Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୦ ମହଲା କୋଠାରେ ଭୀଷଣ ଅଗ୍ନିକାଣ୍ଡ, ୧୫ ଆହତ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୩୭ ହଜାରରୁ ଅଧିକ କରୋନା ପଜିଟିଭ୍, ୪୮୮ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୧୪କୁ ବୃଦ୍ଧି
  • ||
  • ରାଜ୍ୟରେ ୯ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୮୮୪୫ କୋଭିଡ୍ ପଜିଟିଭ୍, ୧୧୯୬୧୪୦ରେ ପହଞ୍ଚିଲା ସଂଖ୍ୟା
  • ||
  • ଭୁବନେଶ୍ବର : ଓଭରବ୍ରିଜ୍‌ରୁ ୩୦ଫୁଟ ତଳକୁ ଖସିଲା କାର୍, ଦୁର୍ଘଟଣାରେ ଗାଡି ଭାଙ୍ଗିରୁଜି ଚୁରମାର୍
  • ||
  • ଶନିବାର ଏହି ସବୁ ଜିଲ୍ଲାରେ ବର୍ଷା : ବଢିବ ତାପମାତ୍ରା, କମିବ ଶୀତ
  • ||
  • ଭୟଙ୍କର ଦୁର୍ଘଟଣା : ମହାନଦୀ ପୋଲରେ ବୋଲେରୋକୁ ପିଟିଲା ଟ୍ରକ୍, ୫ ମୃତ
  • ||

କାଶ୍ମୀରରେ ଚାଲିବ ସର୍ଜିକାଲ ଅପରେସନ, ନିହତ ହେଲେଣି ସାଧାରଣ ନାଗରିକଙ୍କୁ ଟାର୍ଗେଟ କରୁଥିବା ସମସ୍ତ ଆତଙ୍କବାଦୀ

29/11/2021 at 8:38 AM

ନୂଆଦିଲ୍ଲୀ ୨୯/୧୧: ଗତ ମାସରେ ଜାମ୍ମୁ କାଶ୍ମୀରରେ ସାଧାରଣ ନାଗରିକଙ୍କ ହତ୍ୟା କରୁଥିବା ପ୍ରାୟ ସମସ୍ତ ଆତଙ୍କବାଦୀ ନିହତ ହୋଇଛନ୍ତି । ଆତଙ୍କବାଦୀ କାର୍ଯ୍ୟକଳାପର ମୁକାବିଲା ପାଇଁ ସଶସ୍ତ୍ର ବାହିନୀ ବର୍ତ୍ତମାନ ଗୁପ୍ତଚର ଭିତ୍ତିକ “ସର୍ଜିକାଲ୍ ଅପରେସନ୍” ଉପରେ ଧ୍ୟାନ ଦେଉଛି । ରବିବାର ଏନେଇ ସୂଚନା ଦିଆଯାଇଛି । ଆତଙ୍କବାଦକୁ ମୁକାବିଲା କରିବା ପାଇଁ ଜମ୍ମୁ-କଶ୍ମୀର ପୋଲିସ, ଗୁପ୍ତଚର ଏଜେନ୍ସି ଏବଂ ସୈନ୍ୟବାହିନୀ ମଧ୍ୟରେ ଉତ୍ତମ ସମନ୍ୱୟର ଢାଞ୍ଚାରେ ଆତଙ୍କବାଦ ମୁକାବିଲା ପାଇଁ ଏକ “ବିଶୋଧିତ” ପନ୍ଥା ଅବଲମ୍ବନ କରାଯାଇଛି ବୋଲି ସୁରକ୍ଷା ଏଜେନ୍ସି କହିଛି । ଏହାର ଉଦ୍ଦେଶ୍ୟ ହେଉଛି ଆତଙ୍କବାଦର ମୂଳୋତ୍ପାଟନ କରିବା ।

ସୂଚନା ଥାଉକି, ଗତ ମାସରେ ଜାମ୍ମୁ କାଶ୍ମୀରରେ ନିରୀହ ସାଧାରଣ ନାଗରିକଙ୍କ ହତ୍ୟା ସଂଖ୍ୟା ଯଥେଷ୍ଟ ବୃଦ୍ଧି ପାଇଥିଲା । ଏହାଦ୍ୱାରା ଏହି ଅଞ୍ଚଳରେ ହିଂସା ଓ ଉତ୍ତେଜନା ବୃଦ୍ଧି ହେବାର ସମ୍ଭାବନା ବଢିଥିଲା । ନିରୀହ ଲୋକଙ୍କ ହତ୍ୟାକୁ ରୋକିବା ପାଇଁ ଆତଙ୍କବାଦ ବିରୋଧରେ ଅପରେସନର ମୁଖ୍ୟ ଧ୍ୟାନ ହେଉଛି ବୋଲି ସୂତ୍ରରୁ ପ୍ରକାଶ । ସୁରକ୍ଷା ବାହିନୀର ସମସ୍ତ ଶାଖା ଏହା ହାସଲ କରିବାକୁ ଚେଷ୍ଟା କରୁଛନ୍ତି ।

ସେଥିପାଇଁ “ସର୍ଜିକାଲ୍ ଅପରେସନ୍” ଉପରେ ଧ୍ୟାନ ଦିଆଯାଇଛି । ଏହିପରି କାର୍ଯ୍ୟ ପାଇଁ ସ୍ଥାନୀୟ ଜନସଂଖ୍ୟାରୁ ସହାୟତା ପାଇବା ଉପରେ ଧ୍ୟାନ ଦିଆଯାଇଛି । ସୂତ୍ରରୁ ପ୍ରକାଶ ଯେ ଗୁପ୍ତଚର ଇନପୁଟ ଅନୁଯାୟୀ ପାକିସ୍ତାନ ଭିତ୍ତିକ ଆତଙ୍କବାଦୀମାନେ କାଶ୍ମୀରରେ କାର୍ଯ୍ୟ କରୁଥିବା ପ୍ରକ୍ସିମାନଙ୍କୁ ନିର୍ଦ୍ଦେଶ ଦେଇଛନ୍ତି ଯେ ଯେତେବେଳେ ବି ସୁରକ୍ଷା ବାହିନୀ ଆତଙ୍କବାଦ ବିରୋଧୀ କାର୍ଯ୍ୟ ଆରମ୍ଭ କରିବେ ସେତେବେଳେ ଅତି କମରେ ୧୦ ଜଣ ସାଧାରଣ ନାଗରିକଙ୍କୁ ହତ୍ୟା କରାଯିବ ।

   Related Posts