Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଠକ ବାପ-ପୁଅ ଗିରଫ, କୁବେର ଜଙ୍ଗଲ ଅଫିସରଙ୍କ ଅମାପ ସଂପତ୍ତି ଠାବ କରିଛି ଭିଜିଲାନ୍ସ
  • ||
  • ଭୁବନେଶ୍ବର : ରାଜ୍ୟରେ ଆଉ ୧୪ କରୋନା ସଂକ୍ରମିତ ପ୍ରାଣ ହରାଇଲେ, ୧୭୧୮ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ୫୯୪ କରୋନା ସଂକ୍ରମିତ, ୩୧୭୨୩୯ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଭାରତ-ଅଷ୍ଟ୍ରେଲିଆ ଦିନିକିଆ ସିରିଜ୍, ଦଳରେ ସାମିଲ ହେଲେ ଦ୍ରୁତ ବୋଲର ଟି. ନଟରାଜନ
  • ||
  • ଭୁବନେଶ୍ବର : ଦଶମ ଶ୍ରେଣୀ ଛାତ୍ରୀ କଲେ ଆତ୍ମହତ୍ୟା ! ବେକରେ ରଶି ଲଗାଇ ପଙ୍ଖାରେ ଝୁଲି ପଡିଲେ, କାରଣ ଅସ୍ପଷ୍ଟ
  • ||
  • ରାଜକୋଟ : କୋଭିଡ୍ ହସ୍ପିଟାଲରେ ଲାଗିଲା ନିଆଁ, ୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ପୁରୀ : ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ, ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ମହାପ୍ରଭୁଙ୍କ ଦୁର୍ଲଭ ନାଗାର୍ଜୁନ ବେଶ: ସୁରକ୍ଷା ବଳୟରେ ଶ୍ରୀମନ୍ଦିର, ଦର୍ଶନ ପାଇଁ ଭକ୍ତ ବ୍ୟାକୁଳ
  • ||
  • ଭାରତ-ଅଷ୍ଟ୍ରେଲିଆ ପ୍ରଥମ ଦିନିକିଆ : ଟସ୍ ଜିତିଲା ଅଷ୍ଟ୍ରେଲିଆ, ପ୍ରଥମେ କରିବ ବ୍ୟାଟିଂ
  • ||
  • ଚଳିତ ବର୍ଷ ବିନ୍ଦୁସାଗରରେ ଡଙ୍ଗା ଭସା ଉପରେ ରୋକ୍, ନିଷ୍ପତ୍ତି ନେଲା ବିଏମସି
  • ||

ଏକଜିଟ୍ ପୋଲ ରିପୋର୍ଟକୁ ନେଇ ଉଷ୍ମ ହେଉଛି ରାଜନୀତି, ମାୟାବତୀଙ୍କୁ ଭେଟିଲେ ଅଖିଳେଶ ଯାଦବ

20/05/2019 at 7:47 PM

ଲକ୍ଷ୍ନୌ ୨୦।୫: ଚୂଡାନ୍ତ ପର୍ଯ୍ୟାୟ ମତଦାନ ପରେ ୧୯ ତାରିଖ ସଂଧ୍ୟାରେ ବିଭିନ୍ନ ଗଣମାଧ୍ୟମରେ ଏଗଜିଟ୍ ପୋଲ ରିପୋର୍ଟ ପ୍ରକାଶିତ ହୋଇଥିଲା। ଏଥିରେ ଏନଡିଏ ସଂଖ୍ୟାଗରିଷ୍ଠ ଦଳଭାବେ ଉଭା ହେଉଥିବା ଜଣାପଡିବା ପରେ ସାରାଦେଶରେ ରାଜନୀତି ଉଷ୍ମ ହେବାରେ ଲାଗିଛି । ରିପୋର୍ଟକୁ ନେଇ ଏନଡିଏର ଗତିବଧି ବଢିଥିବା ବେଳେ ଅନ୍ୟ ରାଜନୈତିକ ଦଳମାନଙ୍କ ମଧ୍ୟରେ ପ୍ରତିକ୍ରିୟା ପ୍ରକାଶ ପାଇଲାଣି। ଆଜି ଉତ୍ତରପ୍ରଦେଶ ସପା ନେତା ଅଖିଳେଶ ଯାଦବ ତାଙ୍କ ମେଣ୍ଟର ଅନ୍ୟତମ ସହଯୋଗୀ ବସପା ନେତ୍ରୀ ମାୟାବତୀଙ୍କୁ ଭେଟିଥିଲେ। ଅଖିଳେଶ ଏକାକୀ ମାୟାବତୀଙ୍କୁ ଭେଟିଥିବା ବେଳେ ଏହି ସାକ୍ଷାତ ଆଲୋଚନା  ଦୀର୍ଘ ୧ ଘଣ୍ଟା ଧରି ଚାଲିଥିଲା।

ମାୟାବତୀଙ୍କୁ ଭେଟିବା ପରେ ଅଖିଳେଶ ଗଣମାଧ୍ୟମକୁ କିଛି କହି ନାହାନ୍ତି। ତେବେ ଉଭୟ ନେତା ଏଗଜିଟ୍ ପୋଲ ରିପୋର୍ଟକୁ ନେଇ ଆଲୋଚନା କରିଥିବା ଅନୁମାନ କରାଯାଉଛି। ଏଗଜିଟ ପୋଲରେ ୟୁପିରେ  ୮୦ଟି ଲୋକସଭା ଆସନରୁ ଅଖିଳେଶ ଓ ମାୟାବତୀଙ୍କ ମହାମେଣ୍ଟକୁ ୨୦ରୁ ୪୦ଟି ମିଳିପାରେ ବୋଲି ଆକଳନ କରାଯାଇଛି। ତେବେ ଗତ ଲୋକସଭା ନିର୍ବାଚନ ପରଠାରୁ ପ୍ରଦେଶରେ ଏନଡିଏର ସିଟ୍ ସଂଖ୍ୟା କ୍ରମାଗତ ହ୍ରାସ ପାଉଥିବା ବେଳେ ଏଗଜିଟ୍ ପୋଲ ଆକଳନ ମହାମେଣ୍ଟକୁ ଅକଳିଆରେ ପକାଇଛି।

ଏହା ଛଡା ଯଦି ଦେଶର କଥା କୁହାଯାଏ ତେବେ ଏନଡିଏ ଏକକ ସଂଖ୍ୟାଗରିଷ୍ଠ ଦଳଭାବେ ବିଜୟୀ ହେଉଥିବା ସବୁ ପୋଲ ରିପୋର୍ଟ କରିଛନ୍ତି। ଏଥିରେ ବିରୋଧୀଙ୍କ ମେଣ୍ଟକୁ ଝଟକା ଲାଗିବା ଏକପ୍ରକାର ନିଶ୍ଚିତ ହୋଇଥିବା ବେଳେ ମୋଦି ପୁଣି କ୍ଷମତାକୁ ଫେରୁଥିବା ସ୍ପଷ୍ଟ ହେଉଛି। ତେବେ ଏଗଜିଟ୍ ପୋଲ ରିପୋର୍ଟକୁ ଅନେକ ନେତା ଗ୍ରହଣ କରୁ ନାହାନ୍ତି କି ସ୍ବୀକାର ମଧ୍ୟ କରୁ ନାହାନ୍ତି। ତେବେ ମେ ୨୧ ତାରିଖ ମଙ୍ଗଳବାର ଦିଲ୍ଲୀରେ ଏନଡିଏ ମେଣ୍ଟ ବୈଠକ ପରେ ଦେଶର ରାଜନୀତି ଚିତ୍ର ସ୍ପଷ୍ଟ ହେବ ବୋଲି ଆଶା କରାଯାଉଛି।

   Related Posts