Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆସୁଛି ଆଉ ଏକ ଲଘୁଚାପ ! ନଭେମ୍ବର ପହିଲାରୁ ପୁଣି ବର୍ଷାର ସମ୍ଭାବନା
  • ||
  • ଆମେରିକୀୟ ନୌସେନା ବିମାନ ଦୁର୍ଘଟଣାଗ୍ରସ୍ତ, ଦୁଇ ପାଇଲଟଙ୍କ ମୃତ୍ୟୁ
  • ||
  • ଭୁଆସୁଣୀ ଛକରେ ସିରିଜ୍ ଦୁର୍ଘଟଣା, ୨ ଗୁରୁତର
  • ||

ଅଭିନେତା ଅଜୟ ଦେବଗନଙ୍କ ଭାଇ ଅନିଲ ଦେବଗନଙ୍କ ପରଲୋକ

6/10/2020 at 6:00 PM

ନୂଆଦିଲ୍ଲୀ ୦୬/୧୦: ବଲିଉଡ ସୁପରଷ୍ଟାର ଅଜୟ ଦେବଗନଙ୍କ ଭାଇ ଅନିଲ ଦେବଗନଙ୍କ ପରଲୋକ ଘଟିଛି। ଗତକାଲି ତାଙ୍କର ପରଲୋକ ହୋଇଥିବା ଖୋଦ୍ ଅଜୟ ସାମାଜିକ ଗଣମାଧ୍ୟମରେ ଏ ଦୁଃଖଦ ସମ୍ବାଦ ସମସ୍ତଙ୍କୁ ଜଣାଇଛନ୍ତି। ସେ ଟ୍ବିଟ୍ କରି କହିଛନ୍ତି ‘କାଲି ରାତିରେ ଅନିଲ ଦେବଗନ ଏ ଦୁନିଆ ଛାଡି ଚାଲିଗଲେ। ତାଙ୍କର ଏଭଳି ଅସମୟ ମୃତ୍ୟୁ ଯୋଗୁ ପୂରା ପରିବାର ଦୁଃଖିତ ।’ କରୋନା ଭାଇରସ ଯୋଗୁ କୌଣସି ବ୍ୟକ୍ତିଗତ ଶୋକସଭା​‌ ଆ​‌ୟୋଜନ ହୋଇ ନାହିଁ।

ତେବେ ତାଙ୍କ ମୃତ୍ୟୁର କାରଣ ଏବେ ସୁଦ୍ଧା ଜଣାପଡ଼ି ନାହିଁ। ମାତ୍ର ଅଜୟଙ୍କ ଏହି ପୋଷ୍ଟ ପରେ ବଲିଉଡକୁ ଶକ୍ତ ଝଟକା ଲାଗିଛି। ୧୯୯୬ରେ ରିଲିଜ ହୋଇଥିବା ଫିଲ୍ମ ‘ଜିତ’ରୁ ଅନିଲ କ୍ୟାରିୟର ଆରମ୍ଭ କରିଥିଲେ। ସେଥିରେ ସେ ଆସିଷ୍ଟାଣ୍ଡ ଡିରେକ୍ଟର ଭାବେ କାମ କରିଥିଲେ। ଏହା ପରେ ଅଜୟ ଦେବଗନଙ୍କ ଏକାଧିକ ଫିଲ୍ମରେ ଆସିଷ୍ଟାଣ୍ଡ ଡିରେକ୍ଟର ଭାବେ କାମ କରିଛନ୍ତି ଅନିଲ। ‘ଜାନ’, ‘ପ୍ୟାର ତୋ ହୋନା ହି ଥା’, ‘ଇତିହାସ’ ଓ ହିନ୍ଦୁସ୍ତାନ କି କସମ’ ଆଦିରେ ଅନିଲ କାମ କରିଛନ୍ତି।

ତେବେ ଫିଲ୍ମ ‘ରାଜୁ ଚାଚା’ରୁ ସେ ନିର୍ଦେଶନାରେ ବିଧିବଦ୍ଧ ଭାବେ ପାଦ ରଖିଥିଲେ। ତାହା ଥିଲା ଦେବଗନ ପ୍ରଡକ୍ସନର ପ୍ରଥମ ଫିଲ୍ମ। ଅନିଲଙ୍କ ନିର୍ଦେଶିତ ଶେଷ ଫିଲ୍ମ ହେଉଛି ‘ହାଲେ-ଦିଲ୍’। ଅଜୟଙ୍କ ଲୋକପ୍ରିୟ ଫିଲ୍ମ ‘ସନ ଅଫ୍ ସର୍ଦାର’ର କ୍ରିଏଟିଭି ନିର୍ଦେଶକ ମଧ୍ୟ ଥିଲେ ଅନିଲ ଦେବଗନ।

   Related Posts