ନୂଆଦିଲ୍ଲୀ ୦୩।୦୮: ଅଭିନେତା ଅଲ୍ଲୁ ଅର୍ଜୁନଙ୍କ ବହୁ ପ୍ରତୀକ୍ଷିତ ଫିଲ୍ମ 'ପୁଷ୍ପା'ର ରିଲିଜ୍ ତାରିଖ ଘୋଷଣା ହୋଇଛି। ଫିଲ୍ମର ପ୍ରଥମ ଭାଗ ୨୦୨୧ ଖ୍ରୀଷ୍ଟମାସରେ ରିଲିଜ୍ ହେବ। ଫିଲ୍ମଟି ହିନ୍ଦୀ ସମେତ ୫ ଭାଷାରେ ରିଲିଜ୍ ହେବ। ବକ୍ସ ଅଫିସରେ ଏହି ଚଳଚ୍ଚିତ୍ରର ମୁକାବିଲା ଆମିର ଖାନଙ୍କ ଅଭିନୀତ ବହୁ ଚର୍ଚ୍ଚିତ ଫିଲ୍ମ 'ଲାଲ ସିଂହ ଚଡ୍ଢା' ସହ ହେବ। ଖ୍ରୀଷ୍ଟମାସରେ ଏବେ ସିନେ ପ୍ରେମୀଙ୍କୁ ଦୁଇଟି ଭଲ ଚଳଚ୍ଚିତ୍ର ଦେଖିବାକୁ ମିଳିବ।
ଅଲ୍ଲୁ ଅର୍ଜୁନ ନିଜେ ଟ୍ଵିଟରରେ ଫିଲ୍ମର ଫାଷ୍ଟ ଲୁକ୍ ସେୟାର କରିଛନ୍ତି। ଫିଲ୍ମରେ ଅଲ୍ଲୁଙ୍କ ବ୍ୟତୀତ ରଶ୍ମିକା ମନ୍ଦାନା ଓ ଫହଦ ଫାସିଲଙ୍କ ପରି ଅଭିନେତା ଓ ଅଭିନେତ୍ରୀ ଅଭିନୟ କରିଛନ୍ତି। ବର୍ଷର ଶେଷ ଆଡକୁ ସବୁଠୁ ବଡ ଫିଲ୍ମ ଟକ୍କରକୁ ନେଇ ପ୍ରଶଂସକ ବହୁତ ଉତ୍ସାହିତ ଅଛନ୍ତି।
ଆକ୍ସନରେ ଭରପୂର ଫିଲ୍ମର କାହାଣୀ
wp:html/wp:htmlAAMIR KHAN - ALLU ARJUN: THE BIGGG CHRISTMAS CLASH... With #Pushpa: Part 1 - the PAN-#India film starring #AlluArjun - announcing #Christmas 2021 release, the much-awaited biggie will now clash with #AamirKhan's #LaalSinghChaddha, also arriving on #Christmas... Your comments... pic.twitter.com/V0dJENMf9V
— taran adarsh (@taran_adarsh) August 3, 2021
ଫିଲ୍ମ ପୁଷ୍ପାରେ ନିର୍ଦ୍ଦେଶକ ସୁକୁମାର ଓ ସଙ୍ଗୀତ ନିର୍ଦ୍ଦେଶକ ଦେବୀ ଶ୍ରୀ ପ୍ରସାଦ ପୁଣି ଥରେ ଏକାଠି କାମ କରିଛନ୍ତି। ଏହାକୁ ନେଇ ମୈତ୍ରୀ ମୁଭି ମେକର୍ସର ନିର୍ମାତା ନବୀନ ୟରନେନୀ ଓ ଓ୍ଵାଇ ରବିଶଙ୍କର କହିଛନ୍ତି, ପୁଷ୍ପାର କାହାଣୀ ଆକ୍ସନରେ ଭରପୂର ରହିଛି। ଏଥିରେ ଏମିତି ମୁହୂର୍ତ୍ତ ଏବଂ ଦୃଶ୍ୟ ରହିଛି ଯାହା ଦର୍ଶକଙ୍କ ହୃଦୟକୁ ଛୁଇଁଯିବ। ଫିଲ୍ମକୁ ତିଆରି କରିବା ଆମ ପାଇଁ ବହୁତ ଆକର୍ଷଣୀୟ ରହିଛି।
୨୦୨୨ରେ ରିଲିଜ୍ ହେବ ଦ୍ଵିତୀୟ ଭାଗ
ନିର୍ମାତା କହିଛନ୍ତି, ଏହି ଫିଲ୍ମ ପ୍ରଥମରୁ ହିଁ ଦର୍ଶକଙ୍କ ମନରେ ବହୁତ ଉତ୍ସୁକତା ଭରି ରହିଛି। ଆମେ ଆଶା କରୁଛୁ ଯେ, ପ୍ରଶଂସକ ଏହି ଫିଲ୍ମକୁ ଖୁବ୍ ଭଲ ପାଇବା ଦେବେ। ପ୍ରଥମ ଥର ଦର୍ଶକ ଅଲ୍ଲୁ ଅର୍ଜୁନ ଓ ରସ୍ମିକା ମନ୍ଦାନାଙ୍କୁ ବଡ ପରଦାରେ ଦେଖିବେ। ଫିଲ୍ମର ଦ୍ଵିତୀୟ ଭାଗ ୨୦୨୨ରେ ରିଲିଜ୍ ହେବ।