Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜଗତସିଂହପୁରରେ ଲାଗି ରହିଛି ବର୍ଷା, ବାତ୍ୟା ମୁକାବିଲା ପାଇଁ ସଜାଗ ପ୍ରଶାସନ
  • ||
  • ଜଓ୍ୱାଦ ପ୍ରଭାବ : ମାଡି ଆସିବ ସମୁଦ୍ର, ଉଠିବ ବଡ ଜୁଆର
  • ||

ସବୁ ରେକର୍ଡ ଭାଙ୍ଗିବେ ଆଲିଆ! ସୀତା ଚରିତ୍ରରେ ଅଭିନୟ ପାଇଁ ନେଉଛନ୍ତି ଏତିକି ଟଙ୍କା ପାରିଶ୍ରମିକ

17/06/2021 at 3:42 PM

ନୂଆଦିଲ୍ଲୀ ୧୭/୦୬: ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଖୁବ୍ ଶୀଘ୍ର କିଛି ଦମଦାର୍ ପ୍ରୋଜେକ୍ଟରେ କାମ କରୁଥିବା ଦେଖିବାକୁ ମିଳିବ। ଫ୍ୟାନ୍ସମାନେ ତାଙ୍କ ଆଗାମୀ ଫିଲ୍ମ ‘ଗଙ୍ଗୁବାଇ କାଠିଆୱାଡି’କୁ ଉତ୍ସାହର ସହିତ ଅପେକ୍ଷା କରିଥିବାବେଳେ ଅନ୍ୟପଟେ ତାଙ୍କ ଫିଲ୍ମ RRR ର ମଧ୍ୟ ଦ୍ରୁତ ଗତିରେ କାର୍ଯ୍ୟ ଚାଲୁଛି । ଏହି ଫିଲ୍ମରେ ଆଲିଆ ଭଟ୍ଟ ସୀତା ଭୂମିକାରେ ନଜର ଆସିବେ, ଯାହାର ଲୁକ୍ ରିଲିଜ୍ ହୋଇସାରିଛି।

ଏହି ଫିଲ୍ମ ମାଧ୍ୟମରେ ଆଲିଆ ଭଟ୍ଟ ଦକ୍ଷିଣ ଭାରତୀୟ ସିନେମାରେ ଡେବ୍ୟୁ କରିବାକୁ ଯାଉଛନ୍ତି। ସୂଚନା ଅନୁଯାୟୀ, ଆଲିଆ ଭଟ୍ଟ ଏହି ଫିଲ୍ମ ପାଇଁ ଏକ ବଡ ଫି ପାଇବାକୁ ଯାଉଛନ୍ତି, ଯାହା ମାଧ୍ୟମରେ ଅଭିନେତ୍ରୀ ଦକ୍ଷିଣ ଭାରତୀୟ ସିନେମାର ସମସ୍ତ ରେକର୍ଡ ଭାଙ୍ଗିବେ। ଆଲିଆ ଭଟ୍ଟ ଏହି ଫିଲ୍ମରେ କାମ କରିବା ପାଇଁ ୬ କୋଟି ଟଙ୍କା ପାଇବାକୁ ଯାଉଛନ୍ତି।

ବାହୁବଲୀ ନିର୍ଦ୍ଦେଶକ ଏସ୍ ରାଜାମୌଲି ନିର୍ଦ୍ଦେଶନା ଦେବାକୁ ଯାଉଥିବା ଏହି ଫିଲ୍ମରେ ଆଲିଆଙ୍କ ଚରିତ୍ରକୁ ବହୁତ ଆକର୍ଷଣୀୟ ରଖାଯାଇଛି। ଏହାପୂର୍ବରୁ ଆଲିଆ ଭଟ୍ଟ ଗଲି ବଏ, ରାଜି, ହାଇୱେ ଏବଂ ଉଡତା ପଞ୍ଜାବ ଭଳି ଫିଲ୍ମ ମାଧ୍ୟମରେ ନିଜର ଅଭିନୟ ଯାଦୁ ପ୍ରଦର୍ଶନ କରିଛନ୍ତି। ପୂର୍ବରୁ କୌଣସି ପ୍ରକଳ୍ପ ପାଇଁ ଆଲିଆ ଭଟ୍ଟଙ୍କୁ ଏତେ ଅଧିକ ଫି ପ୍ରଦାନ କରାଯାଇ ନାହିଁ।

ଦକ୍ଷିଣରେ ବହୁତ କମ୍ ଅଭିନେତ୍ରୀଙ୍କୁ ଏତେ ଅଧିକ ଫି ପ୍ରଦାନ କରାଯାଏ । ଅନୁଷ୍କା ଶେଟ୍ଟୀ, ସାମନ୍ତ ଆକ୍କିନେନି ଏବଂ ପୂଜା ହେଗଡେଙ୍କୁ ମଧ୍ୟ ଦକ୍ଷିଣରେ ଏତେ ଅଧିକ ଫି ଦିଆଯାଇନାହିଁ ଯେତିକି ଆଲିଆଙ୍କୁ ମିଳିବ ।

   Related Posts