Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭାରତୀୟ ଶିକ୍ଷୟିତ୍ରୀଙ୍କ ପାକିସ୍ତାନ ପ୍ରେମ, ଷ୍ଟାଟସ୍ ଦେଲେ ‘ଆମେ ମ୍ୟାଚ୍ ଜିତିଗଲୁ’
  • ||
  • ରାଜ୍ୟରେ କମୁଛି କରୋନା ଗ୍ରାଫ୍ : କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୩୩ କୋଭିଡ୍ ପଜିଟିଭ୍
  • ||
  • ନୂଆଦିଲ୍ଲୀ ସୀମାପୁରୀରେ ଅଭାବନୀୟ ଘଟଣା : ଘରେ ଲାଗିଲା ନିଆଁ, ୪ ମୃତ
  • ||
  • ଏବର୍ଷ ରାଜ୍ୟରେ ହାଡଭଙ୍ଗା ଶୀତ, ଅଧିକ ଦିନ ଥରାଇବ
  • ||
  • ସିଆରପିଏଫ କ୍ୟାମ୍ପରେ ରାତି ବିତାଇଲେ ଶାହ, ଯବାନଙ୍କ ସହ କଲେ ରାତ୍ରି ଭୋଜନ
  • ||
  • ମମିତା ମେହେର ହତ୍ୟା ମାମଲା : ବିଜେପି ପକ୍ଷରୁ ୧୨ ଘଣ୍ଟିଆ ସମ୍ବଲପୁର ବନ୍ଦ, ସେପଟେ ଡିଜିପି ଅଫିସ ଘେରାଉ କରିବ କଂଗ୍ରେସ
  • ||

ସୋସିଆଲ ମିଡ଼ିଆରେ ଅପପ୍ରଚାର : ଜାଣନ୍ତୁ ଅଲିଗଡ଼ରେ ଅଢେଇ ବର୍ଷର ଶିଶୁର ହତ୍ୟା ପଛର କାହାଣୀ

8/06/2019 at 3:50 PM

ଆଲିଗଡ଼ ୮/୬ : ଉତ୍ତର ପ୍ରଦେଶ ଆଲିଗଡ଼ରେ ଅଢେଇ ବର୍ଷର ଶିଶୁକୁ ଅମାନବୀୟ ଭାବେ ହତ୍ୟା କରାଯାଇଥିବା ଘଟଣାରେ ଦୋହଲି ଯାଇଛି ଦେଶ । ଘଟଣାକୁ ନେଇ ବିଭିନ୍ନ ମହଲରେ ନିନ୍ଦା କରାଯାଇଛି । ବଲିଉଡ ତାରକା ଏବଂ ଅନେକ ରାଜନୈତିକ ଦଳ ତଥା ନେତା ସୋସିଆଲ ମିଡ଼ିଆରେ ଘଟଣାକୁ ତୀବ୍ର ନିନ୍ଦା କରିଛନ୍ତି । ହତ୍ୟା ମାମଲାର ତଦନ୍ତ ପାଇଁ ଏସଆଇଟି ଗଠନ କରାଯାଇଛି । ପୋକସୋ ଆକ୍ଟରେ ତଦନ୍ତ ଆରମ୍ଭ କରାଯାଇଛି ।

ସୂଚନାଯୋଗ୍ୟ ଯେ, କେବଳ ୧୦ ହଜାର ଟଙ୍କା ପାଇଁ ଏକ ନିରୀହ ଶିଶୁକୁ ନିର୍ମମ ଭାବେ ହତ୍ୟା କରାଯାଇଛି । ହତ୍ୟା କରିବା ପରେ ଶିଶୁ ଉପରେ ଏସିଡ୍ ଢାଳି, ତା ଆଖି ତାଡି ଦେଇ ତାକୁ ଅଳିଆ ଗଦାରେ ପୋତି ଦିଆଯାଇଥିଲା । ମେ ୩୦ ତାରିଖରେ ଶିଶୁଟି ନିଖୋଜ ହୋଇଯାଇଥିଲା । ଜୁନ ୨ ତାରିଖରେ ଶିଶୁର ଗଳିତ ମୃତଦେହ ଘର ପାଖ ଅଳିଆଗଦାରୁ ମିଳିଥିଲା ।

ଦାୟିତ୍ବହୀନତା ଅଭିଯୋଗରେ ପୋଲିସ ଇନ୍ସପେକ୍ଟରଙ୍କ ସମେତ ୫ଜଣ ପୋଲିସକର୍ମୀଙ୍କୁ ନିଲମ୍ବିତ କରିଦିଆଯାଇଛି ।

ହତ୍ୟା ଘଟଣାରେ ୨ ଜଣଙ୍କୁ ପୂର୍ବରୁ ଗିରଫ କରାଯାଇଥିଲା । ଅଭିଯୁକ୍ତ ଜାହିଦ ନିଜ ଦୋଷ ସ୍ୱୀକାର କରିଛି । ଗତକାଲି ଆଉ ଜଣେ ଅଭିଯୁକ୍ତକୁ ଗିରଫ କରାଯାଇଛି । ଜାହିଦ କହିଛି ଯେ, ୧୦ ହଜାର ଟଙ୍କା ପାଇଁ ଉଭୟ ପରିବାର ମଧ୍ୟରେ ବିବାଦ ଚାଲିଥିଲା । ଆଉ ଜଣେ ଅଭିଯୁକ୍ତ ହତ୍ୟା ମାମଲାରେ ଜଡିତ ଥିବା ନେଇ ଏବେ ପର୍ଯ୍ୟନ୍ତ କିଛି ସ୍ପଷ୍ଟ ହୋଇନାହିଁ । ତେବେ ଆଉ ଜଣେ ଅଭିଯୁକ୍ତ ବିରୋଧରେ ନିଜ ଝିଅକୁ ଦୁଷ୍କର୍ମ କରିଥିବା ମାମଲା ରହିଛି ।

ସୋସିଆଲ ମିଡ଼ିଆରେ ଏନେଇ ନାନା ବାଦବିବାଦ ସୃଷ୍ଟି ହୋଇଛି । ତେବେ ସୋସିଆଲ ମିଡ଼ିଆରେ ହେଉଥିବା ଅପପ୍ରଚାରକୁ ଦୂର କରିବାକୁ ଉଦ୍ୟମ କରିଛି ପୋଲିସ । ସୋସିଆଲ ମିଡ଼ିଆରେ ପ୍ରଚାର ହୋଇଛି ଯେ, ଶିଶୁଙ୍କ ସହ ପ୍ରଥମେ ଦୁଷ୍କର୍ମ ହୋଇଥିଲା ଏବଂ ପରେ ତାଙ୍କୁ ନିର୍ମମ ଭାବେ ହତ୍ୟା କରାଯାଇଥିଲା । କିନ୍ତୁ ଶବ ବ୍ୟବଚ୍ଛେଦ ରିପୋର୍ଟରେ ଏହା ସ୍ପଷ୍ଟ ହୋଇଥିଲା ଯେ, ଶିଶୁ ସହ ଦୁଷ୍କର୍ମ ହୋଇନଥିଲା । ଶବ ସମ୍ପୂର୍ଣ କ୍ଷତବିକ୍ଷତ ହୋଇଯାଇଥିଲା । ଶିଶୁର ଆଖି ତାଡି ଦେଇଥିଲେ ହତ୍ୟାକାରୀ ।

ରାଷ୍ଟ୍ରୀୟ ଶିଶୁ ଅଧିକାର ସଂରକ୍ଷଣ ଆୟୋଗ କହିଛନ୍ତି ଯେ, ଶିଶୁର ପରିଚୟ ଉଜାଗର କରିବା ପୋକସୋ ଆଇନ, ୨୦୧୨ ଧାରା ୨୩ ଏବଂ ଯେଯେ ଆଇନ, ୨୦୧୫ ଧାରା ୭୪ ଅନୁଯାୟୀ ଦଣ୍ଡନୀୟ ଅପରାଧ । ପ୍ରଶାସନ ଏବଂ ପୋଲିସ ଏହି ମାମଲାରେ ଉଚିତ କାର୍ଯ୍ୟାନୁଷ୍ଠାନ କରୁଛି ବୋଲି କୁହାଯାଇଛି ।

   Related Posts