Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜବେଷ୍ଟସ୍ ଭାଙ୍ଗି ଦୋକାନରୁ ଚୋରି କରୁଥିଲେ ୨ ସିକ୍ୟୁରିଟି ଗାର୍ଡ, ଧରିଦେଲେ ଗାଁ ଲୋକେ
  • ||
  • ଭିଜିଲାନ୍ସ ନିର୍ଦ୍ଦେଶକଙ୍କ ବିୟୋଗରେ ଶୋକ ପ୍ରକାଶ କଲେ କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ଘରୁ ଉଠାଇ ନେଇ ନାବାଳିକାଙ୍କୁ ଦୁଷ୍କର୍ମ, ୨ ଗିରଫ
  • ||
  • ଆଖିବୁଜିଲେ ଫ୍ଲାଇଂ ଶିଖ୍ ତଥା କିମ୍ୱଦନ୍ତୀ ଧାବକ ମିଲଖା ସିଂହ
  • ||
  • ବରିଷ୍ଠ ଆଇପିଏସ୍‌ ଅଧିକାରୀ ତଥା ରାଜ୍ୟ ଦୁର୍ନୀତି ନିବାରଣ ବିଭାଗର ନିର୍ଦ୍ଦେଶକ ଦେବାଶିଷ ପାଣିଗ୍ରାହୀଙ୍କର ପରଲୋକ
  • ||
  • ବିରୋଧ ପରେ ବାଟକୁ ଆସିଲା ହକି ଇଣ୍ଡିଆ, ଦିଲ୍ଲୀପ ତିର୍କୀ ଆଡହକ୍ କମିଟିର ଚେୟାରମାନେ ଭାବେ ନିଯୁକ୍ତ
  • ||

ଆକାଶମାର୍ଗରେ ଅଚଳ ହୋଇଗଲା ଏୟାର ଇଣ୍ଡିଆ ବିମାନ ; ବର୍ତ୍ତିଗଲେ ୩୭୦ ଯାତ୍ରୀ

18/09/2018 at 1:34 PM

ନ୍ୟୁୟର୍କ ୧୮|୯: ଦୁର୍ଘଟଣାରୁ ଅଲ୍ପକେ ବର୍ତ୍ତି ଯାଇଛି ଏୟାର ଇଣ୍ଡିଆର ଏକ ଅନ୍ତର୍ଜାତୀୟ ବିମାନ । ବିମାନର ଆକାଶ ମାର୍ଗରେ ଥିବା ବେଳେ ଯାନ୍ତ୍ରିକ ବ୍ୟବସ୍ଥା ଅଚଳ ହେବା ଏବଂ ଇନ୍ଧନ ସରିଯିବା ଯୋଗୁଁ ଦୁର୍ଘଟଣା ଘଟିବା ପ୍ରାୟ ନିଶ୍ଚିତ ଥିଲା । ନ୍ୟୁୟର୍କ ଏୟାର ଟ୍ରାଫିକ୍‌ କଣ୍ଟ୍ରୋଲ୍‌ (ଏଟିସି)କୁ ସୂଚନା ମିଳିବା ପରେ ବିମାନଟି ଦୁର୍ଘଟଣାରୁ ବର୍ତ୍ତିଯାଇଛି। ଫଳରେ ବିମାନରେ ଥିବା ୩୭୦ ଯାତ୍ରୀ ମୃତ୍ୟୁମୁଖରୁ ବର୍ତ୍ତି ଯାଇଛନ୍ତି ।

ସୂଚନା ଅନୁସାରେ, ଗତ ୧୧ତାରିଖରେ ଏୟାର ଇଣ୍ଡିଆର ଏଆଇ-୧୦୧ ବିମାନ ୩୭୦ ଯାତ୍ରୀଙ୍କୁ ନେଇ ନୂଆଦିଲ୍ଲୀରୁ ଆମେରିକାର ବୋଷ୍ଟନ୍ ସ୍ଥିତ ବ୍ରାଡ୍‌ଲି ଇଣ୍ଟରନ୍ୟାସ୍‌ନାଲ୍‌ ଏୟାରପୋର୍ଟ ଅଭିମୁଖେ ଉଡାଣ କରିଥିଲା। ମାତ୍ର ବିମାନବନ୍ଦରଠାରୁ ଅନେକ ଦୂରରେ ଥିବା ବେଳେ ଯାନ୍ତ୍ରିକ ତ୍ରୁଟି ସହ ବିମାନର ଇନ୍ଧନ ସରିଆସିଥିଲା । ଏହି ସମୟରେ ନ୍ୟୁୟର୍କ ଏୟାର ଟ୍ରାଫିକ୍ କଣ୍ଟ୍ରୋଲ (ଏଟିସି) ନିକଟକୁ ସୂଚନା ଆସିଥିଲା । “ପାଗ ଖରାପ ଅଛି ଏବଂ ଇନ୍ଧନ ସରିବାକୁ ଲାଗିଲାଣି, ଆମେ ସଂପୂର୍ଣ୍ଣ ଭାବେ ଫସିଗଲୁଣି।” ଏଭଳି ସୂଚନା ଦେଇଥିଲେ ଏୟାର ଇଣ୍ଡିଆର ଦିଲ୍ଲୀ-ନ୍ୟୁୟର୍କ ବିମାନ ଏଆଇ-୧୦୧ର ପାଇଲଟ୍ ରୁସ୍ତମ ପାଲିୟା । ଏହି ସୂଚନା ପାଇବା ପରେ ଏକ ପ୍ରକାର ହଇଚଇ ଖେଳିଯାଇଥିଲା । ଏହି ବିମାନରେ ଥିଲେ ୩୭୦ ଯାତ୍ରୀ । ପାଗ ବହୁତ ଖରାପ ଥିଲା । ବିମାନର ଇନ୍ଧନ ମଧ୍ୟ ସରିବାକୁ ଲାଗିଥିଲା । ବିମାନର ସିଷ୍ଟମ୍ ଫେଲ୍ ହୋଇଯାଇଥିଲା । ଓ୍ବିଣ୍ଡସ୍ପିୟର ସିଷ୍ଟମ, ଅଟୋ ସ୍ପିଡ୍ ବ୍ରେକ୍ କାମ କରୁନଥିଲା ଏବଂ ସହାୟକ ପାଓ୍ବାର ୟୁନିଟ୍ ମଧ୍ୟ ଚାଲୁନଥିଲା । ଏଭଳି ସ୍ଥିତିରେ ପାଇଲଟ୍ ଦୁଇ ଥର କେନିଡି ବିମାନବନ୍ଦରରେ ବିମାନକୁ ଅବତରଣ କରିବାକୁ ଚେଷ୍ଟା କରିଥିଲେ । ମାତ୍ର ଏଥିରେ ସେ ସଫଳ ହୋଇପାରିନଥିଲେ । ଆକାଶ ମାର୍ଗରେ ପ୍ରାୟ ୩୮ମିନିଟ୍ ପର୍ଯ୍ୟନ୍ତ ଅଚଳ ଅବସ୍ଥାରେ ଉଡିଥିଲା ବିମାନ । ୩୮ମିନିଟ୍ ପରେ ନ୍ୟୁୟର୍କ ଏୟାର ଟ୍ରାଫିକ୍ କଣ୍ଟ୍ରୋଲ ସହ ଯୋଗାଯୋଗ ପରେ ନେଓ୍ବାର୍କ ବିମାନବନ୍ଦରରେ ବିମାନଟିକୁ ଅବତରଣ କରାଯାଇଥିଲା। ଏୟାର ଇଣ୍ଡିଆ କହିଛି ଯେ, ବହୁତ ଜଟିଳ ପରିସ୍ଥିତିରେ ପାଇଲଟ୍ ବିମାନଟିକୁ ଅବତରଣ କରାଇଥିଲେ । ଏଭଳି ସ୍ଥିତିରେ ନିଜର ଉପସ୍ଥିତି ବୁଦ୍ଧି ଖଟାଇ ସେ ବିମାନଟିକୁ ଅବତରଣ କରାଇବାରେ ସଫଳ ହୋଇଥିଲେ । ଏହା ତାଙ୍କ ଜୀବନର ସବୁଠାରୁ ବିପଦପୂର୍ଣ୍ଣ ଯାତ୍ରା ଥିଲା ବୋଲି ପାଇଲଟ୍ ରୁସ୍ତମ କହିଛନ୍ତି ।

   Related Posts