Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଗୁରୁବାର ସୁସ୍ଥହେଲେ ରେକର୍ଡ ୮୪୭୧ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୨୪୯ ଡିସଚାର୍ଜ
  • ||
  • ଚାଲିଗଲେ ଆଉ ଜଣେ କଳାକାର, ଅଭିନେତା ପ୍ରିୟ ସୁନ୍ଦର ମିଶ୍ରଙ୍କ ପରଲୋକ
  • ||
  • କୁକୁଡାକୁ ଖାଇଗଲେ ବୁଲା କୁକୁର, ରାଗି ଯାଇ ଗୁଳି କରିଦେଲା ମାଲିକ : ଥାନାରେ ମାମଲା
  • ||
  • ଗୋଆରେ ଏନସିପି-ଶିବସେନାର ହାତ ଛାଡିଦେଲା କଂଗ୍ରେସ, କହିଲା-‘ଆମର ଏକାକି ଜିତିବା କ୍ଷମତା ଅଛି’
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୩ ଲକ୍ଷ ୧୭ ହଜାରରୁ ଅଧିକ କରୋନା ପଜିଟିଭ୍, ୪୯୧ ମୃତ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୦୧କୁ ବୃଦ୍ଧି
  • ||
  • ରାଜ୍ୟରେ ପୁଣି ୧୦ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୦୩୬୮ କୋଭିଡ୍ ପଜିଟିଭ୍, ୧୧୭୭୪୬୨ରେ ପହଞ୍ଚିଲା ସଂଖ୍ୟା
  • ||
  • କ୍ୟାପ୍ଟେନ୍ ନୁହେଁ କିନ୍ତୁ ଜୋଶ୍ ଏବେବି ଅଛି : ଦକ୍ଷିଣ ଆଫ୍ରିକା ଅଧିନାୟକଙ୍କ ସହ ମୁହାଁମୁହିଁ ହେଲେ କୋହଲି
  • ||
  • ପ୍ରଚାର ବେଳେ ବିଜେପି ପ୍ରାର୍ଥୀ ହଟହଟା, ତଡିଦେଲେ ଗାଁ ଲୋକେ
  • ||
  • ଚୌଦ୍ୱାର ସୁନା ବ୍ୟବସାୟୀଙ୍କୁ ଗୁଳିମାଡ ଓ ଲୁଟ୍ ଘଟଣା : ଉଚ୍ଚସ୍ତରୀୟ ତଦନ୍ତ ନିର୍ଦ୍ଦେଶ ଦେଲେ ଡିସିପି
  • ||

ଏୟାର ଷ୍ଟ୍ରାଇକ : ମଦ୍ରାସାର ଛାତ୍ର କହିଥିଲା ରାତିରେ ହୋଇଥିଲା ବଡ ଧମାକା, ପାକିସ୍ତାନୀ ସେନା ସେମାନଙ୍କୁ କରିଥିଲେ ରକ୍ଷା

5/03/2019 at 3:40 PM

ଦିଲ୍ଲୀ ୫/୩ : ଫେବୃଆରୀ ୨୬ ତାରିଖରେ ଭାରତୀୟ ବାୟୁସେନା ପାକିସ୍ତାନ ଵାଲାକୋଟରେ ଏୟାର ଷ୍ଟ୍ରାଇକ କରିଥିଲେ | ଏୟାର ଷ୍ଟ୍ରାଇକର କିଛି ଘଣ୍ଟା ପରେ ପାକିସ୍ତାନୀ ସେନା ଜୈସ-ଏ-ମହମ୍ମଦର ମଦ୍ରାସା ଛାତ୍ରଙ୍କୁ ସେଠାରୁ ବାହାରକୁ ବାହାର କରି ସୁରକ୍ଷିତ ସ୍ଥାନକୁ ନେଇଯାଇଥିଲା | ଘଟଣାର କିଛି ଦିନ ପରେ ଛାତ୍ରଙ୍କୁ ନିଜ ନିଜ ଘରକୁ ପଠାଇ ଦିଆଯାଇଥିଲା | ଇଣ୍ଡିଆନ ଏକ୍ସପ୍ରେସ ରିପୋର୍ଟ ଅନୁଯାୟୀ, ରକ୍ଷା କରାଯାଇଥିବା ଜଣେ ଛାତ୍ରର ସମ୍ପର୍କୀୟ କହିଥିଲେ ଯେ, ପାକିସ୍ତାନୀ ସେନା ଏୟାର ଷ୍ଟ୍ରାଇକ ଆକ୍ରମଣର ଗୋଟିଏ ସପ୍ତାହ ପୂର୍ବରୁ ଜୈସ କ୍ୟାମ୍ପକୁ ସୁରକ୍ଷା ପ୍ରଦାନ କରିବ ସହ ତା’ ଉପରେ କଡା ନଜର ରଖିଥିଲା |


ଛାତ୍ର ନିଜ ଘରଲୋକଙ୍କୁ କହିଛି ଯେ, ଫେବୃଆରୀ ୨୬ ତାରିଖ ଏକ ଭୟଙ୍କର ଦିନ ଥିଲା | ସେ ଏବଂ ତାର ଆଉ ଜଣେ ସାଥୀ ଶୋଇଥିଲେ | ସେତେବେଳେ ଏକ ବଡ ଧମାକା ହୋଇଥିଲା | ଧମାକା ଶବ୍ଦ ଶୁଣି ସମସ୍ତେ ଉଠି ଯାଇଥିଲେ | ଶବ୍ଦ ବହୁତ ପାଖରୁ ଆସିଥିଲା ବୋଲି କହିଥିଲା ଛାତ୍ର | ସେମାନେ ଡରିଯାଇ ଉଠିଗଲେ କିନ୍ତୁ ସଂଗେ ସଂଗେ ପୁଣି ଏକ ଧମାକା ଶବ୍ଦ ଶୁଣିବାରୁ ସେମାନେ ଡରିଯାଇ ଶୋଇପଡିଲେ | ସେମାନେ ଭାବିଲେ କିଛି ଧମାକା ନୁହେଁ ବରଂ ସେମାନେ ଭୁଲ ବଶତଃ କଣ ଶୁଣିଲା ଭଳି ଅନୁଭବ କରିଛନ୍ତି | ନଚେତ ଭୂମିକମ୍ପ ହୋଇଥିବା ବୋଲି ଭାବିଥିଲେ ଛାତ୍ରମାନେ |


ଛାତ୍ରର ସମ୍ପର୍କୀୟ କହିଛନ୍ତି ଯେ, ସେତେବେଳେ ସକାଳର ନମାଜ ପଢିବା ସମୟ ଥିଲା | ଛାତ୍ରମାନେ ଯେତେବେଳେ ଧମାକା ଶୁଣି ଉଠିବା ପରେ ପୁଣି ଶୋଇପଡ଼ିଥିଲେ, ସେତେବେଳେ ପାକିସ୍ତାନୀ ସେନା ସେମାନଙ୍କୁ ସେ ଜାଗା ଖାଲି କରିବାକୁ କହିଥିଲେ | ପାକିସ୍ତାନୀ ସେନା ସେମାନଙ୍କୁ ଅନ୍ୟ ଜାଗାକୁ ସ୍ଥାନାନ୍ତର କରିଥିଲେ | ସେଠାରେ ସେମାନଙ୍କୁ ୨/୩ ଦିନ ରଖାଯିବ ବୋଲି କହିଥିଲେ | ତେବେ ପାକିସ୍ତାନୀ ସେନା ଛାତ୍ରମାନଙ୍କୁ ନେଇ କେଉଁ ଜାଗାରେ ରଖିଥିଲେ ସେ ସମ୍ପର୍କରେ ସେମାନେ କିଛି ଜାଣିନଥିଲେ | ଛାତ୍ର ଜଣକ କହିଛି ଯେ, ମଦ୍ରାସାରେ ବହୁତ ଲୋକ ଉପସ୍ଥିତ ଥିଲେ କିନ୍ତୁ ସମସ୍ତଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଇନଥିଲା | କେବଳ ସେହି ଛାତ୍ର ଏବଂ ତା’ ବୟସର ଅନ୍ୟ ବାଳକଙ୍କୁ ସ୍ଥାନାନ୍ତର କରାଯାଇଥିଲା | ମଦ୍ରାସାରେ ଉପସ୍ଥିତ ଥିବା ଅନ୍ୟମାନେ କୁଆଡେ ଗଲେ ସେ ସମ୍ପର୍କରେ ଛାତ୍ର କିଛି ଜାଣିନଥିବା କହିଛି |


ଛାତ୍ର ନିଜ ଘର ଲୋକଙ୍କୁ କହିଥିଲା ଯେ, ଏୟାର ଷ୍ଟ୍ରାଇକର କିଛି ଦିନ ପୂର୍ବରୁ ମଦ୍ରାସାରେ ସେନା ମୃତୟନ ଥିଲେ | ସେନା ମଦ୍ରାସାର ସୁରକ୍ଷା ପାଇଁ ସେଠାରେ ନିୟୋଜିତ ଅଛନ୍ତି ବୋଲି କହିଥିଲେ | କାରଣ ମଦ୍ରାସାର ଫଟୋ ଲିକ ହୋଇଯାଇଛି ଏବଂ ଯେକୌଣସି ସମୟରେ ସେଠାରେ ଆକ୍ରମଣ ହୋଇପାରେ | ସୁରକ୍ଷିତ ସ୍ଥାନରେ ଛାତ୍ରମାନଙ୍କୁ ୨/୩ ଦିନ ରଖିବା ପରେ ସେମାନଙ୍କୁ ନିଜ ନିଜ ଘରକୁ ଯିବାକୁ କୁହାଯାଇଥିଲା |

   Related Posts