Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୮୨ ହଜାରରୁ ଅଧିକ କରୋନା ପଜିଟିଭ୍, ୪୪୧ ମୃତ
  • ||
  • ରାଜ୍ୟରେ ଆଉ ୬ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୯୪କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୬୦୭ କୋଭିଡ୍ ପଜିଟିଭ୍, ୧୧୬୭୦୯୪ରେ ପହଞ୍ଚିଲା ସଂଖ୍ୟା
  • ||
  • ବୁଧବାର ଭାରତ ଓ ଦକ୍ଷିଣ ଆଫ୍ରିକା ମଧ୍ୟରେ ଖେଳାଯିବ ଦିନକିଆ ସିରିଜ୍
  • ||
  • ଗ୍ଲୋବାଲ ମେୟର୍ସ ଚ୍ୟାଲେଞ୍ଜ-୨୦୨୧: ବିଶ୍ୱର ଶ୍ରେଷ୍ଠ ୧୫ ସହରରେ ରାଉରକେଲା, ଟ୍ୱିଟ୍‌ କରି ପ୍ରଶଂସା କଲେ ମୁଖ୍ୟମନ୍ତ୍ରୀ
  • ||

ଲକ୍ ଡାଉନ୍‌ରେ ଆଶ୍ବସ୍ତି : ଖୋଲିବ ଏହି ସବୁ କ୍ଷେତ୍ର, ମିଳିବ କିଛିଟା ରିହାତି

17/04/2020 at 3:51 PM

ନୂଆଦିଲ୍ଲୀ ୧୭।୪: ଦେଶରେ କରୋନା ଭାଇରସ୍ ବିସ୍ତାରକୁ ଦୃଷ୍ଟିରେ ରଖି ସରକାର ଲକ୍ ଡାଉନ୍ ଅବଧିକୁ ମେ ୩ ତାରିଖ ପର୍ଯ୍ୟନ୍ତ ବୃଦ୍ଧି କରିଛନ୍ତି । ଏଥର ଲକ୍ ଡାଉନ୍ ରେ କିଛି କ୍ଷେତ୍ରକୁ ଜରୁରୀ ନିର୍ଦ୍ଦେଶ ସହ ଲକ୍ ଡାଉନ୍ ନିୟମରୁ ବାଦ୍ ଦିଆଯାଇଥିଲା । ଶୁକ୍ରବାର ଦିନ ଆଉ କିଛି କ୍ଷେତ୍ରକୁ ଛାଡ୍ କରାଯାଇଛି । ଏଥିମଧ୍ୟରେ ଗ୍ରାମାଞ୍ଚଳରେ ନିର୍ମାଣ କାର୍ଯ୍ୟ ଏବଂ ଜଳ ଯୋଗାଣ, ପରିମଳ, ବିଦ୍ୟୁତ୍, ଅଣ ବ୍ୟାଙ୍କିଙ୍ଗ୍ ଆର୍ଥିକ ପ୍ରତିଷ୍ଠାନ ଏବଂ ସମବାୟ କ୍ରେଡିଟ୍ ସୋସାଇଟି ସମଗ୍ର ଦେଶରେ କାର୍ଯ୍ୟ କରିବାକୁ ଅନୁମତି ପ୍ରଦାନ କରାଯାଇଛି ।

କରୋନା ଭାଇରସ୍ ମୁକାବିଲା ପାଇଁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମାର୍ଚ୍ଚ ୨୪ରୁ ଅପ୍ରେଲ ୧୪ ପର୍ଯ୍ୟନ୍ତ ଦେଶବ୍ୟାପୀ ଲକ୍ ଡାଉନ୍ ଘୋଷଣା କରିଥିଲେ । କିନ୍ତୁ ବର୍ତ୍ତମାନ ଏହାର ଅବଧି ମେ ୩ ତାରିଖ ପର୍ଯ୍ୟନ୍ତ ବୃଦ୍ଧି କରାଯାଇଛି । ଗୃହ ମନ୍ତ୍ରଣାଳୟ ବୁଧବାର ଦିନ ଲକ୍ ଡାଉନ୍ ଗାଇଡ୍ ଲାଇନ୍ ଜାରି କରି ବିଭିନ୍ନ ଲୋକ ତଥା ସେବା ପାଇଁ ଅନୁମତି ପ୍ରଦାନ କରିଥିଲେ ।

କୃଷି କ୍ଷେତ୍ର :

କେନ୍ଦ୍ର ରାଜ୍ୟ ସଚିବ ଅଜୟ ଭାଲା ସମସ୍ତ ରାଜ୍ୟ ତଥା କେନ୍ଦ୍ରଶାସିତ ଅଞ୍ଚଳକୁ ପଠାଯାଇଥିବା ନିର୍ଦ୍ଦେଶାବଳୀରେ କହିଛନ୍ତି ଯେ କାଠ ଗଛ ବ୍ୟତୀତ ଜଙ୍ଗଲର ଅନ୍ୟ ଗଛ, ଜଙ୍ଗଲଜାତ ଦ୍ରବ୍ୟ ସଂଗ୍ରହ, ଅମଳ ତଥା ପ୍ରକ୍ରିୟାକରଣରେ ଆଦିବାସୀ ତଥା ଜଙ୍ଗଲବାସୀଙ୍କୁ ଆସନ୍ତା ୩ ତାରିଖ ପର୍ଯ୍ୟନ୍ତ ଏହି ଲକ୍ ଡାଉନ୍ ରୁ ଛାଡ୍ କରାଯିବ।

ନିର୍ମାଣ କ୍ଷେତ୍ର :

ଗ୍ରାମାଞ୍ଚଳରେ ନିର୍ମାଣ କାର୍ଯ୍ୟ, ଜଳ ଯୋଗାଣ, ପରିମଳ, ବିଦ୍ୟୁତ୍, ଟେଲି ଯୋଗାଯୋଗ ଲାଇନ୍ ଏବଂ କେବଲିଂ ପାଇଁ ଅନୁମତି ଦିଆଯାଉଛି ।

ଆର୍ଥିକ କ୍ଷେତ୍ର :

ଦେଶବ୍ୟାପୀ ଅଣ ବ୍ୟାଙ୍କିଙ୍ଗ ଆର୍ଥିକ ପ୍ରତିଷ୍ଠାନ, ହାଉସିଂ ଫାଇନାନ୍ସ କମ୍ପାନୀ, ଛୋଟ ଫାଇନାନ୍ସ ପ୍ରତିଷ୍ଠାନଗୁଡିକୁ ବନ୍ଦସମୟରେ ସର୍ବନିମ୍ନ କର୍ମଚାରୀଙ୍କ ସହ କାମ କରିବାକୁ ଅନୁମତି ଦିଆଯାଇଛି । ବାଉଁଶ, ନଡିଆ, ସୁପାରୀ, କୋକୋ, ମସଲା ଚାଷ, ସେଗୁଡିକର ଅମଳ, ପ୍ରକ୍ରିୟାକରଣ, ପ୍ୟାକେଜିଂ, ବିକ୍ରୟ ଏବଂ ମାର୍କେଟିଂ ଲକ୍ ଡାଉନ୍ ସମୟରେ ଛାଡ କରାଯାଉଛି ।

   Related Posts