ନୂଆଦିଲ୍ଲୀ ୧୪/୦୬: ଅକ୍ଷୟ କୁମାରଙ୍କ ଫିଲ୍ମ ବିଷୟରେ ଲୋକଙ୍କ ଭିନ୍ନ ପ୍ରକାରର କ୍ରେଜ୍ ରହିଛି। ସେ ତାଙ୍କର ଅଭିନୟ ସହିତ ରୋମାନ୍ସ ଏବଂ କମେଡିରେ ମଧ୍ୟ ଦର୍ଶକଙ୍କୁ ଆକର୍ଷିତ କରିଥାନ୍ତି । ସେ ବଲିଉଡକୁ ଅନେକ ହିଟ୍ ଫିଲ୍ମ ଦେଇଛନ୍ତି, ସେଥିମଧ୍ୟରୁ ଗୋଟିଏ ହେଉଛି 'ଖିଲାଡିୟୋଁ କା ଖିଲାଡି', ଯାହା ୨୫ ବର୍ଷ ପୂର୍ବେ ରିଲିଜ୍ ହୋଇଥିଲା ଏବଂ ସୁପର ହିଟ୍ ହୋଇଥିଲା। ଏହି ଫିଲ୍ମରେ ଅକ୍ଷୟଙ୍କର ପ୍ରସିଦ୍ଧ ରେସଲର ଅଣ୍ଡରଟେକରଙ୍କ ସହିତ ଏକ ଫାଇଟ୍ ସିନ୍ ରହିଛି, ଯାହା ସେତେବେଳେ ଲୋକଙ୍କୁ ଉତ୍ସାହିତ କରିଥିଲା। ଏହି ଫାଇଟ୍ ସିନରେ ଅକ୍ଷୟ ଅଣ୍ଡରଟେକରଙ୍କୁ ପରାସ୍ତ କରିଥିଲେ ।
{"width":621,"height":633}ଫିଲ୍ମର ୨୫ ବର୍ଷ ପୂରଣ ହେବାପରେ ଅକ୍ଷୟ ଏକ ଟୁଇଟ୍ କରି ଫିଲ୍ମ ସହ ଜଡିତ ଏକ ରହସ୍ୟ ପ୍ରକାଶ କରିଛନ୍ତି। ସେ ଏକ ପୋଷ୍ଟ ଟ୍ୱିଟ୍ କରିଛନ୍ତି ଯେଉଁଥିରେ ଦର୍ଶାଯାଇଛି ଯେ ଅକ୍ଷୟ ସେହି ଲୋକମାନଙ୍କ ମଧ୍ୟରେ ଜଣେ ଯିଏକି ଅଣ୍ଡରଟେକରଙ୍କୁ ହରାଇଥିଲେ । ଏହା ଉପରେ ଅକ୍ଷୟ ସ୍ପଷ୍ଟୀକରଣ ଦେଇଛନ୍ତି ଯେ ସେ ଅଣ୍ଡରଟେକରଙ୍କୁ ପରାସ୍ତ କରି ନଥିଲେ ।
ଅକ୍ଷୟ ଟ୍ୱିଟରେ ପ୍ରକାଶ କରିଛନ୍ତି ଯେ ଏହି ଫିଲ୍ମରେ ଲଢିଥିବା ବ୍ୟକ୍ତି ପ୍ରକୃତ ଅଣ୍ଡରଟେକର୍ ନୁହଁନ୍ତି। ସେ କହିଛନ୍ତି, ଗୋଟିଏ ମଜାଦାର କଥା ହେଉଛି, ସେ ରେସଲର ବ୍ରାଏନ୍ ଲି ଥିଲେ ଯିଏକି ଏହି ଫିଲ୍ମରେ ଅଣ୍ଡରଟେକର୍ ଭୂମିକାରେ ଅଭିନୟ କରିଥିଲେ। ଫିଲ୍ମରେ ଅକ୍ଷୟଙ୍କ ବ୍ୟତୀତ ରବିନା ଟଣ୍ଡନ୍ ଏବଂ ଅଭିନେତ୍ରୀ ରେଖା ଏହି ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ।
ଅକ୍ଷୟ କୁମାରଙ୍କ ଅନେକ ଫିଲ୍ମ ରିଲଜ୍ ହେବା ପାଇଁ ପ୍ରସ୍ତୁତ ହୋଇଛି। ଅକ୍ଷୟ ବର୍ତ୍ତମାନ ତାଙ୍କ ଫିଲ୍ମ 'ରାମ ସେତୁ'କୁ ନେଇ ବ୍ୟସ୍ତ ଅଛନ୍ତି। ଫିଲ୍ମ 'ପୃଥ୍ୱୀରାଜ' ସହିତ ଜଡିତ କିଛି କାମ ବାକି ଅଛି, ଯାହା ଅଭିନେତା ଯଥାଶୀଘ୍ର ସଂପୂର୍ଣ୍ଣ କରିବାକୁ ଚାହୁଁଛନ୍ତି । ସେ ଆହୁରି ମଧ୍ୟ କହିଛନ୍ତି ଯେ ସେ ଖୁବ୍ ଶୀଘ୍ର 'ରକ୍ଷା ବନ୍ଧନ'ର ସୁଟିଂ ଆରମ୍ଭ କରିବେ। ଏହି ଅଭିନେତା ଫିଲ୍ମ 'ଓ ମାଇଁ ଗଡ୍ ୨' ର କାମ ମଧ୍ୟ ପାଇଛନ୍ତି, ଯେଉଁଥିପାଇଁ ଅଭିନେତା ବହୁତ ବ୍ୟସ୍ତ ଅଛନ୍ତି ।