ଗୁଜୁରାଟ ୩୧/୦୭ : ଗୁଜୁରାଟର ବାସିନ୍ଦା ଆଲିଶା ପଟେଲ ରାଜ୍ୟର ପ୍ରଥମ ମହିଳା ଟ୍ରାନ୍ସଜେଣ୍ଡର ହୋଇଛନ୍ତି। ଆଲିଶା ଗୁଜରାଟ ସରକାରଙ୍କ ଦ୍ୱାରା ଜାରୀ ପ୍ରମାଣପତ୍ର ଗ୍ରହଣ କରିଥିବା ରାଜ୍ୟର ପ୍ରଥମ ଟ୍ରାନ୍ସ ମହିଳା ହୋଇଛନ୍ତି । ଆଲିଶା ପ୍ରାୟ ଚାରି ଦଶନ୍ଧି ପୂର୍ବରୁ ସନ୍ଦୀପଙ୍କ ନାମରେ ଜୀବନ ଅତିବାହିତ କରୁଥିଲେ। ଏହା ପରେ ସେ ଅନୁଭବ କଲେ ଯେ ସେ ଏକ ବିଶେଷ ରୋଗ ଜେଣ୍ଡର ଡିସଫୋର୍ବିଆରେ ପୀଡିତ ବୋଲି ।

{"width":595,"height":450}

ସନ୍ଦୀପରୁ ଆଲିଶା ହେବା ତାଙ୍କ ପାଇଁ ଏତେ ସହଜ ନଥିଲା । ସନ୍ଦୀପଙ୍କୁ ଜଣେ ମହିଳା ହେବା ଏବଂ ଜଣେ ମହିଳାଙ୍କ ପରି ଜୀବନଯାପନ କରିବାକୁ ତିନି ବର୍ଷ ଲାଗିଛି। ଏଥିପାଇଁ ସେ ପ୍ରାୟ ୮ ଲକ୍ଷ ଟଙ୍କା ମଧ୍ୟ ଖର୍ଚ୍ଚ କରିଛନ୍ତି। ରାଜ୍ୟ ସରକାରଙ୍କ ତରଫରୁ ମିଳିଥିବା ଏହି ପରିଚୟକୁ ସେ ଦ୍ୱିତୀୟ ଜନ୍ମ ବୋଲି କହିଛନ୍ତି।

ସନ୍ଦୀପରୁ ହୋଇଥିବା ଆଲିଶା ପଟେଲ କହିଛନ୍ତି ଯେ ମୁଁ ବର୍ତ୍ତମାନ ସମ୍ପୂର୍ଣ୍ଣ ଆତ୍ମବିଶ୍ୱାସର ସହିତ ମୋର ପରିଚୟ କହିପାରିବି। ବର୍ତ୍ତମାନ ମୁଁ ମହିଳାମାନଙ୍କର ସେହି କାର୍ଯ୍ୟଗୁଡିକ କରିପାରିବି, ଯାହା ମୁଁ ପୂର୍ବରୁ କରିପାରି ନ ଥିଲି । ସେ କହିଛନ୍ତି ଯେ ସେ ତାଙ୍କର ୬ ଭାଇଭଉଣୀଙ୍କ ମଧ୍ୟରୁ ସାନ। ଯେତେବେଳେ ତାଙ୍କୁ ୧୨ ବର୍ଷ ହୋଇଥିଲା, ସେ ଅନୁଭବ କରିଥିଲେ ଯେ ସେ ଜଣେ ମହିଳା, ସେ ସ୍କୁଲରେ ପୁଅମାନଙ୍କ ୟୁନିଫର୍ମ ବଦଳରେ ଝିଅମାନଙ୍କ ୟୁନିଫର୍ମ ପିନ୍ଧିବାକୁ ପସନ୍ଦ କରୁଥିଲେ ।

{"width":598,"height":341}

ଆଲିଶା କହିଛନ୍ତି ଯେ ତାଙ୍କ ପରିବାର ତାଙ୍କ ସଂଘର୍ଷରେ ତାଙ୍କୁ ସବୁବେଳେ ସମର୍ଥନ କରୁଥିଲେ। ପରିବାର କୌଣସି ଆପତ୍ତି ଉଠାଇ ନଥିଲେ। ମୋର ବଡି ଲାଙ୍ଗୁଏଜ୍, ଆଗ୍ରହ ଏବଂ କଥାବାର୍ତ୍ତାରୁ ମୋ ପରିବାର ମୋତେ ବିଶ୍ୱାସ କରିବାରେ ସାହାଯ୍ୟ କଲା ଯେ ମୁଁ ଜଣେ ମହିଳା ଭାବରେ ବଞ୍ଚିପାରିବି ।