Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଟିକାକରଣ ଏକ କୋଟି ପାର, ଶୁଭେଚ୍ଛା ଜଣାଇଲା ସ୍ବାସ୍ଥ୍ୟ ବିଭାଗ
  • ||
  • ରାଜ୍ୟରେ ଦିନକରେ ସୁସ୍ଥ ହେଲେ ୪୫୮୭ କରୋନା ଆକ୍ରାନ୍ତ , ଖୋର୍ଦ୍ଧାରୁ ସର୍ବାଧିକ ୬୭୧ ଡିସଚାର୍ଜ
  • ||
  • ଜୁନ ୨୪ରେ ବୈଠକ ଡାକିଲେ କଂଗ୍ରେସ ହାଇକମାଣ୍ଡ ସୋନିଆ ଗାନ୍ଧି, ଦଳୀୟ କନ୍ଦଳ ନେଇ ହେବ ମାନସମନ୍ଥନ
  • ||
  • ଭଦ୍ରକ : ବ୍ରାଉନସୁଗାର ସେବନକୁ ବିରୋଧ କରିବାରୁ ମାରଣାସ୍ତ୍ର ଧରି ଗୋଡାଇଲେ ଯୁବକ, ୩ ଗିରଫ, ୧୦ ଗ୍ରାମ ବ୍ରାଉନସୁଗାର ଜବତ
  • ||
  • ଭୁବନେଶ୍ବର : କୋଭିଡ୍ ଦ୍ବାରା କ୍ଷତିଗ୍ରସ୍ତ ଅନେକ ଅର୍ଗାନ୍ ରହୁନି ସୁରକ୍ଷିତ – ଡିଏମଇଟି
  • ||
  • ୫୦ ନେତାଙ୍କୁ ପ୍ରିୟଙ୍କା ଗାନ୍ଧୀଙ୍କ ଫୋନ୍ : ‘ଆପଣଙ୍କ ଟିକେଟ୍ କନଫର୍ମ୍, ନିର୍ବାଚନ ପାଇଁ ପ୍ରସ୍ତୁତ ହୁଅ’
  • ||
  • ଇଟ୍ଟାନଗର : ପୁଣି ଥରିଲା ଅରୁଣାଞ୍ଚଳ ପ୍ରଦେଶ, ଇଟ୍ଟାନଗରରେ ଭୂକମ୍ପ ଝଟ୍‌କା
  • ||
  • ଭୁବନେଶ୍ବର : କେନ୍ଦ୍ର ସରକାରଙ୍କ ନୂଆ ଗାଇଡ୍ ଲାଇନ୍ ଅନୁଯାୟୀ ବ୍ୟବହାର ହେବ ଷ୍ଟେରଏଡ୍ – ନିରଞ୍ଜନ ମିଶ୍ର
  • ||
  • ଭୁବନେଶ୍ବର : ଦ୍ବିତୀୟ ଲହର ଅପେକ୍ଷା ତୃତୀୟ ଲହର ପ୍ରଭାବ କମ୍, ତଥାପି ଜୋରଦାର କରିବାକୁ ପଡିବ ଟିକାକରଣ – ଜନସ୍ବାସ୍ଥ୍ୟ ନିର୍ଦ୍ଦେଶକ
  • ||
  • ପାଟଣା : ଘରେ ଶୋଇଥିବା ବେଳେ କାମୁଡିଦେଲା ସାପ, ଚାଲିଗଲା ମହିଳାଙ୍କ ଜୀବନ
  • ||

ଏୟାର ଇଣ୍ଡିଆର ମ୍ୟାନେଜର ୩ମାସ ହେବ ନିଖୋଜ ; ଲକ୍ଷେ ଟଙ୍କାର ପୁରସ୍କାର ଘୋଷଣା କଲେ ପରିବାରଲୋକ

16/01/2019 at 11:36 AM

ଦିଲ୍ଲୀ ୧୬|୧: ଦିଲ୍ଲୀରୁ ନିଖୋଜ ହୋଇଥିବା ଏୟାର ଇଣ୍ଡିଆର ଜଣେ ମହିଳା ମ୍ୟାନେଜରଙ୍କର ତିନି ମାସ ହେବ କୌଣସି ଖୋଜ ଖବର ମିଳୁନାହିଁ । ନିଖୋଜ ମହିଳାଙ୍କ ନାମ ସୁଲକ୍ଷଣା ନରୁଲା । ମହିଳାଙ୍କ ବିଷୟରେ ସୂଚନା ଦେଲେ ତାଙ୍କୁ ୧ଲକ୍ଷ ଟଙ୍କାର ପୁରସ୍କାର ରାଶି ଦେବାକୁ ପରିବାରଲୋକ ଘୋଷଣା କରିଛନ୍ତି । ମହିଳାଙ୍କ ନିଖୋଜ ନେଇ ଦିଲ୍ଲୀ ଚାଣକ୍ୟପୁରୀ ଥାନାରେ ମାମଲା ମଧ୍ୟ ଦାୟର ହୋଇଛି ।

ମହିଳାଙ୍କ ପୁଅ ଦେଇଥିବା ସୂଚନା ଅନୁସାରେ ପ୍ରାୟ ଶହେ ଦିନ ହେବ ପଣ୍ଡାରା ରୋଡ୍ ସ୍ଥିତ ତାଙ୍କ ଘରୁ ମହିଳା ଜଣଙ୍କ କେଉଁଆଡେ ଚାଲିଯାଇଛନ୍ତି । ରିପୋର୍ଟ ଅନୁସାରେ ୩୦ ସେପ୍ଟେମ୍ବରରେ ସଂପୃକ୍ତ ମହିଳା ତାଙ୍କ ପୁଅଙ୍କୁ କହିକି ଯାଇଥିଲେ ଯେ, ସେ ବାହାରେ ଟିକେ ଚାଲିବା ପାଇଁ ଯାଉଛନ୍ତି । ମାତ୍ର ୫ମିନିଟ୍ ପରେ ପୁଅ ମାଆଙ୍କୁ ଦେଖିବାକୁ ଗଲେ ତ ବାହାରେ ମାଙ୍କୁ ପାଇନଥିଲେ । ଏହା ପରଠାରୁ ସେ ଘରକୁ ଆଉ ଫେରିନାହାନ୍ତି । ଶେଷଥର ପାଇଁ ମହିଳାଙ୍କ ଫଟୋ ପଣ୍ଡାରା ରୋଡ୍ ସ୍ଥିତ ଏକ ସ୍କୁଲର ସିସିଟିଭି କ୍ୟାମେରାରେ ଦେଖିବାକୁ ମିଳିଥିଲା ।

ଏବେ ମହିଳାଙ୍କ ପରିବାର ପକ୍ଷରୁ ତାଙ୍କ ବିଷୟରେ ସୂଚନା ଦେବା ଲୋକଙ୍କୁ ଏକ ଲକ୍ଷ ଟଙ୍କାର ପୁରସ୍କାର ରାଶି ଦେବାକୁ ଘୋଷଣା କରିଛନ୍ତି । ଚାଣକ୍ୟପୁରୀ ପୋଲିସ ନିଖୋଜ ମାମଲା ଦାୟର କରି ଖୋଜାଖୋଜି ଚଳାଇଛନ୍ତି । ମାତ୍ର ଘଟଣାକୁ ୩ମାସରୁ ଅଧିକ ହେବ ହୋଇଯାଇଥିଲେ ମଧ୍ୟ ତାଙ୍କର କୌଣସି ସନ୍ଧାନ ମିଳିନଥିବାକୁ ପରିବାରଲୋକ ଚିନ୍ତାରେ ରହିଛନ୍ତି ।

ଦିଲ୍ଲୀ ପୋଲିସର ଏଭଳି ଦାୟିତ୍ବହୀନତା କାର୍ଯ୍ୟକଳାପ ପାଇଁ ସହରରେ ଅସନ୍ତୋଷ ଦେଖାଦେଉଛି । ଏହା ପୂର୍ବରୁ ରାଜଧାନୀ ଦିଲ୍ଲୀରେ ଜଣେ ବ୍ୟକ୍ତି ଦୁର୍ଘଟଣାରେ ମୃତ୍ୟୁ ହୋଇଥିବା ତାଙ୍କ ଭଉଣୀଙ୍କ ସମ୍ବନ୍ଧରେ ସୂଚନା ପାଇବା ପାଇଁ ଦିଲ୍ଲୀର ଗଳିକନ୍ଦିରେ ତାଙ୍କର ପୋଷ୍ଟର ଲଗାଇଛନ୍ତି । ତାଙ୍କ ଭଉଣୀଙ୍କର କେଉଁ ପରିସ୍ଥିତିରେ ମୃତ୍ୟୁ ହୋଇଛି ତାହା ଜାଣିବା ପାଇଁ ସେ ଏଭଳି କରିଛନ୍ତି ।

   Related Posts