ନୂଆଦିଲ୍ଲୀ, ୧୮|୦୪: ଆସନ୍ତା ମେ’ ମାସ ୪ ତାରିଖରେ ଦେଶରେ କିଛି ରୁଟରେ ଘରୋଇ ବିମାନ ସେବା ଆରମ୍ଭ ହେବ । ସେହିପରି ଜୁନ ୧ରୁ ଅନ୍ତରାଷ୍ଟ୍ରୀୟ ବିମାନ ସେବା ଆରମ୍ଭ ହେବ ବୋଲି ଶନିବାର କହିଛି ଏୟାର ଇଣ୍ଡିଆ ।ଏଥିପାଇଁ ବୁକିଂ ମଧ୍ୟ ଆରମ୍ଭ ହୋଇଛି ।
ଏୟାର ଇଣ୍ଡିଆ କହିଛି ଯେ, କରୋନା ଭାଇରସ ସଂକ୍ରମଣ ପାଇଁ ମେ ମାସ ୩ ତାରିଖ ଯାଏଁ ଲକଡାଉନର ଅବଧିକୁ ସରକାର ବୃଦ୍ଧି କରିଛନ୍ତି । ବିଶ୍ୱରେ ମଧ୍ୟ କରୋନାର ଆତଙ୍କ ଜାରି ରହିଛି । ତେଣୁ ୩ ତାରିଖ ଯାଏଁ ସମସ୍ତ ଘରୋଇ ବିମାନ ଉଡାଣ ଉପରେ ରୋକ ଲାଗିଛି । ସେହିପରି ମେ ୩୧ ଯାଏଁ ଅନ୍ତରାଷ୍ଟ୍ରୀୟ ବିମାନ ଚଳାଚଳ ମଧ୍ୟ ବାତିଲ ରହିଛି ।
କେତେକ ନିର୍ଦ୍ଦିଷ୍ଟ ଘରୋଇ ରୁଟରେ ମେ ୪ରୁ ବିମାନ ଚଳାଚଳ କରିବ । ସେହିପରି ଜୁନ ୧ରୁ ଅନ୍ତରାଷ୍ଟ୍ରୀୟ ବିମାନ ଚଳାଚଳ କରିବା ବୋଲି କମ୍ପାନୀ ନିତ ଓ୍ୱେବସାଇଟରେ କହିଛି ।
ମାର୍ଚ ୨୫ ତାରିଖରୁ ଦେଶରେ ଲକଡାଉନ ଜାରି ରହିଛି । ଏହାକୁ ପ୍ରଥମେ ଏପ୍ରିଲ ୧୪ ଯାଏଁ କରାଯାଇଥିଲା । କିନ୍ତୁ ପରେ ଏହାକୁ ମେ ୩ ଯାଏଁ ଘୁଞ୍ଚାଇ ଦିଆଯାଇଛି । ଏନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଘୋଷଣା କରିଥିଲେ । ଏହି ସମୟରେ ସମସ୍ତ ବିମାନ ଚଳାଚଳ ଉପରେ ରୋକ ଲାଗିଥିଲା ।