହୋଇଥିବା ନେଇ ରବୀନ୍ଦ୍ର ଡେଲ ଇଣ୍ଡିଆ କମ୍ପାନୀ ସହ କଥା ହୋଇଥିଲେ | ଡେଲ ଇଣ୍ଡିଆ କମ୍ପାନୀ ତରଫରୁ ଜଣାପଡିଥିଲା ଯେ ସେହି ଲାପଟପ ପୂର୍ବରୁ ଦୁଇଥର ବିକ୍ରି ହୋଇସାରିଛି | ଏହା ଜାଣି ରବୀନ୍ଦ୍ର ଆମାଜନ ବିରୋଧରେ କଂଜୟୁମର ଫୋରମରେ ଏକ ମାମଲା ରୁଜ୍ଜୁ କରିଥିଲେ | 


କଂଜୟୁମର ଫୋରମରେ ରବୀନ୍ଦ୍ରଙ୍କ ଅଭିଯୋଗ ଠିକ ପ୍ରମାଣିତ ହୋଇଥିଲା | ଦୋଷ ପ୍ରମାଣିତ ହେବ ପରେ କଂଜୟୁମର ଫୋରମ ରବୀନ୍ଦ୍ରଙ୍କୁ ଲାପଟପର ମୂଲ୍ୟ ୬୯ ହଜାର ଟଙ୍କା ରିଫଣ୍ଡ କରିବା ସହ ୨୦ ହଜାର ଟଙ୍କା ଜୋରିମାନା ଦେବା ପାଇଁ ଆମାଜନକୁ ନିର୍ଦେଶ ଦେଇଥିଲେ | 


୨୦୧୬ ମସିହାରେ ରବୀନ୍ଦ୍ର ଏହି ଲାପଟପ କିଣିଥିଲେ | ସେତେବେଳେ ଲାପଟପର ମୂଲ୍ୟ ଥିଲା ୬୯୯୯୦ ଟଙ୍କା | ଏହି ଲାପଟପ ତାଙ୍କୁ ସିଗ୍ଲୋବାଲ କମ୍ପାନୀ ତରଫରୁ ବିକ୍ରି କରାଯାଇଥିଲା | କିଣିବା ଦିନରୁ ହିଁ ଲାପଟପରେ ସମସ୍ୟା ଦେଖାଦେଇଥିଲା | ବର୍ଷ ମଧ୍ୟରେ ଲାପଟପ ଅଧିକାଂଶ ସମୟ ସର୍ଭିସ ସେଣ୍ଟରରେ ରହୁଥିଲା | 


ରବୀନ୍ଦ୍ରଙ୍କ ଓକିଲ ଯୋଗୀନ୍ଦ୍ର ନାଗପାଳ କହିଛନ୍ତି ଯେ, ଯେତେବେଳେ ସେ ଲାପଟପ ରିପ୍ଲେସ କରିବା ପାଇଁ ଆମାଜନ ସହ କଥା ହୋଇଥିଲେ ସେତେବେଳେ ଆମାଜନ ମନାକରିଦେଇଥିଲା | ମନାକରିବା ପରେ ସେ ଆମାଜନ ବିରୋଧରେ ଅଭିଯୋଗ କରିଥିଲେ | କଂଜୟୁମର ଫୋରମ ରିଫଣ୍ଡ ଏବଂ ଜୋରିମାନା ସହ କେଶ ବାବଦରେ ଖର୍ଚ୍ଚ ହୋଇଥିବା ୧୦ ହଜାର ଟଙ୍କା ମଧ୍ୟ ଦେବା ପାଇଁ ନିର୍ଦେଶ ଦେଇଥିଲେ |

   Related Posts