Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସମ୍ମାନ ରଖିଲା ଭାରତ, ଶେଷ ଦିନିକିଆରେ କଙ୍ଗାରକୁ ୧୩ ରନରେ ଦେଲା ମାତ୍, ୨-୧ରେ ସିରିଜ୍ ଜିତିଲା ଅଷ୍ଟ୍ରେଲିଆ
  • ||
  • ମାଲକାନଗିରି : ଶବ ସତ୍କାର ପାଇଁ ଗାଁ ମଶାଣୀରେ ମିଳୁନି ଜାଗା, ୨୪ ଘଣ୍ଟା ହେଲା ଗାଁ ଦାଣ୍ଡରେ ପଡିଛି ମୃତଦେହ
  • ||
  • ଜୟପୁର : ଆତ୍ମସମର୍ପଣ କଲେ ମହିଳା ମାଓବାଦୀ, ହାର୍ଡକୋର ମାଓବାଦୀ ରାମକ୍ରିଷ୍ଣାର ଥିଲା ଅଙ୍ଗରକ୍ଷୀ
  • ||
  • ଭୁବନେଶ୍ବର : ୧୧୨ ଡାଏଲ କରନ୍ତୁ, ମିଳିବ ସବୁ ଜରୁରୀ ସେବା ଓ ସହାୟତା : ନୂଆ ଏକକ ପୋଲିସ ହେଲ୍ପ ଲାଇନ୍ ନମ୍ବର ଘୋଷଣା କଲେ ମୁଖ୍ୟମନ୍ତ୍ରୀ
  • ||
  • କଟକ : ‘ସ୍କୁଲ ଫି’ ଧାର୍ଯ୍ୟ ପାଇଁ ଆଇନ ନାହିଁ’- ହାଇକୋର୍ଟରେ ଏଭଳି ତଥ୍ୟ ରଖିଲେ ସରକାର
  • ||
  • ୩ ଦିନିଆ ରିମାଣ୍ଡରେ ଯିବେ ଅଭୟକାନ୍ତ ପାଠକ: ସ୍ବତନ୍ତ୍ର ଭିଜିଲାନ୍ସ କୋର୍ଟ ଦେଲେ ଅନୁମତି
  • ||
  • ଭୁବନେଶ୍ୱର : କମିଲା କରୋନା ପରୀକ୍ଷା ଦର, ଏଣିକି ୪ଶହ ଟଙ୍କାରେ ହେବ କୋଭିଡ୍ RT-PCR ଟେଷ୍ଟ
  • ||
  • କଳାହାଣ୍ଡି : ଜମିବାଡ଼ି ବିବାଦକୁ ନେଇ ଗୋଷ୍ଠୀ ସଂଘର୍ଷ, ୪ ଆହତ
  • ||
  • ଜି.ଉଦୟଗିରି : ଭାରସାମ୍ୟ ହରାଇ ବାଇକ୍ ଦୁର୍ଘଟଣା : ଜଣେ ମୃତ, ୨ ଗୁରୁତର
  • ||
  • କଣ୍ଟାବାଞ୍ଝି : ରେଳ ଷ୍ଟେସନରୁ ୭୪ ଜଣ ଦାଦନ ଶ୍ରମିକ ଉଦ୍ଧାର, ସର୍ଦାର ଫେରାର
  • ||

ଏମ୍ସର ସବୁ ଓପିଡି ସେବା ବନ୍ଦ: ଜାଣି ନଥିବା ଲୋକଙ୍କୁ ଜଣାଇବା ପାଇଁ ସୋସିଆଲ ମିଡିଆର ସାହାଯ୍ୟ ନେଲେ ଅଧିକାରୀ

23/03/2020 at 3:19 PM

ନୂଆଦିଲ୍ଲୀ୨୩/୩: କରୋନା ନିୟନ୍ତ୍ରଣ ନିମନ୍ତେ ଦିଲ୍ଲୀ ସମେତ ପୂରା ଦେଶରେ ଲକ୍‌ ଡାଉନ କରି ଦିଆଯାଇଛି। ଦିଲ୍ଲୀସ୍ଥିତ ଏମ୍ସ (AIIMS) ହସ୍ପିଟାଲର ଓପିଡି ବା ବର୍ହି ବିଭାଗ ସେବା ବନ୍ଦ କରି ଦିଆଯାଇଛି। ସରକାରଙ୍କ ନିର୍ଦ୍ଦେଶ ନ ମିଳିବା ପର୍ଯ୍ୟନ୍ତ ଏମ୍ସ ହସ୍ପିଟାଲର ଓପିଡି ସେବା ବନ୍ଦ ରହିବ ବୋଲି ହସ୍ପିଟାଲର ଅଧିକାରୀ ସୂଚନା ଦେଇଛନ୍ତି। ଏପରି କି ହସ୍ପିଟାଲରେ ଥିବା ଓଟି ବା ଅପରେସନ୍‌ ଥିଏଟର ମଧ୍ୟ ବନ୍ଦ ରହିଛି। ହସ୍ପିଟାଲରେ କେବଳ ଜରୁରୀକାଳୀନ ସେବା ଯୋଗାଇ ଦିଆଯାଉଛି। ପ୍ରତିଦିନ ରୋଗୀଙ୍କ ସମେତ ୩୦ରୁ ୪୦ ହଜାର ଲୋକ ଏମ୍ସ ହସ୍ପିଟାଲ ସାମ୍ନାରେ ଭିଡ଼ ବାନ୍ଧି ଥାଆନ୍ତି। ଏମ୍ସର ଓପିଡି ବନ୍ଦ ଥିବା ଖବର ଜାଣି ନଥିବା ଲୋକମାନେ ହସ୍ପିଟାଲରେ ପହଞ୍ଚି ହନ୍ତସନ୍ତ ହେଉଛନ୍ତି। ଏହି ଖବର ସମସ୍ତଙ୍କ ପାଖରେ ପହଞ୍ଚାଇବା ପାଇଁ ଏମ୍ସର ଅଧିକାରୀ ଗଣମାଧ୍ୟମ ଏବଂ ସୋସିଆଲ ମିଡିଆର ସାହାଯ୍ୟ ନେଇଛନ୍ତି।

ଏମ୍ସ ହସ୍ପିଟାଲର ଓପିଡି ବନ୍ଦ ଥିବା ଯୋଗୁଁ ହଜାର ହଜାର ରୋଗୀ ନିରାଶ ​‌ହୋଇ ଫେରି ଯାଉଛନ୍ତି। ଦୂରରାନ୍ତରୁ ଆସିଥିବା ରୋଗୀମାନେ ନିରାଶ ହୋଇ ଫେରି ଯାଉଛନ୍ତି। କରୋନା ଭୟରସ୍‌କୁ ଲକ୍ଷ୍ୟ କରି ଏଭଳି ନିଷ୍ପତ୍ତି ନିଆଯାଇଥିବା ହସ୍ପିଟାଲର ଅଧିକାରୀ କହିଛନ୍ତି। ସୂଚନା ମୁତାବକ, ପ୍ରତିଦିନ ପାଖାପାଖି ୧୨ ହଜାର ଲୋକ ଚିକିତ୍ସା ହେବା ପାଇଁ ହସ୍ପିଟାଲକୁ ଆସିଥାଆନ୍ତି। ଏପରି କି ରୋଗୀଙ୍କ ସଂପର୍କୀୟମାନଙ୍କୁ ମିଶାଇ ପ୍ରତିଦିନ ୩୦ରୁ ୪୦ ହଜାର ଲୋକ ହସ୍ପିଟାଲରେ ଭିଡ ଲଗାଇ ଥାଆନ୍ତି। ଏହି ଭିଡ଼ କିପରି ନ ହେବ ସେଥିପାଇଁ ଏମ୍ସର ଅଧିକାରୀମାନେ ଏଭଳି ନିଷ୍ପତ୍ତି ନେଇଛନ୍ତି। ଏମ୍ସର ଟ୍ରମା ସେଣ୍ଟରରେ ତିଆରି ହୋଇଥିବା ନୂଆ ଜରୁରିକାଳୀନ କେନ୍ଦ୍ରରେ ୨୦ଟି ଆଇସୋଲେସନ୍‌ ବେଡ୍‌ ପ୍ରସ୍ତୁତ ରହିଛି। ଏଥିସହ ନୂଆ କରି ତିଆରି ହୋଇଥିବା ବର୍ଣ୍ଣ ଏବଂ ପ୍ଲାଷ୍ଟିକ ସର୍ଜରୀ କେନ୍ଦ୍ରରେ କରୋନା ରୋଗୀଙ୍କ ଚିକିତ୍ସା ପାଇଁ ଖୋଲା ରହିଛି। ଏଥିସହ ହେମାଟୋଲୋଜି ବିଭାଗର ୧୨୫ ଟି ବେଡ ରହିଛି।

ରାଜଧାନୀ ଦିଲ୍ଲୀରେ ଲକ୍ ଡାଉନ କରି ଦିଆଯାଇଛି। ଗୌତମବୁଦ୍ଧ ନଗର ଏବଂ ଗାଜିଆବାଦ ସମେତ ୧୬ଟି ଜିଲ୍ଲାକୁ ମାର୍ଚ୍ଚ ୨୫ ତାରିଖ ପର୍ଯ୍ୟନ୍ତ ଲକ୍‌ ଡାଉନ କରି ଦିଆଯାଇଛି। ହରିୟାଣର ଗୁରୁଗ୍ରାମ ଏବଂ ଫରିଦାବାଦ ସମେତ ସାତଟି ଜିଲ୍ଲାକୁ ମାର୍ଚ୍ଚ ୩୧ ତାରିଖ ପର୍ଯ୍ୟନ୍ତ ଲକ୍‌ ଡାଉନ  କରି ଦିଆଯାଇଛି। ଏଥିସହ ଦିଲ୍ଲୀ-ଏନ୍‌ସିଆରର ମେଟ୍ରୋ, ବସ୍  ଏବଂ ଅଟୋ ଚଳାଚଳ ବନ୍ଦ ରହିଛି।  

   Related Posts