Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ

21/06/2021 at 8:08 AM

ମେକ୍ସିକୋ, ୨୧।୦୬: ଆମେରିକା ସୀମା ନିକଟବର୍ତ୍ତୀ ମେକ୍ସିକୋ ସହରର ରେନୋସାରେ ହିଂସାକାଣ୍ଡ । ସହରରେ ଅନେକ ଗାଡିକୁ ଦୁର୍ବୃତ୍ତମାନେ ଆକ୍ରମଣ କରି ଭଙ୍ଗାରୁଜା କରିଛନ୍ତି । ଏପରିକି ସାଧାରଣ ଲୋକଙ୍କ ଉପରେ ମଧ୍ୟ ଗୁଳିମାଡ କରିଛନ୍ତି । ଏହି ହିଂସାକାଣ୍ଡରେ ଅତିକମରେ ୧୮ ଜଣ ପ୍ରାଣ ହରାଇଥିବା ସୂଚନା ମିଳିଛି । ନ୍ୟୁଜ୍ ଏଜେନ୍ସି ଅନୁସାରେ, ଅସ୍ତ୍ରଶସ୍ତ୍ରରେ ସୁସଜ୍ଜିତ କିଛି ଦୁର୍ବତ୍ତ ଗାଡିରେ ଆସି ସାଧାରଣ ଲୋକଙ୍କ ଉପରେ ଗୁଳିମାଡ କରିଥିଲେ ।

ସୁରକ୍ଷାକର୍ମୀଙ୍କ କହିବାନୁସାରେ, ଏହି ଘଟଣା ପରେ ଆତଙ୍କ ଖେଳିଯାଇଛି । ତେବେ ୪ ଜଣ ସନ୍ଦିଗ୍ଧଙ୍କୁ ନିପାତ କରାଯାଇଛି । ଏହି ଆକ୍ରମଣ ଶନିବାର ଦ୍ୱିପହରରେ ହୋଇଥିଲା । ସୋସିଆଲ ମିଡିଆରେ ଭାଇରାଲ ହୋଇଥିବା ଅନେକ ଫଟୋରେ କିପରି ରେନୋସା ରାସ୍ତାରେ ମୃତଦେହ ଗୁଡିକ ପଡିଛି ତାହା ଦେଖିବାକୁ ମିଳିଛି ।

ରେନୋସା ମେୟର ମାକି ଏସ୍ତେର ଆର୍ଟିଜ୍ ଡୋମିଗୁଏଞ୍ଜ୍ ଟ୍ୱିଟରରେ ନାଗରିକଙ୍କ ସୁରକ୍ଷା ପାଇଁ ଅପିଲ କରିଛନ୍ତି । ତାମାଉଲିପାସ୍‌ର ଗଭର୍ଣ୍ଣର ଫ୍ରାନସିସ୍କୋ ଗ୍ରାସିଆ କାବେଜା ଡେ ବାକା ରବିବାର ଏହି ଗୁଳିକାଣ୍ଡକୁ ନିନ୍ଦା କରିଛନ୍ତି । ଏହାସହ ମୃତକଙ୍କ ପ୍ରତି ସମ୍ବେଦନା ଜ୍ଞାପନ କରିଛନ୍ତି । ଆକ୍ରମଣ ପଛରେ ଥିବା କାରଣର ତଦନ୍ତ ଜାରି ରହିଥିବା ସେ କହିଛନ୍ତି । ଅଧିକାଂଶ ଆକ୍ରମଣକାରୀ ଗଲ୍ଫ କାଟେଲ୍ ସହ ଜଡିତ ଥିବା ସେ ସୂଚନା ଦେଇଛନ୍ତି ।

ଗୁଳିକାଣ୍ଡ ପରେ ମେକ୍ସିକୋ ସେନା, ଜାତୀୟ ସୁରକ୍ଷା ବାହିନୀ, ରାଜ୍ୟ ପୋଲିସ ଓ ଅନ୍ୟ. ଏଜେନ୍ସି ଘଟଣାସ୍ଥଳରେ ପହଁଚିଛନ୍ତି । ଅଧିକାରୀଙ୍କ କହିବାନୁସାରେ, ଜଣେ ଅଭିଯୁକ୍ତଙ୍କୁ ଗିରଫ କରାଯାଇଛି । ଏହି ବ୍ୟକ୍ତିଜଣଙ୍କ ୨ ମହିଳାଙ୍କୁ ଅପହରଣ କରି କାରରେ ନେଇ ଫେରାର ହୋଇଯାଉଥିଲା । ଏହାସହ ତିନୋଟି ଗାଡିକୁ ମଧ୍ୟ ଜବତ କରାଯାଇଛି ।

   Related Posts