ଭୁବନେଶ୍ଵର;୨୯/୦୮-ବିଜେଡିରେ ମିଶିଲେ ପୂର୍ବତନ ପ୍ରିନ୍ସପାଲ ଏଜି ଅମର ପଟ୍ଟନାୟକ । ନବୀନ ନିବାସରେ ମୁଖ୍ୟମନ୍ତ୍ରୀଙ୍କ ଉପସ୍ଥିତିରେ ସେ ବିଜେଡିରେ ମିଶିଛନ୍ତି । ଅମର ପଟ୍ଟନାୟକ ବିଜେଡି ଆଇଟି ସେଲର ମୁଖ୍ୟ ଭାବେ କାମ କରିବେ ବୋଲି ମୁଖ୍ୟମନ୍ତ୍ରୀ ସୂଚନା ଦେଇଛନ୍ତି । ପ୍ରିନ୍ସିପାଲ ଏଜି ଭାବେ ଦେଶର ବିଭିନ୍ନ ରାଜ୍ୟରେ କାର୍ଯ୍ୟ କରିଛନ୍ତି ଅମର । ଓଡ଼ିଶାରେ ଏଜି ଥିବା ବେଳେ ଅନେକ ଦୁର୍ନୀତିର ପର୍ଦ୍ଦାଫାଶ କରି ସେ ଚର୍ଚ୍ଚିତ ହୋଇଥିଲେ । ତାଙ୍କର ଆହୁରି ୯ ବର୍ଷର ଚାକିରି କାଳ ଥିଲେ ବି ସେ ସ୍ୱେଚ୍ଛାକୃତ ଅବସର ନେଇ ବିଜେଡିରେ ମିଶିଛନ୍ତି । ବିଜେଡିର ଅମରଙ୍କ ମିଶ୍ରଣ ନେଇ ଦଳ ସୁପ୍ରିମୋ ନବୀନ ପଟ୍ଟନାୟକ କହିଛନ୍ତି, ଏହା ଦଳକୁ ଅଧିକ ସୁଦୃଢ କରିବ । ଅନ୍ୟପକ୍ଷରେ, ଅମର କହିଛନ୍ତି ଓଡ଼ିଶାର ଉନ୍ନତି ଲାଗି ନବୀନ ହିଁ ସବୁଠାରୁ ଯୋଗ୍ୟ ନେତା ହୋଇଥିବାରୁ ସେ ବିଜେଡିରେ ଯୋଗ ଦେଇଛନ୍ତି ।.