Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବ୍ରୋଞ୍ଚ ପଦକ ସହ ସ୍ଵଦେଶ ଫେରିଲେ ପିଭି ସିନ୍ଧୁ, ଦିଲ୍ଲୀ ଏୟାରପୋର୍ଟରେ ହେଲା ଭବ୍ୟ ସ୍ଵାଗତ
  • ||
  • ପାକିସ୍ତାନ ଉପରେ ଲାଗିଲା ଲଗାମ ! ମାର୍ଚ୍ଚରେ ଘଟିନାହିଁ ଗୋଟିଏ ବି ଅସ୍ତ୍ରବିରତି ଉଲ୍ଲଂଘନ ଘଟଣା, ଜୁନରେ କେବଳ ଦୁଇ
  • ||
  • ବୁଧବାରଠୁ ଭାରତ-ଇଂଲଣ୍ଡ ଟେଷ୍ଟ୍ ସିରିଜ୍ : ଟିମ୍ ଇଣ୍ଡିଆର ଜୋରଦାର ଅଭ୍ୟାସ, ଓପନିଂ ଯୋଡିକୁ ନେଇ ଚିନ୍ତାରେ ବିରାଟ
  • ||
  • କଟକ : କାଲିଠୁ ଖୋଲିବ କଟକ ଜିଲ୍ଲାରେ ସମସ୍ତ ଧର୍ମାନୁଷ୍ଠାନ, ଜିଲ୍ଲାପାଳ ଦେଲେ ସୂଚନା
  • ||
  • ପାଟଣା : ପାଟଣାରେ କଳା ପଲସର୍ ଆତଙ୍କ, ବାଇକ୍ ଡିକି ଭାଙ୍ଗି ଲୁଟିନେଲେ ୪ଲକ୍ଷ ଟଙ୍କା
  • ||
  • ଭୁବନେଶ୍ବର : ନିଜ ବନ୍ଧୁକରୁ ନିଜକୁ ଗୁଳିକଲେ ସିକ୍ୟୁରିଟି ଗାର୍ଡ, ପାରିବାରିକ କଳହ ଯୋଗୁଁ ଆତ୍ମହତ୍ୟା ସନ୍ଦେହ
  • ||
  • ବାଇକକୁ ଧକ୍କା ଦେଲା ଟ୍ରକ୍, ରାସ୍ତାରେ ଛଟଛଟ ହୋଇ ଚାଲିଗଲା ଭଣଜା, ହସ୍ପିଟାଲରେ ଆଖିବୁଜିଲା ମାମୁଁ…
  • ||
  • କଟକ : ତପ୍ତପାଣି ଘାଟିରେ ଦୁର୍ଘଟଣା, ଭାରସାମ୍ୟ ହରାଇ ଓଲଟିଲା ମକା ଓ କପା ବୋଝେଇ ଦୁଇ ଟ୍ରକ୍
  • ||
  • ଭୁବନେଶ୍ବର : ସିବିଏସ୍‌ଇ ଦ୍ବାଦଶ ପରୀକ୍ଷାରେ ଟପ୍ପର ହେଲେ ଓଡିଆ ଝିଅ ଅମ୍ରିତା
  • ||
  • ଆଠଗଡ : ଟିକା ନପାଇ ଫେରିଲେ ଲୋକେ, ୨ ଦିନ ଧରି ଆଠଗଡ ବ୍ଲକ୍ ଅଞ୍ଚଳରେ ଟିକଦାନ ବନ୍ଦ
  • ||

ନାଲି ଓଢଣୀ ପକାଇ ମେଡ ଇନ୍‌ ଓଡ଼ିଶାର ସମ୍ବଲପୁରୀ ନନୀ ସମସ୍ତଙ୍କ ଦିଲ୍‌ରେ ଦେଇଗଲା ଦୁଃଖ….

27/07/2020 at 5:52 PM

ଭୁବନେଶ୍ବର୨୭/୦୭: ମଉଳି ଯାଇଛି କୃଷ୍ଣଚୂଡ଼ାର ସେଇ ରଙ୍ଗ । ଆଉ ଦେଖିବାକୁ ମିଳିବନି ତାଙ୍କର ମସ୍ତ୍ ମସ୍ତ୍ ଚାଲି ।  ମେଡ଼୍ ଇନ୍ ଓଡ଼ିଶା ଝିଅଟି ଚାଲି ଯାଇଛନ୍ତି ବହୁ ଦୂରକୁ । ସାଜିଛନ୍ତି ଅଫେରା ପଥର ପଥିକ । ହଁ, ସେ ଥିଲେ ଆଲ୍‌ବମ୍ ଜଗତରେ ଚହଳ ସୃଷ୍ଟି କରିଥିବା ଦୀପା ସାହୁ । ଆଲ୍‌ବମ୍ କୁଇନ୍ ରୂପରେ ଯିଏ ରାଜ୍ କରିଥିଲେ ପ୍ରଶଂସକଙ୍କ ହୃଦୟରେ ।   

 ଦୂରାରୋଗ୍ୟ କ୍ୟାନ୍ସର୍ ର ସେହି ଭୟଙ୍କର ଝଡ଼ରେ ଲିଭିଗଲା ଦୀପାଙ୍କ ଜୀବନ ଦୀପ  । ସ୍ବାମୀ ଓ ଝିଅ ସମେତ ଓଲିଉଡ୍‌ର ବନ୍ଧୁଙ୍କ  ସହ ଅଗଣିତ ପ୍ରଶଂସକଙ୍କୁ ବିଦାୟ ଜଣାଇ ଆରପାରିକୁ ଚାଲିଯାଇଛନ୍ତି ସେ ।ଦିଲ ଦେଇ ଯାର ସେହି ସୁନ୍ଦରୀ ସମସ୍ତଙ୍କ ଦିଲ୍ ରେ ଭରି ଦେଇ ଯାଇଛନ୍ତି ଦୁଃଖ ।

ଢେଙ୍କାନାଳର ଝିଅ ଦୀପା ଶତାଧିକ ଓଡ଼ିଆ ଆଲ୍‌ବମ୍‌ରେ ଅଭିନୟ କରି ସମସ୍ତଙ୍କ ମନକୁ ଛୁଇଁଥିଲେ । ତାଙ୍କର ଲୋକପ୍ରିୟ ଆଲ୍‌ବମ୍ ଗୀତଗୁଡ଼ିକ ହେଉଛି- ‘ମୁଁ ଝିଅଟେ ମେଡ଼୍ ଇନ୍ ଓଡ଼ିଶା’, ‘କୃଷ୍ଣଚୂଡ଼ା ରଙ୍ଗର ନାଲି ଓଢ଼ଣୀ’, ‘ସମ୍ବଲପୁରୀ ନନୀ’, ‘ମସ୍ତ୍ ମସ୍ତ୍ ଚାଲି ତୋର’, ‘ଦବୁ ଯଦି ଗୋରୀ ତୁ ଦୀଲ୍ ଦେଇ ଯା’, ‘ଏକ୍‌ଡ଼ା ଏକ୍‌ଡ଼ା ରା’, ‘ହାଏ ହାଏ ତୋ ମଲ୍ଲୀଫୁଲ ଗଜରା’, ‘ବାବୁଲା ବାରବୁଲା’, ‘ପକେଟ୍ ଖାଲି’ ପ୍ରଭୃତି । ତେବେ ପରବର୍ତ୍ତୀ ସମୟରେ ଛୋଟ ପରଦା ଓ ବଡ଼ ପରଦାରେ ଦୀପାଙ୍କୁ ଦେଖିବାକୁ ମିଳିଥିଲା  । ଧାରାବାହିକ ‘ସଂସ୍କାର’, ‘ବଡ଼ ଘର ବଡ଼ ଗୁମର କଥା’ ଧାରାବାହିକରେ ସେ ଖଳନାୟିକା ଭୂମିକାରେ ନଜର ଆସିଥିଲେ ।

ଢ଼େଙ୍କାନାଳ ଜିଲ୍ଲାର ବାଲ୍ୟାମ୍ବୋ ଗ୍ରାମରେ ଦୀପା ଜନ୍ମ ଗ୍ରହଣ କରିଥିଲେ। ତାଙ୍କ ବାପାଙ୍କ ନାଁ ଉଲ୍ଲାସ ଚନ୍ଦ୍ର ସାହୁ ଏବଂ ମାଆଙ୍କ ନାଁ ମଞ୍ଜୁଲତା। ପିଲାଦିନେ ଲକ୍ଷ୍ମୀ ବଜାର ବାଳିକା ବିଦ୍ୟାଳୟରେ ପାଠ ପଢ଼ୁଥିଲେ। ପରେ ସେହି ଢ଼େଙ୍କାନାଳରେ କଲେଜ ପାଠ ମଧ୍ୟ ପଢ଼ିଥିଲେ। ପରବର୍ତ୍ତୀ ସମୟରେ ଭୁବନେଶ୍ବରର ଜଣେ ବ୍ୟବସାୟୀଙ୍କୁ ଦୀପା ବିବାହ କରିଥିଲେ।

ଦୀପାଙ୍କ ସିନେ କ୍ୟାରିୟର୍ ସେତେ ଲମ୍ବା ନୁହେଁ । ତେବେ ‘ନାରୀ ଆଖିରେ ନିଆଁ’ ଓ ‘ସୁନା ଚଢ଼େଇ ମୋ ରୂପା ଚଢ଼େଇ’ ପରି ଅଳ୍ପ କିଛି ଫିଲ୍ମରେ ଅଭିନୟ କରି ଥିଲେ ବି  ସେ ଦର୍ଶକ ଓ ପ୍ରଶଂସକଙ୍କୁ ବାନ୍ଧି ରଖି ପାରିଥିଲେ । ଖୁବ୍ କମ୍‌ ବୟସରେ ଭଲ କଳାକାରଙ୍କୁ ହରାଇଲା ଓଲିଉଡ୍, ହରାଇଲେ ଓଡ଼ିଶାର କଳାପ୍ରେମୀ । ବିଜୟ ମହାନ୍ତିଙ୍କ ଦେହାନ୍ତ ପରେ ଦୀପାଙ୍କ ବିଦାୟ ,ଓଡିଶାର କଳା ଜଗତକୁ ଦେଇଛି ଆହୁରି ଦୁଃଖ ।

   Related Posts