Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ବାୟୁସେନାର ବଢିବ ଶକ୍ତି, ଚାନ୍ଦୀପୁର ଘାଟିରୁ ‘ବ୍ରହ୍ମୋସ’ର ସଫଳ ପରୀକ୍ଷଣ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୬କୁ ବୃଦ୍ଧି
  • ||
  • ଭୁବନେଶ୍ବର : ୪ ଦିନିଆ ରିମାଣ୍ଡରେ ଯିବେ ୨ କଣ୍ଟ୍ରାକ୍ଟ କିଲର, ଏସଡିଜେଏମ୍ କୋର୍ଟ ଦେଲେ ଅନୁମତି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୧୯୫ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୫୫ କରୋନା ସଂକ୍ରମିତ, ୧୦୫୦୭୬୦ରେ ପହଞ୍ଚିଲା ସଂଖ୍ୟା
  • ||
  • ସୁନ୍ଦରଗଡ : ସ୍ୱାମୀ ସାଜିଲା ସୈତାନ୍, କୁରାଢି ଚୋଟରେ ନେଇଗଲା ସ୍ତ୍ରୀର ଜୀବନ
  • ||
  • ୬ ଦିନିଆ ରିମାଣ୍ଡରେ ଆସିବ ଠକ ପ୍ରଜ୍ଞା, ଅନୁମତି ଦେଲେ ଭୁବନେଶ୍ୱର ଏସ୍‌ଡିଜେଏମ୍‌ କୋର୍ଟ
  • ||
  • ଘୋଷଣା ହେଲା ଜ୍ଞାନପୀଠ ପୁରସ୍କାର : ୨୦୨୧ ପାଇଁ ନୀଳମଣି ଫୁକନ, ୨୦୨୨ ପାଇଁ କୌଙ୍କଣୀ ସାହିତ୍ୟିକ ଦାମୋଦେର ମୌଜଙ୍କୁ ସମ୍ମାନ
  • ||

ଶନିବାର ରାତି ୧୨ରୁ ସବୁ ପାସେଞ୍ଜର, ଏକ୍ସପ୍ରେସ ଟ୍ରେନ ଚଳାଚଳ ବନ୍ଦ, ‘ଜନତା କର୍ଫ୍ୟୁ’ ପାଇଁ ରେଳବାଇର ନିଷ୍ପତ୍ତି

20/03/2020 at 8:35 PM

ନୂଆଦିଲ୍ଲୀ ୨୦।୦୩: ସମଗ୍ର ବିଶ୍ଵରେ ମହାମାରୀର ରୂପ ନେଇ ସାରିଥିବା କରୋନା ଭୂତାଣୁ ସଂପ୍ରତି ଭାରତରେ ନିଜର କାୟା ବିସ୍ତାର କରିବାରେ ଲାଗିଛି। ସଂକ୍ରମିତଙ୍କ ସଂଖ୍ୟା ବୃଦ୍ଧି ଘଟି ୨୬୦ ଟପିଛି ଏବଂ ୫ ଜଣଙ୍କ ମୃତ୍ୟୁ ଘଟିସାରିଲାଣି। ଗତକାଲି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ କରୋନାର ପ୍ରତିରୋଧ ଲାଗି ମାର୍ଚ୍ଚ ୨୨ରେ ଜନତା କର୍ଫ୍ୟୁ ଲଗାଇବାକୁ ଘୋଷଣା କରିଛନ୍ତି। ଫଳରେ ଶନିବାର ରାତି ୧୨ଟାରୁ ରବିବାର ରାତି ୧୦ଟା ପର୍ଯ୍ୟନ୍ତ କୌଣସି ବି ପାସେଞ୍ଜର ଟ୍ରେନ ଚଳାଚଳ କରିବ ନାହିଁ ବୋଲି ଭାରତୀୟ ରେଲଓ୍ଵେ ନିଷ୍ପତ୍ତି ନେଇଛି।

ଲୋକାଲ ଟ୍ରେନ ସେବାକୁ ହ୍ରାସ କରି ସର୍ବନିମ୍ନ ସ୍ତର  କରାଯାଇଛି। ରେଳ ଅଧିକାରୀଙ୍କ ମୁତାବକ ଜନତା କର୍ଫ୍ୟୁ ସମୟରେ ମୋଟ୍ ୨୪୦୦ ଯାତ୍ରୀ ଟ୍ରେନ ଚଳାଚଳ କରିବ ନାହିଁ। ଏଥିରେ ୧୩୦୦ ମେଲ୍ ଏକ୍ସପ୍ରେସ, ପାସେଞ୍ଜର ଟ୍ରେନ ଓ ବଡ ସଂଖ୍ୟାରେ ଉପନଗରୀୟ ଟ୍ରେନ ସାମିଲ।

ସୂତ୍ ମୁତାବକ ମେଲ୍ ଓ ଏକ୍ସପ୍ରେସ୍ ଟ୍ରେନ ମଧ୍ୟ ସକାଳ ୪ଟାରୁ ଚଳାଚଳ କରିବ ନାହିଁ। କରୋନା ଭୂତାଣୁକୁ ଦୃଷ୍ଟିରେ ରଖି ଜରୁରୀ ନଥିବା ଯାତ୍ରାକୁ ଟାଳିବା ଲାଗି ରେଲଓ୍ଵେ ପୂର୍ବରୁ ୨୪୫ ଟ୍ରେନ ବାତିଲ କରି ସାରିଛି। ଏବେ ଶନିବାର ରାତିରୁ ରବିବାର ରାତି ୧୦ଟା  ପର୍ଯ୍ୟନ୍ତ ଦେଶର ଅଧିକାଂଶ ଟ୍ରେନ ଚଳାଚଳ ବନ୍ଦ ରହିବ।

ଦେଶରେ କରୋନା ଭୂତାଣୁର ପ୍ରକୋପକୁ ଦୃଷ୍ଟିରେ ରଖି ପ୍ରଧାନମନ୍ତ୍ରୀ ଗୁରୁବାର ଦେଶକୁ ସମ୍ବୋଧିତ କରିଥିଲେ। ସେ ରବିବାର ଅର୍ଥାତ ମାର୍ଚ୍ଚ ୨୨ ସକାଳ ୭ଟାରୁ ରାତି ୯ଟା ପର୍ଯ୍ୟନ୍ତ ଜନତା କର୍ଫ୍ୟୁ ଲଗାଇବାକୁ ଅପିଲ୍ କରିଛନ୍ତି। ଏହା ଜନତାଙ୍କ ପାଇଁ, ଜନତାଙ୍କ ଦ୍ଵାରା ଖୋଦ୍ ଲଗାଯାଇଥିବା କର୍ଫ୍ୟୁ ହେବ। ସେ କହିଛନ୍ତି ଯେ, ୧୪ ଘଣ୍ଟା ଯାଏ କୌଣସି ବ୍ୟକ୍ତି ନିଜ ଘରୁ ବାହାରନ୍ତୁ ନାହିଁ। ସନ୍ଧ୍ୟା ୫ଟାରେ ନିଜ ନିଜର ଘରେ ତାଳି ବଜାଇ, ଥାଳି ବଜାଇ, ଘଣ୍ଟି ବଜାଇ ପରସ୍ପର ପ୍ରତି କୃତଜ୍ଞତା ଜଣାନ୍ତୁ ଏବଂ ଏହି ଭୂତାଣୁର ମୁକାବିଲା ଲାଗି ଏକଜୁଟତା  ଦେଖାନ୍ତୁ।

ପ୍ରଧାନମନ୍ତ୍ରୀ ମୋଦୀ ସାମାଜିକ ଭାବେ ଦୂରତା ବଜାୟ ରଖିବା ଉପରେ ଜୋର୍ ଦେଇ କହିଥିଲେ ଯେ, ଦେଶବାସୀ ଅତି ଜରୁରୀ ନହେଲେ ପଦାକୁ ବାହାରିବାରୁ ନିବୃତ୍ତ ରୁହନ୍ତୁ।

   Related Posts