Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଯୁବ ମୋର୍ଚ୍ଚା ନେତାଙ୍କୁ ମାଡ଼ ଘଟଣାରେ ପ୍ରତିବାଦ, ମୁଖ୍ୟମନ୍ତ୍ରୀଙ୍କ କୁଶ ପୁତ୍ତଳିକା ଦାହ କଲା ବିଜେପି
  • ||
  • କାର୍ତ୍ତିକ ମାସର ପ୍ରଥମ ସୋମବାରରେ ଧବଳେଶ୍ଵର ପୀଠରେ ୧୪୪ ଧାରା ଜାରି
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା : ବଦଳିଲେ ତମାଣ୍ଡୋ ଥାନା IIC, ଚନ୍ଦକା ଥାନାର ସବ୍ ଇନ୍ସପେକ୍ଟର ତୁଲାଇବେ ଦାୟିତ୍ବ
  • ||
  • ଭୁବନେଶ୍ବର : ମନୀଷ ଅନୁରାଗ ମୃତ୍ୟୁ ମାମଲା, କନେଷ୍ଟବଳ ପ୍ରସନ୍ନ ବେହେରା ନିଲମ୍ବିତ
  • ||
  • ଜଗତସିଂହପୁର : ଦେବୀ ନଦୀରେ ବୁଡି ୫ମ ଶ୍ରେଣୀ ଛାତ୍ରଙ୍କ ମୃତ୍ୟୁ, ଅନ୍ୟ ୩ଜଣ ଉଦ୍ଧାର
  • ||
  • ବ୍ରହ୍ମପୁର : ବ୍ରହ୍ମପୁରରେ ସ୍ବର୍ଣ୍ଣିମ ବିଜୟ ବର୍ଷ ପାଳିତ, ପୋଲିସ ରିଜର୍ଭ ଗ୍ରାଉଣ୍ଡରେ ପହଞ୍ଚିଲା ମଶାଲ
  • ||
  • ଭୁବନେଶ୍ବର : ତେଲ ଟ୍ୟାଙ୍କରରେ ଗଞ୍ଜେଇ ଚାଲାଣ, ଅଢେଇ କ୍ବିଣ୍ଟାଲ ଗଞ୍ଜେଇ ସହ ୨ ଜଣଙ୍କୁ ଗିରଫ କଲା ଏନ୍‌ସିବି
  • ||
  • ବାଲିପାଟଣା : ବୃଦ୍ଧଙ୍କୁ ଚାପିଦେଲା ହାଇଓ୍ବା, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ସୁନ୍ଦରଗଡ : ଗଛରୁ ଉଦ୍ଧାର ହେଲା ଯୁବକଙ୍କ ଝୁଲନ୍ତା ମୃତଦେହ, ଆତ୍ମହତ୍ୟା ସନ୍ଦେହ
  • ||
  • ବାରିପଦା : ମୟୁରଭଞ୍ଜରେ ସ୍ବାସ୍ଥ୍ୟ ସ୍ମାର୍ଟ କାର୍ଡ ବାଣ୍ଟିଲେ ମୁଖ୍ୟମନ୍ତ୍ରୀ, ବିଭିନ୍ନ ଉନ୍ନୟନମୂଳକ ପ୍ରକଳ୍ପର ଉଦଘାଟନ ଓ ଶିଳାନ୍ୟାସ
  • ||

ମା’ ଙ୍କ ଦେହାନ୍ତର ମାତ୍ର ୨ ଦିନ ହୋଇଛି, ସୁଟିଂ ପାଇଁ ଲଣ୍ଡନ ଚାଲିଗଲେ ଅକ୍ଷୟ କୁମାର : ସୋସିଆଲ ମିଡିଆରେ ଟ୍ରୋଲ କରୁଛନ୍ତି ୟୁଜର

10/09/2021 at 10:14 PM

ମୁମ୍ବାଇ ୧୦/୦୯ : ବଲିଉଡ ସୁପରଷ୍ଟାର ଅକ୍ଷୟ କୁମାରଙ୍କ ମା’ ଅରୁଣା ଭାଟ୍ଟିଆଙ୍କର ଗତ ବୁଧବାର ଦିନ ଦେହାନ୍ତ ହୋଇଥିଲା । ଏ ନେଇ ନିଜେ ଅକ୍ଷୟ କୁମାର ଟ୍ବିଟ୍ କରି ସୂଚନା ଦେଇଥିଲେ । ​‌ଟ୍ବିଟ୍‌ କରି ସେ ଲେଖିଥିଲେ , ‘ମା’ ମୋ ଜୀବନରେ ଗୁରୁତ୍ବପୂର୍ଣ୍ଣ ଅଂଶ ହୋଇଥିଲେ । ଆଜି ମୋତେ ଖୁବ କଷ୍ଟ ହେଉଛି । ମୋ ମା’ ଅରୁଣା ଭାଟ୍ଟିଆ ଆଜି ସକାଳେ ଦୁନିଆ ଛାଡିଯାଇଛନ୍ତି । ମୁଁ ଏବଂ ମୋ ପରିବାର ଏବେ ଖରାପ ସମୟ ଦେଇ ଗତି କରୁଛୁ ।’

ଅକ୍ଷୟ କୁମାରଙ୍କ ମା’ ଅସୁସ୍ଥ ହୋଇ ମୁମ୍ବାଇ ସ୍ଥିତ ହୀରାନନ୍ଦାନୀ ହସ୍ପିଟାଲ​‌ରେ ଭର୍ତ୍ତି ହୋଇଥିଲେ । ମାଆଙ୍କର ଅସୁସ୍ଥତା ଖବର ଶୁଣି ଅକ୍ଷୟ କୁମାର ଫିଲ୍ମ ସୁଟିଂ ଅଧାରୁ ହିଁ ମୁମ୍ବାଇ ଫେରିଆସିଥିଲେ । କିନ୍ତୁ ଏବେ ଅକ୍ଷର କୁମାର ସୋସିଆଲ ମିଡିଆରେ ଖୁବ ଟ୍ରୋଲ ହେଉଛନ୍ତି ।

ସୂଚନା ଅନୁଯାୟୀ, ଅକ୍ଷୟ କୁମାର ଏବଂ ତାଙ୍କ ପରିବାରକୁ ଶୁକ୍ରବାର ସକାଳେ ମୁମ୍ବାଇ ଏୟାରପୋର୍ଟରେ ଦେଖିବାକୁ ମିଳିଥିଲା । ଅକ୍ଷୟ ତାଙ୍କ ପରିବାର ସହିତ ଲଣ୍ଡନ ଚାଲିଯାଇଛନ୍ତି । ତେବେ କଥା ହେଉଛି ମା’ଙ୍କ ଦେହାନ୍ତର ମାତ୍ର ୨ ଦିନ ପରେ ଫିଲ୍ମ ସୁଟିଂ ପାଇଁ ଅକ୍ଷୟ କୁମାର ପୁଣି ଲଣ୍ଡନ ଯିବା କଥାକୁ ନେଇ ସୋସିଆଲ ମିଡିଆରେ ଖୁବ ସମାଲୋଚନା ହେଉଛନ୍ତି । ଜଣେ ୟୁଜର ଲେଖିଛନ୍ତି, ମା’ଙ୍କ ଦେହାନ୍ତ ଗୋଟିଏ ଦିନ ବି ହୋଇନି, କିନ୍ତୁ ଏ ଫିଲ୍ମ ସୁଟିଂ ପାଇଁ ବିଦେଶ ଗଲେଣି । ଆଉ ଜଣେ ୟୁଜର ଲେଖିଛନ୍ତି, ‘ଏମାନେ କିଛି ମାନନ୍ତି ନାହିଁ । ସାଧାରଣ ଲୋକ ଯେପରିକି ଆମ ପରିବାର​‌ରେ କାହାର ଦେହାନ୍ତ ହୁଏ ତେବେ ଆମେ ୪୦ ଦିନ ଘରେ ରହୁ କିନ୍ତୁ ଇଏ ୪୦ ଘଣ୍ଟା ବି ଘରେ ରହୁନାହାନ୍ତି ।’

ସେପ୍ଟେମ୍ବର ୭ ତାରିଖରେ ଅସୁସ୍ଥ ମା’ଙ୍କ ସୁସ୍ଥ କାମନା ନିମନ୍ତେ ପ୍ରାର୍ଥନା କରିବା ପାଇଁ ପ୍ରଶଂସକଙ୍କୁ କହିଥିଲେ । ଏଥି ପାଇଁ ଧନ୍ୟବାଦ ମଧ୍ୟ ଜଣାଇଥିଲେ । କିନ୍ତୁ ଡାକ୍ତରଙ୍କ ସମସ୍ତ ଚେଷ୍ଟା ପରେ ବି ଗତ ବୁଧବାର ଦିନ ଅକ୍ଷର କୁମାରଙ୍କ ମା’ ଅରୁଣା ଭାଟ୍ଟିଆଙ୍କର ଦେହାନ୍ତ ହୋଇଥିଲା । ଏହାର ୨ ଦିନ ପରେ ଅକ୍ଷୟ କୁମାର ପରିବାର ସହିତ ଲଣ୍ଡନ ଗସ୍ତ କରିଛନ୍ତି । ଯାହାକୁ ନେଇ ସୋସିଆଲ ମିଡିଆ​‌ରେ ଟ୍ରୋଲ ହେଉଛନ୍ତି ଅଭି​‌ନେତା ।

   Related Posts