Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୫୦ ନେତାଙ୍କୁ ପ୍ରିୟଙ୍କା ଗାନ୍ଧୀଙ୍କ ଫୋନ୍ : ‘ଆପଣଙ୍କ ଟିକେଟ୍ କନଫର୍ମ୍, ନିର୍ବାଚନ ପାଇଁ ପ୍ରସ୍ତୁତ ହୁଅ’
  • ||
  • ଆଜିଠୁ ବଢିବ ବର୍ଷା, ୧୧ ଜିଲ୍ଲାରେ ପ୍ରବଳ ଛେଚିବ
  • ||
  • ୨୮୬ ବସ୍ତା ପିଡିଏସ ଚାଉଳ ଜବତ, ଚୋରାରେ ବିକ୍ରି ପାଇଁ ଯାଉଥିବା ବେଳେ ଧରିଲେ ଲୋକେ
  • ||
  • ଭୟ ବଢାଉଛି ମୃତ୍ୟୁସଂଖ୍ୟା : ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୩ ଜଣଙ୍କ ଜୀବନ
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୦୩୧ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଜାମ୍ମୁ କାଶ୍ମୀର ସପୋରରେ ଏନକାଉଣ୍ଟର: ଲସ୍କର କମାଣ୍ଡର ସମେତ ୩ ଆତଙ୍କୀ ନିହତ
  • ||
  • ଆମେରିକା-ମେକ୍ସିକୋ ସୀମାରେ ହିଂସାକାଣ୍ଡ, ଦୁର୍ବୃତ୍ତଙ୍କ ଆଖିବୁଜା ଗୁଳିମାଡରେ ୧୮ ମୃତ
  • ||
  • ଆଜି ଅନ୍ତର୍ଜାତୀୟ ଯୋଗ ଦିବସ, ଏବର୍ଷର ଥିମ୍ ‘ୟୋଗା ଫର ୱେଲନେସ୍’
  • ||
  • ଆଜିଠୁ କ୍ୟାମ୍ପେନ୍ ମୋଡ୍‌ରେ ଟିକାକରଣ, ରାଜ୍ୟରେ ଦୈନିକ ୩ ଲକ୍ଷ ଭାକସିନେସନ୍ ଟାର୍ଗେଟ୍
  • ||

ଐଶ୍ୱର୍ଯ୍ୟାଙ୍କୁ କେମିତି ପ୍ରପୋଜ କରିଥିଲେ ଅଭିଷେକ; ଖୁଲାସା କଲେ ଐଶ୍ୱର୍ଯ୍ୟା

3/01/2019 at 3:23 PM

ମୁମ୍ବାଇ ୩/୧ : ଅଭିଷେକ ବଚ୍ଚନଙ୍କୁ ୨୦୦୭ ମସିହା ଏପ୍ରିଲ ୨୦ ତାରିଖ ବିବାହ କରିଥିଲେ ଐଶ୍ୱର୍ଯ୍ୟା ରାୟ | ଅଭିଷେକ ବଚ୍ଚନଙ୍କୁ ଐଶ୍ୱର୍ଯ୍ୟା ବାହା ହେବା କଥା ଜଣାପଡିବା ପରେ ଆଶ୍ଚର୍ଯ୍ୟ ହୋଇଯାଇଥଲେ ଐଶ୍ୱର୍ଯ୍ୟାଙ୍କ ପ୍ରଶଂସକ | ପୂର୍ବତନ ମିସ ୱାର୍ଲଡ ଐଶ୍ୱର୍ଯ୍ୟା ରାୟ ଥିଲେ ସେତେବେଳର ଶ୍ରେଷ୍ଠ ଅଭିନେତ୍ରୀଙ୍କ ମଧ୍ୟରୁ ଜଣେ | ବର୍ତ୍ତମାନ ସମୟରେ ରଣବୀର ସିଂ ଦୀପିକା, ପ୍ରିୟଙ୍କା ନିକଙ୍କ ବିବାହର ଚର୍ଚ୍ଚା ହେଉଥିଲେ ମଧ୍ୟ ବଲିଉଡର ଏହି ଦମ୍ପତ୍ତି ଆଜି ମଧ୍ୟ ଚର୍ଚ୍ଚାରେ ଅଛନ୍ତି |

ନିକଟରେ ହୋଇଥିବା ଫିଲ୍ମ ଫେୟାରର ଏକ ଇଣ୍ଟରଭିୟୁରେ ଐଶ୍ୱର୍ଯ୍ୟାଙ୍କୁ ଅଭିଷେକ କିଭଳି ବିବାହ ପ୍ରସ୍ତାବ ଦେଇଥିଲେ ତାହାର ଖୁଲାସା କରିଥିଲେ ଐଶ୍ୱର୍ଯ୍ୟା | ଫିଲ୍ମ ‘ଗୁରୁ’ର ସୁଟିଂ ବେଳେ ନ୍ୟୁୟର୍କର ହୋଟେଲ ରୁମର ବାଲକନିରେ ଅଭିଷେକ ଐଶ୍ୱର୍ଯ୍ୟାଙ୍କୁ ବିବାହ ପ୍ରସ୍ତାବ ଦେଇଥିଲେ ବୋଲି ଐଶ୍ୱର୍ଯ୍ୟା କହିଥିଲେ | ଯେମିତି ଫିଲ୍ମରେ ହିରୋମାନେ ହିରୋଇନଙ୍କୁ ପ୍ରପୋଜ କରନ୍ତି ଠିକ ସେହିଭଳି ଅଭିଷେକ ଆଣ୍ଠେଇ ବାଲକନିରେ ଐଶ୍ୱର୍ଯ୍ୟାଙ୍କୁ ପ୍ରପୋଜ କରିଥିଲେ | ତେବେ ଐଶ୍ୱର୍ଯ୍ୟା ଅଭିଷେକଙ୍କ ପ୍ରସ୍ତାବକୁ ସ୍ୱୀକାର କରିଥିଲେ |

ସେ ଆହୁରି ଖୁଲାସା କରିଥିଲେ ଯେ, ଏହାପରେ ଫିଲ୍ମ ‘ଯୋଦ୍ଧା ଆକବର’ର ସୁଟିଂ ବେଳେ ଐଶ୍ୱର୍ଯ୍ୟା ଫିଲ୍ମ ସେଟରେ ନିଜକୁ ମଂଗୁଳାକନ୍ୟା ଭଳି ଅନୁଭବ କରିଥିଲେ | ଫିଲ୍ମ ଯୋଦ୍ଧା ଆକବରର ‘ଖ୍ବାଜା ମେରେ ଖ୍ବାଜା’ ଗୀତର ସୁଟିଂ ବେଳେ ଐଶ୍ୱର୍ଯ୍ୟା ଏକ ବାହାଘର କନ୍ୟା ଭଳି ସଜେଇ ହୋଇଥିଲେ |

ସେତେବେଳେ ସେ ଫିଲ୍ମରେ ନିଁହେଁ ବରଂ ସତରେ ବିବାହ ପାଇଁ କନ୍ୟା ଭାବେ ସଜେଇ ହୋଇ ବସିଛନ୍ତି ଭଳି ଅନୁଭବ କରିଥିଲେ ବୋଲି କହିଥିଲେ | ସେତେବେଳେ ଫିଲ୍ମର ନିର୍ଦେଶକ ଆଶୁତୋଷ କହିଥିଲେ ଯେ, ଐଶ୍ୱର୍ଯ୍ୟା କୁଆଡେ ଅନ୍ୟମନସ୍କ ଅଛନ୍ତି | ଏତିକିବେଳେ ଆଶୁତୋଷଙ୍କ କଥା ଶୁଣି ଐଶ୍ୱର୍ଯ୍ୟା ଚମକି ଯାଇଥିଲେ |

ଏହାପରେ ଅଭିଷେକ ଏବଂ ଐଶ୍ୱର୍ଯ୍ୟା ବିବାହ ବନ୍ଧନରେ ବାନ୍ଧି ହୋଇଯାଇଥିଲେ | ଏହି ଦମ୍ପତ୍ତିଙ୍କ ବାହାଘରକୁ ୧୨ ବର୍ଷ ପୂରିଗଲାଣି | ହେଲେବି ଏହି ଦମ୍ପତ୍ତି ଏବଂ ତାଙ୍କର ବାହାଘର ଆଜି ମଧ୍ୟ ଚର୍ଚ୍ଚାରେ ରହିଛି | ଏବେ ଅଭିଷେକ ଏବଂ ଐଶ୍ୱର୍ଯ୍ୟାଙ୍କ ଝିଅ ଆରାଧ୍ୟାକୁ ନେଇ ମଧ୍ୟ ଚର୍ଚ୍ଚା ବହୁତ | 

   Related Posts