Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁନିଗୁଡା : ମାଲବାହୀ ଟ୍ରେନ୍‌ର ୪ଟି ବଗି ଲାଇନଚ୍ୟୁତ, ରାୟଗଡା-ଟିଟିଲାଗଡ ମଧ୍ୟରେ ରେଳ ଚଳାଚଳ ବାଧାପ୍ରାପ୍ତ
  • ||
  • ଭୁବନେଶ୍ବର : ପିପିଲି ଉପନିର୍ବାଚନ ପାଇଁ ପ୍ରତାପ ଦେବଙ୍କୁ ପର୍ଯ୍ୟବେକ୍ଷକ ଦାୟିତ୍ବ ଦେଲା ବିଜେଡି
  • ||
  • କୋରାପୁଟ : ଘାଟିରେ ସିରିଜ୍ ଦୁର୍ଘଟଣା, ତେଲ ଟ୍ୟାଙ୍କରକୁ ପିଟିଲା ଟ୍ରକ୍, ବ୍ରେକ୍ ଫେଲ୍ ହେବାରୁ ଟ୍ରକ୍କୁ ଧକ୍କାଦେଲା ପିକଅପ୍ ଭ୍ୟାନ୍
  • ||
  • ରାଉରକେଲା : ଯୁବକଙ୍କ ଗଳିତ ମୃତଦେହ ଉଦ୍ଧାର, ଶନିବାର ରାତିରୁ ଥିଲେ ନିଖୋଜ, ହତ୍ୟା ଅଭିଯୋଗ ଆଣିଲେ ପରିବାର
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୧୩ କୋଭିଡ୍ ପଜିଟିଭ୍‌, ୩୩୪୭୮୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜଗତସିଂହପୁର : ବ୍ୟାଙ୍କ୍ ଲୁଟ୍ ଉଦ୍ୟମ ପଣ୍ଡ, ଆଲମିରାରେ ନିଆଁ ଲାଗି ପୋଡିଗଲା ବହୁ ଗୁରୁତ୍ବପୂର୍ଣ୍ଣ କାଗଜପତ୍ର
  • ||
  • ଯାଜପୁର : ରାସ୍ତାକଡରୁ ରମାଦେବୀ ଛାତ୍ରୀଙ୍କ ମୃତଦେହ ମିଳିବା ଘଟଣାରେ ୨ ଅଭିଯୁକ୍ତକୁ ଚିହ୍ନଟ କଲା ପୋଲିସ
  • ||
  • ଆଠମଲ୍ଲିକ : ବାରହା ଶିକାର ପାଇଁ ବିଦ୍ୟୁତ୍ ତାର ବିଛାଇଥିଲେ, ସଂସ୍ପର୍ଶରେ ଆସି ଚାଲିଗଲା ନିଜ ଜୀବନ
  • ||
  • ସୋର : ଖେଳୁଥିବା ବେଳେ ୩ବର୍ଷର ଶିଶୁ ଉପରେ ମାଡିଗଲା ଟ୍ରକ୍, ଘଟଣାସ୍ଥଳରେ ମୃତ୍ୟୁ
  • ||
  • ନୂଆଦିଲ୍ଲୀ : ଭାରତ ପୁଣି ବଢାଇଲା ସହଯୋଗର ହାତ, ବାହାରିନ୍‌ ଓ ଶ୍ରୀଲଙ୍କାକୁ ପଠାଇଲା କୋଭିସିଲ୍ଡ ଟିକା
  • ||

ବଦଳିଲା ଆହ୍ଲାବାଦର ନାଁ … ହେଲା ପ୍ରୟାଗରାଜ

16/10/2018 at 5:45 PM

ଲକ୍ଷ୍ନୈା ୧୬/୧୦ : ଆହ୍ଲାବାଦ ସହର ନାଁ ପରିବର୍ତ୍ତନ କରି ପ୍ରୟୋଗରାଜ ରଖିବା ପାଇଁ ଏକ ପ୍ରସ୍ତାବକୁ ଉତ୍ତର ପ୍ରଦେଶ କ୍ୟାବିନେଟ ମଞ୍ଜୁରୀ ପ୍ରଦାନ କରିଛି | କ୍ୟାବିନେଟ ବୈଠକ ପରେ ବରିଷ୍ଠ ବରିଷ୍ଠ କ୍ୟାବିନେଟ ମନ୍ତ୍ରୀ ସିଦ୍ଧାର୍ଥ ନାଥ ସିଂ କହିଛନ୍ତି ଯେ, ୨୦୧୯ ମସିହା କୁମ୍ଭମେଳା ପୂର୍ବରୁ ଆହ୍ଲାବାଦର ନା ପରିବର୍ତ୍ତନ କରି ପ୍ରୟାଗରାଜ କରିବା ପାଇଁ ପ୍ରସ୍ତାବ ଆସିଥିଲା | ଏହି ପ୍ରସ୍ତାବକୁ କ୍ୟାବିନେଟ ମଞ୍ଜୁରୀ ପ୍ରଦାନ କରିବା ଫଳରେ ଆଜିଠାରୁ ଆହ୍ଲାବାଦ ପ୍ରୟାଗରାଜ ଭାବେ ଜଣାଯିବ | ଏହି କ୍ୟାବିନେଟ ବୈଠକରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଅଧ୍ୟକ୍ଷତା କରିଥିଲେ | ଋକବେଦ, ମହାଭାରତ ଏବଂ ରାମାୟଣରେ ଆହ୍ଲାବାଦର ନାଁ ପ୍ରୟାଗରାଜ ଥିବା ସୂଚନା ଦିଆଯାଇଛି | ଆହ୍ଲାବାଦରେ ଜନସମୁଦାୟ, ମୁନୀ, ରୁଷି ଓ ସାଧୁ ସନ୍ଥମାନେ ଆହ୍ଲାବାଦକୁ ପୁନଃ ପ୍ରୟାଗରାଜ ଭାବେ ନାମିତ କରିବା ପାଇଁ ଦାବି କରିଆସୁଥିଲେ ବୋଲି କ୍ୟାବିନେଟ ମନ୍ତ୍ରୀ କହିଛନ୍ତି |
ସୂଚନାଯୋଗ୍ୟ ଯେ, ଗତ ଶନିବାର ଦିନ ଯୋଗୀ ଆଦିତ୍ୟନାଥ ଆହ୍ଲାବାଦ ଗସ୍ତ ବେଳେ ଏହି ନାମ ପରିବର୍ତ୍ତନ ସମ୍ପର୍କରେ ସୂଚନା ଦେଇଥିଲେ | ହିମାଳୟରୁ ବାହାରିଥିବା ଦୁଇଟି ପ୍ରସିଦ୍ଧ ଏବଂ ପବିତ୍ର ନଦୀ ଗଙ୍ଗା ଓ ଯମୁନାର ସଙ୍ଗମସ୍ଥଳକୁ ପ୍ରୟାଗରାଜ ହିଁ କୁହାଯିବ | ୨୦୧୯ ମସିହା କୁମ୍ଭମେଳା ସଂକ୍ରାନ୍ତୀୟ ବୈଠକରେ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ କହିଥିଲେ ଯେ, କୁମ୍ଭମେଳା ପୂର୍ବରୁ ନାମ ପରିବର୍ତ୍ତନ ନିଶ୍ଚୟ ହେବ |

ସୂଚନାଯୋଗ୍ୟ ଯେ, ଆହ୍ଲାବାଦର ନାମ ପରିବର୍ତ୍ତନକୁ ନେଇ ବିରୋଧୀ ଦଳମାନେ ସମାଲୋଚନା କରିଛନ୍ତି | ସମାଜବାଦୀ ପାର୍ଟିର ମୁଖ୍ୟ ତଥା ପୂର୍ବତ୍ତନ ମୁଖ୍ୟମନ୍ତ୍ରୀ ଅଖିଳେସ ଯାଦବ କହିଛନ୍ତି ଯେ, ବିଭିନ୍ନ ସ୍ଥାନରେ ନାମ ପରିବର୍ତ୍ତନରେ ହିଁ ବିଜେପିର କାର୍ଯ୍ୟ ସୀମିତ |
ଏଥି ପୂର୍ବରୁ ଗତବର୍ଷ ଅକ୍ଟୋବର ମାସରେ ମୁଗଲସରାଇ ରେଳ ଷ୍ଟେସନର ନାମ ପରିବର୍ତ୍ତନ କରି ଦିନଦୟାଲ ଉପାଧ୍ୟାୟ ଷ୍ଟେସନ କରାଯାଇଥିଲା | ସୂଚନାଯୋଗ୍ୟ ଯେ, ଜନସଂଘ ପ୍ରବକ୍ତା ତଥା ପ୍ରତିଷ୍ଠାତା ପଣ୍ଡିତ ଦିନଦୟାଲ ଉପାଧ୍ୟାୟ ୧୯୬୮ ମସିହାରେ ଏହି ରେଳ ଷ୍ଟେସନ ଠାରେ ଇହଲୋକ ସମ୍ବରଣ କରିଥିଲେ | ଜନସଂଘ ଲିଗାସୀକୁ ଆଗକୁ ବଢାଇବା ପାଇଁ ରାଜ୍ୟରେ କ୍ଷମତାସୀନ ବିଜେପି ଦଳ ଏଭଳି ପଦକ୍ଷେପ ନେଇଥିଲେ |
ଆହ୍ଲାବାଦର ନା ପରିବର୍ତ୍ତନକୁ କଂଗ୍ରେସ ଦଳ ମଧ୍ୟ ବିରୋଧ କରିଛି | ଆହ୍ଲାବାଦର ନା ପରିବର୍ତ୍ତନ କରିବା ଦ୍ୱାରା ଏହାର ଇତିହାସ ପ୍ରଭାବିତ ହେବ ବୋଲି ଦଳ ଆଶଙ୍କା ପ୍ରକାଶ କରିଛି | ସ୍ୱାଧୀନତା ସଂଗ୍ରାମରେ ଆହ୍ଲାବାଦର ବିଶେଷ ଭୂମିକା ରହିଥିଲା | ନାଁ ପରିବର୍ତ୍ତନ ଦ୍ୱାରା ସେ ଇତିହାସ ଅନ୍ଧାର ଭିତରକୁ ଠେଲି ହୋଇଯିବ | ଏମିତି ବି କୁମ୍ଭମେଳା ହେଉଥିବା ସ୍ଥାନକୁ ପ୍ରୟାଗରାଜ ବୋଲି କୁହାଯାଏ | ଯଦି ‘ପ୍ରୟାଗରାଜ’ ନାଁ ପାଇଁ ସରକାରଙ୍କ ଏତେ ଦୁର୍ବଳତା ତାହେଲେ କୁମ୍ଭମେଳା ହେଉଥିବା ସ୍ଥାନକୁ ଅନ୍ୟ ଏକ ସହର ଘୋଷଣା କରି ସେହି ସ୍ଥାନକୁ ପ୍ରୟାଗରାଜ ବୋଲି କୁହାଯାଇପାରନ୍ତା | ଆହ୍ଲାବାଦ ନାଁକୁ ସମ୍ପୂର୍ଣ ବଦଳାଇବା ଉଚିତ ନୁହେଁ | ୪୪୪ ବର୍ଷର ଏହି ନାଁ ସହିତ ବହୁ ଇତିହାସ ରହିଛି |

   Related Posts