Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୟାଗଡ଼ : ପୋଲିସ କବ୍‌ଜାରେ ୪ ଆନ୍ତଃ ଜିଲ୍ଲା ଡକାୟତ
  • ||

ଦିଲ୍ଲୀକୁ ଦୀପାବଳି ଡର : ଆତଙ୍କୀ ହମଲା ଆଶଙ୍କା ,ଜୈଶ୍-ଏ-ମହମ୍ମଦର ଆକ୍ରମଣ ନେଇ ଆଲର୍ଟ

27/10/2019 at 9:54 AM

ନୂଆଦିଲ୍ଲୀ ୨୭/୧୦: ଦିଲ୍ଲୀକୁ ଦୀପାବଳି ଡର । ଗୋଟିଏ ପଟେ ଆତଙ୍କୀ ହମଲା ଆଶଙ୍କା ଆଉ ଗୋଟିଏ ପଟେ ପ୍ରଦୂଷଣ । ଦୀପାବଳିରେ ପାକିସ୍ତାନର ଆତଙ୍କବାଦୀ ସଙ୍ଗଠନ ଜୈଶ୍ -ଏ-ମହମ୍ମଦର ଆକ୍ରମଣ ଆଶଙ୍କାରେ ରାଜଧାନୀରେ ଅଭୂତପୂର୍ବ ନିରାପତ୍ତା ବ୍ୟବସ୍ଥା ଗ୍ରହଣ କରାଯାଇଛି । ସୀମାପାରିର ଦୁଇ ଜୈଶ୍  କମାଣ୍ଡର୍ ଙ୍କ ଟେଲିଫୋନ୍  କଥାବାର୍ତ୍ତାରୁ ଆକ୍ରମଣର ସୂଚନା ମିଳିଥିବା ଜଣାପଡ଼ିଛି।  ଜନଗହଳିପୂର୍ଣ୍ଣ ବଜାରରେ ନିରାପତ୍ତା ବ୍ୟବସ୍ଥା ସବୁଠୁ ଅଧିକ କଡାକଡି କରାଯାଇଛି । ଏହାଛଡ଼ା ମଲ୍  ଓ ମଲ୍ ଟିପ୍ଲେକ୍ସ୍‍ରେ ସଶସ୍ତ୍ର ନିରାପତ୍ତା ଗ୍ରହଣ କରାଯାଇଛି। ସେହିପରି ମୁମ୍ବାଇ, ବେଙ୍ଗାଲୁରୁ ଏବଂ ଅହମଦାବାଦ ମେଟ୍ରୋରେ ମଧ୍ୟ ସାଧାରଣ ସତର୍କ ସୂଚନା ଜାରି କରାଯାଇଛି ।

ସେପଟେ ଦିପାବଳୀ ଆଗରୁ ରାଜଧାନୀ ଦିଲ୍ଲୀର ପବନରେ ପ୍ରଦୂଷଣ ମାତ୍ରା ବେଶ ବଢି ଯାଇଛି । ଏହାକୁ ଅତି ମାରାତ୍ମକ କ୍ୟାଟୋଗୋରୀରେ ରଖାଯାଇଛି । ତେଣୁ ଦୀପାବଳୀରେ ବାଣ ଫୁଟାଇଲେ ଏହା ଆହୁରି ପ୍ରଦୂଷିତ ହେବ । ସ୍ଥିତି ଦେଖି ଦିଲ୍ଲୀ NCR ବାସୀ ମଧ୍ୟ ବାଣ ଫୁଟାଇବାକୁ ଆଗ୍ରହ ପ୍ରକାଶ କରିନାହାନ୍ତି । ଏପଟେ ବାଣ ଫୁଟାଇବା ନେଇ କଟକଣା ମଧ୍ୟ ଜାରି କରାଯାଇଛି ।

   Related Posts