Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମୁଣ୍ଡଳିରୁ ଭାସି ଯାଇଛି ହାତୀ, ଠାବ ହୋଇପାରିନି ଅବସ୍ଥିତି
  • ||
  • ଅରିନ୍ଦମ ଦାସଙ୍କୁ ଶ୍ରଦ୍ଧାଞ୍ଜଳି, ଗୁରୁତରଙ୍କ ଆସୁ ଆରୋଗ୍ୟ କାମନା କରି ଭଦ୍ରକ ଜିଲ୍ଲା ସାମ୍ବାଦିକଙ୍କ କ୍ୟାଣ୍ଡେଲ ଶୋଭାଯାତ୍ରା
  • ||
  • ଉଦଳା : ନିଜେ ବିଷ ପିଇ ଦୁଇ ଶିଶୁ କନ୍ୟାଙ୍କୁ ପିଆଇଦେଲା, ଚିକିତ୍ସାଧିନ ଅବସ୍ଥାରେ ଚାଲିଗଲା ମା’ର ଜୀବନ
  • ||
  • କଟକ : ମୁଣ୍ଡଳୀରେ ବୋଟ୍ ଦୁର୍ଘଟଣାରେ ସମ୍ବାଦଦାତା ଅରିନ୍ଦମ୍ ଦାସଙ୍କ ଅକାଳ ବିୟୋଗ, ଗଜ ଉଦ୍ଧାର ଖବର ଆଣିବାକୁ ଓଡ୍ରାଫ୍ ଟିମ୍ ସହ ଯାଇଥିଲେ
  • ||
  • କଟକ : ମୁଣ୍ଡଳୀ ବ୍ୟାରେଜରେ ଫସିଥିବା ହାତୀକୁ ଉଦ୍ଧାର ବେଳେ ଓଲଟିଲା ଓଡ୍ରାଫ୍ ବୋଟ୍
  • ||
  • ଭୁବନେଶ୍ବର କୋର୍ଟ ପରିସର ୩ଦିନ ସିଲ୍, ଜୁଡିସିଆଲ୍ କର୍ମଚାରୀ ଓ ଆଇନଜୀବୀ କରୋନା ପଜିଟିଭ୍ ପରେ ପଦକ୍ଷେପ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୩୯ କୋଭିଡ୍ ପଜିଟିଭ୍
  • ||
  • ବିଜେପି ନେତା ଫଡନାଭୀସଙ୍କ ଶରଣରେ କଂଗ୍ରେସ ନେତା, କହିଲେ- ‘ଆମ ପ୍ରାର୍ଥୀଙ୍କୁ ଜିତିବାରେ ସାହାଯ୍ୟ କର’
  • ||
  • ଉପରମୁଣ୍ଡରେ ବର୍ଷା, ବଢୁଛି ହୀରାକୁଦର ଜଳସ୍ତର
  • ||

ଗୁଣି ଗାରେଡି ସନ୍ଦେହରେ ପରିବାର ଉପରେ ସଙ୍ଘବଦ୍ଧ ଆକ୍ରମଣ, ବୁଝାଇବାକୁ ଯାଇ ପୋଲିସ ନାକେଦମ

31/07/2021 at 8:17 AM

ଗଜପତି,୩୧/୦୭: ଗୁଣି ଗାରେଡ଼ି ସନ୍ଦେହରେ ଗୋଟିଏ ପରିବାର ଉପରେ ସଂଘବଦ୍ଧ ଆକ୍ରମଣ ।  ଏଭଳି ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା ପାରଳାଖେମୁଣ୍ଡି ଥାନା ଅନ୍ତର୍ଗତ ସୁବାସ ନଗର ଅଞ୍ଚଳରେ । ସେପଟେ ଉତ୍ତେଜିତ ଲୋକଙ୍କୁ ବୁଝାଇବା ପାଇଁ ପୋଲିସକୁ ବହୁ କସରତ କରିବାକୁ ପଡିଥିଲା ।

ସୂଚନାନୁସାରେ, ଶୁକ୍ରବାର ବିଳମ୍ବିତ ରାତ୍ରିରେ ସୁବାସ ନଗର ରେଲି ସାହି ଅଞ୍ଚଳର ଶହ ଶହ ଲୋକ ଏକତ୍ରିତ ହୋଇ  ସେଇ ସାହିର ରାଜା ରାଓ ନାଗବଂଶ ନାମକ ଜଣେ ବ୍ୟକ୍ତିଙ୍କୁ ଗାଳିଗୁଲଜ କରିଥିଲେ। ଗୁଣିଗାରେଡି କରୁଥିବା ସନ୍ଦେହ କରି ଘର ଉପରେ ଅତର୍କିତ ଆକ୍ରମଣ କରିଥିଲେ ଲୋକେ। ଏପରିକି ଘରେ ପସି ଆସବାବପତ୍ର ନଷ୍ଟ କରିବା ସହ ରାଜା ରାଓଙ୍କ ପରିବାର ସଦସ୍ୟଙ୍କୁ ମଧ୍ୟ ମରଣାନ୍ତକ ଆକ୍ରମଣ କରିଥିଲେ ।

ଏହାର କାରଣ ବୁଝିବା ବେଳେ ଜଣା ପଡିଥିଲା ଯେ ରେଲି ସାହିର ବିନୋଦ ଶ୍ରୀରାମଙ୍କ ନାବାଳିକା ଝିଅର ଦେହ ଦୀର୍ଘ ଦିନ ଧରି  ଅସୁସ୍ଥ ରହିଛି । ଡାକ୍ତରୀ ଚିକିତ୍ସାରେ ମଧ୍ୟ ଝିଅଟି ଭଲ ନ ହେବା ପରେ ସାହି ଲୋକେ ଓ ବିନୋଦଙ୍କ ପରିବାର ଲୋକେ ରାଜରାଓଙ୍କ ଉପରେ ଗୁଣିଗାରେଡି କରୁଥିବା ସନ୍ଦେହ କରି ସଂଘବଦ୍ଧ ଆକ୍ରମଣ କରିଥିଲେ। ସେପଟେ ରାଜରାଓଙ୍କ କହିବା ହେଲା ସେ ଘଟଣା ସମ୍ପର୍କରେ କିଛି ଜାଣିନାହାନ୍ତି । ଲୋକେ ହଠାତ ଆକ୍ରମଣ କରି ତାଙ୍କ ଘରର ଆସବାବପତ୍ର ଭାଙ୍ଗିଦେବା ସହ ଗାଡି,ସ୍କୁଟି ଭାଙ୍ଗି ଦେଇଛନ୍ତି  ।

ଖବର ପାଇ ଘଟଣା ସ୍ଥଳରେ ପୋଲିସ ପହଞ୍ଚି ଉତ୍ତେଜିତ ଲୋକଙ୍କୁ ବୁଝାଇବାକୁ ଚେଷ୍ଟା କରିଥିଲା , ପରିସ୍ଥିତି ଅଣାୟତ୍ତ ହେବାରୁ ବ୍ୟାପକ ପୋଲିସ ଫୋର୍ସ ଘଟଣା ସ୍ଥଳରେ ପହଞ୍ଚି ରାଜା ରାଓ ଏବଂ ତାଙ୍କର ପରିବାରକୁ ଅନ୍ୟ ସ୍ଥାନକୁ ସ୍ଥାନାନ୍ତରିତ କରିଛି। ଆଇନ ଶୃଙ୍ଖଳା ପରିସ୍ଥିତିକୁ ଦୃଷ୍ଟିରେ ରଖି ଘଟଣାସ୍ଥଳରେ ବ୍ୟାପକ ପୋଲିସ ମୁତୟନ କରାଯାଇଛି । ପରିସ୍ଥିତି ଉପରେ ନଜର ରଖିଛି ପାରଳାଖେମୁଣ୍ଡି ପୋଲିସ ।

   Related Posts