Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||
  • ବିରାଟ ବାହିନୀ ଚିତ୍‌ପଟାଙ୍ଗ, ଭାରତକୁ ୫୧ ରନରେ ହରାଇ ସିରିଜ୍ ହାତେଇଲା ଅଷ୍ଟ୍ରେଲିଆ
  • ||
  • କାର୍ତ୍ତିକ ପୂର୍ଣ୍ଣିମାରେ ପବିତ୍ର ଗଙ୍ଗା ସ୍ନାନକୁ ନେଇ ଦୁଇ ଦିନ ପାଇଁ ହରିଦ୍ୱାର ସୀମା ସିଲ୍
  • ||
  • ହାଡଭଙ୍ଗା ଶୀତ ଯୋଗୁଁ ମନାଲିରେ ଜଣକର ମୃତ୍ୟୁ, ଜିରୋ ଡିଗ୍ରୀ ତଳକୁ ଖସିଲା ପାରଦ
  • ||
  • ଡାଲିରେ ୧୫ ଟଙ୍କା ରିହାତି ଦେବେ ସରକାର
  • ||
  • ଭୁବନେଶ୍ୱର : କମିଲା କୋଭିଡ୍ ମୃତ୍ୟୁ ସଂଖ୍ୟା : ଗତ ୨୪ ଘଣ୍ଟାରେ ଯାଇଛି ୪ ମୁଣ୍ଡ, ୧୭୩୪ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୫୧୮ କରୋନା ସଂକ୍ରମିତ, ୩୧୮୩୦୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ସୋର : ଡକାୟତ ଗ୍ୟାଙ୍ଗ୍ ଓ ଗ୍ରାମବାସୀଙ୍କ ମଧ୍ୟରେ ଖଣ୍ଡ ଯୁଦ୍ଧ : ୪ ଗୁରୁତର, ଜଣେ ଗିରଫ
  • ||
  • ନୂଆଦିଲ୍ଲୀ : ଭାରତରେ କମୁଛି ସଂକ୍ରମଣ, ଗତ ୨୪ଘଣ୍ଟାରେ ୪୧୮୧୦ କରୋନା ଆକ୍ରାନ୍ତ ଚିହ୍ନଟ
  • ||
  • ଉଦଳା : ଜମିବାଡି ବିବାଦକୁ କେନ୍ଦ୍ରକରି ଡବଲ ମର୍ଡର ! ସଂମ୍ପର୍କୀୟ ଭାଇ ଓ ପୁତୁରାକୁ ହତ୍ୟା କଲା ଭାଇ
  • ||

ଓଡିଶାରେ ଲାଗୁ ହେବ ଆୟୁଷ୍ମାନ ଯୋଜନା ! ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ରାଜ୍ୟର ସମସ୍ତ ବିଜେପି ସାଂସଦ

12/08/2019 at 7:28 PM

ଭୁବନେଶ୍ବର୧୨|୮; ଓଡିଶାରେ ଆୟୁଷ୍ମାନ ଯୋଜନା ଲାଗୁକରିବାକୁ ମୁଖ୍ୟମନ୍ତ୍ରୀଙ୍କୁ ଚିଠି ଲେଖିଲେ ରାଜ୍ୟର ସମସ୍ତ ବିଜେପି ସାଂସଦ । କିଛିଦିନ ତଳେ ଆୟୁଷ୍ମାନ ଯୋଜନା ସିଇଓ ଓଡିଶା ସରକାରଙ୍କ କଥା ହୋଇଯିବା ଏବଂ ଆୟୁଷ୍ମାନ ଯୋଜନା ଓଡିଶାରେ ଲାଗୁ କରିବାକୁ ବିଜେଡିର କିଛି ସାଂସଦ ସଂସଦରେ ସହମତି କରିବା ସୂଚନା ଦେଇଥିଲା ଯେ ଆଗକୁ ଏଦିଗରେ କିଛି ସକାରତ୍ମକ ବାଟ ବାହାରିବ । ଏବେ ରାଜ୍ୟର ସବୁ ବିଜେପି ସାଂସଦ ମିଶିକରି ମୁଖ୍ୟମନ୍ତ୍ରୀଙ୍କୁ ଚିଠି ଲେଖିବା ପରେ ଆୟୁଷ୍ମାନ ଯୋଜନା ଓଡିଶାରେ ଲାଗୁ ହେବା ନେଇ ଏକପ୍ରକାର ବାଟ ଫିଟିଛି ବୋଲି କୁହାଯାଉଛି । ଏଥିପାଇଁ ବିଜେପି- ବିଜେଡି ଭିତରେ ବଢୁଥିବା ବନ୍ଧୁତାହିଁ ସୁଯୋଗ ସୃଷ୍ଟି କରିଥିବା ନେଇ ଚର୍ଚା ଜୋର ଧରିଛି ।

ରାଜ୍ୟରେ ଆୟୁଷ୍ମାନ ଯୋଜନା ଲାଗୁ ପାଇଁ ଆଉପାଦେ ଆଗକୁ ବଢିଛି କଥା । ଓଡିଶାରେ ଶୀଘ୍ର ଏହି ଯୋଜନା ଲାଗୁ କରିବାକୁ ରାଜ୍ୟର ସବୁ ବିଜେପି ସାଂସଦ ମୁଖ୍ୟମନ୍ତ୍ରୀଙ୍କୁ ଅନୁରୋଧ କରି ଚିଠି ଲେଖିବା ଏହା ଦର୍ଶାଉଛି । ସାଂସଦମାନେ ମୁଖ୍ୟମନ୍ତ୍ରୀଙ୍କୁ ଅପିଲ କରିଛନ୍ତି ଯେ ରାଜ୍ୟବାସୀଙ୍କ ସୁବିଧା ଓ ସ୍ବାର୍ଥ ପାଇଁ କେନ୍ଦ୍ର ସରକାରଙ୍କ ଏହି ଫ୍ଲାଗସିପ୍ କାର୍ଯ୍ୟକ୍ରମକୁ ଲାଗୁ କରାଯାଉ । ଯେହେତୁ ଆୟୁଷ୍ମାନ ଯୋଜନାରେ ଦେଶର ୫୦ କୋଟି ଏବଂ କେବଳ ଓଡିଶାର ୬୧ ଲକ୍ଷ ହିତାଧିକାରୀ ଉପକୃତ ହେବେ ସେଥିପାଇଁ ଏଭଳି ଏକ ଭଲ ଯୋଜନାରୁ ଓଡିଶାବାସୀ ଲାଭ ଉଠାଇବା ଦରକାର ବୋଲି ବିଜେପି ସାଂସଦ ଯୁକ୍ତି ଦର୍ଶାଇଛନ୍ତି । ଯୋଜନା ଲାଗୁ ହେଲେ ରାଜ୍ୟ ସରକାରଙ୍କ ଉପରୁ ମଧ୍ୟ ସ୍ବାସ୍ଥ୍ୟ ସେବା ବୋଝ ହାଲୁକା ହେବ ବୋଲି କୁହାଯାଇଛି ।

ସାଧାରଣ ନିର୍ବାଚନ ପୂର୍ବରୁ ଆୟୁଷ୍ମାନ ଯୋଜନାକୁ ନେଇ ବିଜେଡି-ବିଜେପି ଭିତରେ କଥା କଟାକଟି ଚାଲିଥିଲା । ୨୦୧୧ ଜନଗଣନା ଅନୁସାରେ ୬୧ ଲକ୍ଷ ପରିବାରକୁ ଆୟୁଷ୍ମାନ ଯୋଜନାରେ ସାମିଲ ପାଇଁ କେନ୍ଦ୍ର ଚାହୁଥିବା ବେଳେ ରାଜ୍ୟ ସରକାର ୭୦ ଲକ୍ଷ ପରିବାରକୁ ସଂପୃକ୍ତ କରିବାକୁ ଦାବି କରିଥିଲେ । ହେଲେ କେନ୍ଦ୍ର ଶୁଣିନଥିଲା ।

ଆୟୁଷ୍ମାନ ଯୋଜନା ଆସିବା ପୂର୍ବରୁ ରାଜ୍ୟ ସରକାର ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଘୋଷଣା କରି ସ୍ବତନ୍ତ୍ରଭାବେ ମହିଳାଙ୍କ ପାଇଁ ୭ ଲକ୍ଷ ଏବଂ ପରେ ୧୦ଲକ୍ଷ ସ୍ବାସ୍ଥ୍ୟ ସୁରକ୍ଷା ଘୋଷଣା କରିଥିଲେ । ହେଲେ ନିର୍ବାଚନ ପରେ ରାଜ୍ୟ ସରକାର ଏତେବଡ ଆର୍ଥିକ ବୋଝ ନେବା ପାଇଁ ଚାହୁଁନଥିବାରୁ ଆୟୁଷ୍ମାନ ଯୋଜନା ଲଗାଇବା ଫର୍ ରେ ଅଛନ୍ତି ବୋଲି ଚର୍ଚା ଆରମ୍ଭ ହୋଇଥିଲା । ସେଥିପାଇଁ ଆୟୁଷ୍ମାନ ଯୋଜନାର ସିଇଓ ଓଡିଶା ଆସି ସ୍ବାସ୍ଥ୍ୟମନ୍ତ୍ରୀ ଓ ମୁଖ୍ୟଶାସନ ସଚିବଙ୍କ ସହ ଆଲୋଚନା କରିଯିବାପରେ କଥା ଆଗକୁ ବଢିଥିଲା ।

ନିର୍ବାଚନ ପୂର୍ବରୁ ଓ ପରେ ଆୟୁଷ୍ମାନ ଯୋଜନା ଲାଗୁକରିବାକୁ ପ୍ରଧାନମନ୍ତ୍ରୀ ରାଜ୍ୟସରକାରଙ୍କୁ ୫ ଥର କହିସାରିଲେଣି । ଏବେ ଯେହେତୁ କେନ୍ଦ୍ରର ମୋଦି ସରକାର ଓ ରାଜ୍ୟର ନବୀନ ସରକାର ଭିତରେ ସଂପର୍କ ଆଗକୁ ବଢୁଛି, କୁହାଯାଉଛି ଆୟୁଷ୍ମାନ ଯୋଜନା ଲାଗୁ ପାଇଁ ରାଜ୍ୟ ସରକାର ଗ୍ରିନ୍ ସିଗନାଲ ଦେଇପାରନ୍ତି ।

   Related Posts