Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନକଲି ଘିଅ କାରଖାନାରେ ରେଡ୍‌, ମାଲିକ ଫେରାର
  • ||
  • ବିଧାନସଭା ଆଗରେ ମାଆ ଓ ପୁଅଙ୍କ ଆତ୍ମାହୁତି ଉଦ୍ୟମ ଘଟଣା: ସ୍ପଷ୍ଟୀକରଣ ରଖିଲା ଜଗତସିଂହପୁର ପୋଲିସ
  • ||
  • ଲିଭର ପ୍ରତ୍ୟାରୋପଣ ପାଇଁ ସମ୍‌ ହସ୍ପିଟାଲ ଓ ଏସିଆନ ଇନ୍‌ଷ୍ଟିଚ୍ୟୁଟ୍‌ ଅଫ ଗ୍ୟାଷ୍ଟ୍ରୋଏନଟେରୋଲୋଜି (ଏଆଇଜି ) ମଧ୍ୟରେ ବୁଝାମଣା ସ୍ଵାକ୍ଷରିତ
  • ||
  • ଆନ୍ଦୋଳନରତ କୃଷକଙ୍କୁ ଗୃହ ମନ୍ତ୍ରୀ ଶାହାଙ୍କ ସନ୍ଦେଶ, ସରକାର ଆପଣଙ୍କ ଦାବି ଓ ସମସ୍ୟା ଉପରେ ଆଲୋଚନା କରିବାକୁ ପ୍ରସ୍ତୁତ
  • ||
  • ଡିସେମ୍ବର ମାସ ପାଇଁ ଗାଇଡ୍‌ ଲାଇନ୍ ଜାରି କଲେ ରାଜ୍ୟ ସରକାର
  • ||
  • ଭାଇ ହେଲା ଭଗାରୀ: ଜମିବାଡି ଲୋଭରେ ନିଜ ରକ୍ତ ସଂପର୍କର ଭାଇ-ପୁତୁରାକୁ ଦେଲା ହାଣି
  • ||
  • ଅଭୟକାନ୍ତଙ୍କ ଲିଙ୍କ୍‌ର ଖୋଳତାଡ଼: ସମସ୍ତଙ୍କୁ ଯିବ ନୋଟିସ୍, କିଏ ବଫାଦାର- କିଏ ଗଡ଼ ଫାଦର?
  • ||
  • ପରୀ ହତ୍ୟା ମାମଲା: ଅରୁଣ ବୋଥ୍ରାଙ୍କ ନେତୃତ୍ବରେ ୫ ଜଣିଆ ଏସ୍‌ଆଇଟି ଟିମ୍‌ ଗଠିତ, ହାଇକୋର୍ଟଙ୍କୁ ଅବଗତ କଲେ ସରକାର
  • ||
  • ସୋର : ବେଙ୍ଗାଲୁରୁରୁ ଲୁଟ୍ ହୋଇଥିବା ୪ଲକ୍ଷ ଟଙ୍କା ମିଳିଲା ଚାଉଳ ଡବାରୁ
  • ||
  • ତେଲକୋଇ : ମଞ୍ଚାରେ ଶୋଇଥିବା ବେଳେ ଲାଗିଗଲା ନିଆଁ, ପୋଡି ହୋଇ ମହିଳା ଗୁରୁତର
  • ||

ସେ ଜଣେ ସମ୍ପୂର୍ଣ୍ଣ କଳାକାର କିନ୍ତୁ ନାଟକ ଥିଲା ତାଙ୍କ ଜୀବନ, ଅଜିତ ଦାସଙ୍କୁ ଝୁରୁଥିବେ ଓଡିଆ ଦର୍ଶକ

13/09/2020 at 7:30 PM

ଭୁବନେଶ୍ୱର, ୧୩।୦୯:   ଜୀବନ ଯୁଦ୍ଧରେ ସେ ହାରିଗଲେ । କିନ୍ତୁ ହାରି ବି ଜିତିଗଲେ । ମୟୂରଭଞ୍ଜର କରଞ୍ଜିଆରୁ ଦିଲ୍ଲୀର ନ୍ୟାସନାଲ ସ୍କୁଲ ଅଫ୍ ଡ୍ରାମା ଏବଂ ଓଡିଶା ସଙ୍ଗୀତ ନାଟକ ମହାବିଦ୍ୟାଳୟ । ଜଣେ ଉଚ୍ଚକୋଟୀର କଳାକାର, ଛାତ୍ରବତ୍ସଳ ଅଧ୍ୟାପକ ଏବଂ ବହୁମୁଖୀ ପ୍ରତିଭାର ଅଧିକାରୀଅଜିତ ଦାସ । ସେ ନିଜର ଏକ ସ୍ୱତନ୍ତ୍ର ସ୍ଥାନଟିଏ ହାସଲ କରି ପାରିଛନ୍ତି । ବେସ୍ ମେଳାପୀ ଓ ହସଖୁସିଆ ଥିଲେ ସେ । ସମସ୍ତେ ତାଙ୍କୁ ଝୁରନ୍ତି । ଠିକ୍ ସେହିଭଳି ସେ ଜଣେ ଶୃଙ୍ଖଳାରେ ବନ୍ଧା ଅଧ୍ୟାପକ ବି ଥିଲେ । ଉତ୍ତମ ମହାନ୍ତି, ପ୍ରଶାନ୍ତ ନନ୍ଦଙ୍କଠାରୁ ଆରମ୍ଭ କରି ଅଶୃମୋଚ୍ଚନ, ଶ୍ରୀତମ ଦାସ ଏବଂ ଓଡିଆ ସିନେ, ମଞ୍ଚ ନାଟକ ସହ ଜଡିତ କଳାକାର ଅଭିନେତା ସମସ୍ତେ ବଖାଣନ୍ତି ଅଜିତଙ୍କ ସ୍ମୃତି । ସେ ଜଣେ ଭଲ ଅଭିନେତା, ନିର୍ଦ୍ଦେଶକ, ଲେଖକ ଭାବେ ପ୍ରସିଦ୍ଧି ଅର୍ଜନ କରିଛନ୍ତି । ୧୯୭୬ ମସିହାରେ ସିନ୍ଦୁର ବିନ୍ଦୁରୁ ଓଡିଆ ସିନେମାରେ ଅଭିନୟ ଆରମ୍ଭ କରିଥିବା ଅଜିତ ଦାସ ୬୦ରୁ ଅଧିକ ଓଡିଆ ସିନେମାରେ ଅଭିନୟ କରିଛନ୍ତି । ଖଳନାୟକରୁ ଅଭିନୟ ଆରମ୍ଭ କରିଥିବା ବେଳେ ପରବର୍ତ୍ତୀ ସମୟରେ ସେ ନାୟକ ଓ ଚରିତ୍ର ଅଭିନେତା ଭୂମିକାରେ ନିଜର ଦକ୍ଷତା ପ୍ରମାଣିତ କରିଥିଲେ ।  ମଲାଜହ୍ନ, ହାକିମ୍ ବାବୁ, ତୁଣ୍ଡ ବାଇଦ,  ମାଆ, ଆଦି ଓ ତାଙ୍କ ଅଭିନୀତ ବହୁ ଚଳଚ୍ଚିତ୍ର ଏବେବି ଓଡିଆ ସିନେ ଜଗତର ପ୍ରମୁଖ ଏବଂ ସଫଳ ସିନେମା ହୋଇ ରହିଛି ।

ବରିଷ୍ଠ ସିନେ ସାମ୍ବାଦିକ ସୂର୍ଯ୍ୟ ଦେଓଙ୍କ ମତରେ ଅଜିତ ଦାସ ସିନେମା ଅପେକ୍ଷା ନାଟକ ପ୍ରତି ଅଧିକ ଗୁରୁତ୍ୱ ଦେଉଥିବା ଦେଖାଯାଇଛି । କ୍ଲାସିକ୍ ଡ୍ରାମା ମଲାଜହ୍ନ ଭଳି ଏବଂ ସେହି ଭଳି କାହାଣୀରୁ ସେ ଅଧିକ ପସନ୍ଦ କରୁଥିଲେ । ୧୯୮୭-୮୮ରୁ ସେ ସିନେମାରେ ଛୋଟ କିନ୍ତୁ ବେସ୍ ଶକ୍ତିଶାଳୀ ଭୂମିକାରେ ଅଧିକ ଅଭିନୟ କରିଥିବା ଦେଖାଦେଇଛି । ସେହି ଭଳି ସିନେମାରେ ତାଙ୍କ ଅଭିନୟ ବେସ୍ ମନଛୁଆଁ ହୋଇଛି । ତୁଣ୍ଡ ବାଇଦରେ କମ୍ ସମୟର ବଡ ଭାଇ ଭୂମିକା ଅଭିନୟ କରିବି ସେ ଦର୍ଶକଙ୍କ ମନ ଛୁଇଁଥିଲେ । କିନ୍ତୁ ଏହି ମୁଖ୍ୟ ନାୟକ ଥିଲେ ଉତ୍ତମ ମହାନ୍ତି । ସେଭଳି ପ୍ରସନଜିତଙ୍କ ଅଭିନୀତ ମାଆରେ ଛୋଟ ଭୂମିକାରେ ନଜର ଆସି ସେ ଦର୍ଶକଙ୍କ ମନ କିଣିଥିଲେ । ପରବର୍ତ୍ତୀ ସମୟରେ ସେ ଅଧିକ ମାତ୍ରାରେ ମଞ୍ଚନାଟକ ଆଡକୁ ଢଳିଥିଲେ । ସେ ଅଜିତ ନାମରେ ଏକ ନାଟ୍ୟସଂସ୍ଥା ଗଢିଥିଲେ । ମେଳାପୀ ଓ ହସଖୁସିଆ ସ୍ୱଭାବର ଅଜିତ ଜଣେ ଭଲ ଶିକ୍ଷକ ଥିଲେ । ଅଭିନୟ ସହ ଲେଖାଲେଖିରେ ଦକ୍ଷତା ରଖୁଥିବା ଅଜିତ ଡ୍ରାମାରେ ଗ୍ରାମ୍ର ପ୍ରତି ବେସ୍ ଗୁରୁତ୍ୱ ଦେଉଥିଲେ ବୋଲି କୁହନ୍ତି ସୂର୍ଯ୍ୟ ଦେଓ ।

ସୂଚନାଯୋଗ୍ୟ, ବିଶିଷ୍ଟ ଚଳଚିତ୍ର ଅଭିନେତା ତଥା ନିର୍ଦ୍ଦେଶକ ଅଜିତ ଦାସ ରବିବାର ୭୧ ବର୍ଷ ବୟସରେ ଅଜିତ ରାଜଧାନୀ ଭୁବନେଶ୍ୱରସ୍ଥିତ ଏକ ଘରୋଇ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ତାଙ୍କ ପରଲୋକ ଖବର ପ୍ରସାରିତ ହେବାପରେ ରାଜ୍ୟ କଳା ଜଗତରେ ଶୋକର ଛାୟା ଖେଳି ଯାଇଛି।୨୦ ଜାନୁଆରୀ ୧୯୪୯ରେ ମୟୁରଭଞ୍ଜ ଜିଲ୍ଲା କରଞ୍ଜିଆରେ ଅଜିତ୍ ଦାସଙ୍କ ଜନ୍ମ । ୬୦ରୁ ଅଧିକ ଫିଲ୍ମରେ ଅଭିନୟ କରିଥିଲେ ଅଜିତ ଦାସ୍‌ । ତାଙ୍କ ଅଭିନୀତ ହାକିମବାବୁ ଚଳଚ୍ଚିତ୍ରକୁ ମିଳିଥିଲା ଜାତୀୟ ପୁରସ୍କାର ।

କିଛି ଦିନ ତଳେ ଅଜିତ ଦାସ କୋଭିଡ୍ ସଂକ୍ରମିତ ହୋଇଥିବାର ଜଣାପଡ଼ିଥିଲା । ତେବେ ଆଜି ରବିବାର ଦିନ ସେ ଚିକିତ୍ସାଧୀନ ଅବସ୍ଥାରେ ମୃତ୍ୟୁବରଣ କରିଛନ୍ତି । ସେ କୋଭିଡ୍ ସହ ଅନ୍ୟ ରୋଗରେ ମଧ୍ୟ ଆକ୍ରାନ୍ତ ଥିଲେ । ସେହିପରି କିଛି ଦିନ ତଳେ ଓଡିଆ ଫିଲ୍ମ ଜଗତର ଆଉ ଜଣେ ବରିଷ୍ଠ ଅଭିନେତାଙ୍କ ପରଲୋକ ହୋଇଥିଲା । ଚିକିତ୍ସାଧୀନ ଅବସ୍ଥାରେ ଅଭିନେତା ବିଜୟ ମହାନ୍ତିଙ୍କ ପରଲୋକ ହୋଇଥିଲା । ୭୦ ବର୍ଷ ବୟସରେ ଆଖିବୁଜିଥିଲେ ବିଜୟ ମହାନ୍ତି ।

   Related Posts