Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଟେଷ୍ଟ ପରେ ଓ୍ବାନ୍‌ ଡେ’ ସିରିଜ୍‌ କବ୍‌ଜା କଲା ଦକ୍ଷିଣ ଆଫ୍ରିକା, ଦ୍ବିତୀୟ ଦିନିକିଆରେ ଟିମ୍‌ ଇଣ୍ଡିଆ ୭ ଓ୍ବିକେଟରେ ଧରାଶୟୀ, ଭାରତ ୨୮୭/୬(୫୦ ଓଭର), ଦକ୍ଷିଣ ଆଫ୍ରିକା ୨୮୮/୩ (୪୮.୧ଓଭର)
  • ||
  • ରାଜ୍ୟରେ ଶୁକ୍ରବାର ସୁସ୍ଥହେଲେ ୧୦,୩୯୦ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୬୧୦ଜଣ ଡିସଚାର୍ଜ
  • ||
  • ହରଭଜନ ସିଂହ କରୋନା ଆକ୍ରାନ୍ତ, ନିଜକୁ କଲେ ଆଇସୋଲେଟ୍‌
  • ||
  • ଚୋରା ବାଲି କାରବାରରୁ ହତ୍ୟା, ଶ୍ରମିକଙ୍କ ଉପରେ ଚଢାଇଦେଲେ ଟ୍ରାକ୍ଟର !
  • ||
  • ରାଜ୍ୟରେ ୧୦ ହଜାର ତଳକୁ ଖସିଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୯୮୩୩ କୋଭିଡ୍ ପଜିଟିଭ୍, ୧୧୮୭୨୯୫ରେ ପହଞ୍ଚିଲା ସଂଖ୍ୟା
  • ||
  • ରାଶିବାଡ ଘାଟିରେ ଓଲଟିଲା ଇସପାତ୍, ୮ ଗୁରୁତର
  • ||
  • ଶୁକ୍ରବାରଠୁ ଲିଭିବ ଅମର ଯବାନ ଜ୍ୟୋତି : ୫୦ ବର୍ଷ ତଳେ ଶୁଭାରମ୍ଭ କରିଥିଲେ ଇନ୍ଦିରା ଗାନ୍ଧୀ
  • ||
  • ଟି୨୦ ବିଶ୍ୱକପ୍ : ଖେଳସୂଚୀ ଜାରି କଲା ଆଇସିସି, ଏହି ତାରିଖରେ ଭାରତ-ପାକିସ୍ତାନ ମହା ମୁକାବିଲା
  • ||
  • ଦ୍ୱିତୀୟ ଦିନିକିଆରେ କମ୍ ବ୍ୟାକ୍ କରିବ ଟିମ୍ ଇଣ୍ଡିଆ ! ଦକ୍ଷିଣ ଆଫ୍ରିକା ବିପକ୍ଷରେ ସିରିଜ୍ ବରାବର ଲକ୍ଷ୍ୟ
  • ||

Corona virus: ଉହାନରୁ ଭାରତୀୟଙ୍କ ଉଦ୍ଧାର ଲାଗି ଦିଲ୍ଲୀରୁ ଉଡିଲା Air India ବିମାନ,ସାଙ୍ଗରେ ଯାଇଛନ୍ତି ୫ଜଣିଆ ଡାକ୍ତରଙ୍କ Team

31/01/2020 at 6:10 PM

ନୂଆଦିଲ୍ଲୀ ୩୧।୧: ଚୀନର କରୋନା ଭାଇରସ ସଂକ୍ରମିତ ଅଞ୍ଚଳ ଉହାନରେ ଫଶି ରହିଥିବା ଭାରତୀୟଙ୍କ ଉଦ୍ଧାର ଲାଗି ଶୁକ୍ରବାର ଦିଲ୍ଲୀରୁ ଏୟାର ଇଣ୍ଡିଆ ବିମାନ ଉଡାଣ କରିଛି। ଏଥିଲାଗି ୪୨୩ ସିଟର ବି-୭୪୭ ବିମାନକୁ ଚୀନ ପଠାଯାଇଥିବା ବେଳେ ଏଥିରେ ରାମମନୋହର ଲୋହିଆ ହସ୍ପିଟାଲର ୫ ଡାକ୍ତର ଓ ଜଣେ ପାରାମେଡିକାଲ କର୍ମଚାରୀ ମଧ୍ୟ ଯାଇଛନ୍ତି।

ଅଧିକାରୀମାନଙ୍କ ସୂଚନା ଅନୁସାରେ ଏଥିରେ ୪୦୦ ଭାରତୀୟଙ୍କ ପ୍ରତ୍ୟାବର୍ତ୍ତନ ଆଶା କରାଯାଉଛି। ଶନିବାର ମଧ୍ୟାହ୍ନ ଗୋଟାଏରୁ ୨ଟା ସୁଧା ବିମାନ ଚୀନରୁ ଫେରିବ। ଏୟାର ଇଣ୍ଡିଆର ମୁଖପାତ୍ରଙ୍କ ଅନୁସାରେ ଉହାନରୁ ବାକି ଭାରତୀୟଙ୍କ ଉଦ୍ଧାର ଲାଗି ହୁଏତ ଶନିବାର ମଧ୍ୟ ଏକ ବିମାନ ଚୀନ ପଠାଯାଇପାରେ।

କ୍ୟାପ୍ଟେନ ଅମିତାଭ ସିଂହ ନେଇଛନ୍ତି ଏୟାର ଲିଫ୍ଟର ନେତୃତ୍ୱ
ଚୀନର କରୋନା ଭାଇରସ ସଂକ୍ରମିତ ଅଞ୍ଚଳରୁ ଭାରତୀୟଙ୍କ ଉଦ୍ଧାର ଲାଗି ସମ୍ପୂର୍ଣ୍ଣ ଅଭିଯାନର ନେତୃତ୍ୱ ନେଇଛନ୍ତି ଏୟାର ଇଣ୍ଡିଆର ନିର୍ଦ୍ଦେଶକ (ସଞ୍ଚାଳନ) କ୍ୟାପ୍ଟେନ୍ ଅମିତାଭ ସିଂହ। ବିମାନରେ ଡାକ୍ତର, ପାରାମେଡିକାଲ କର୍ମଚାରୀଙ୍କ ସହ ଇଞ୍ଜିନିୟ ଓ ସୁରକ୍ଷା ଟିମ୍ ମଧ୍ୟ ଯାଇଛନ୍ତି। ଏହି ସୂଚନା ଦେଇଛନ୍ତି ଏୟାର ଇଣ୍ଡିଆ ମୁଖପାତ୍ର। ସେ କହିଛନ୍ତି ଯେ ବିମାନରେ ୫ ଜଣିଆ ଚାଳକ ଦଳ ସଦସ୍ୟ ଥିବା ବେଳେ ୧୫ କ୍ର୍ୟୁ ମେମ୍ବର ବି ଅଛନ୍ତି।

ଯାତ୍ରୀଙ୍କୁ ମିଳିବନି ବିମାନରେ ସେବା
ତେବେ ଚୀନରୁ ଏୟାରଲିଫ୍ଟ ଲାଗି ଯାଇଥିବା ବିମାନରେ ସାଧାରଣ ଯାତ୍ରା ବେଳେ ଯେପରି ସର୍ଭିସ ଯୋଗାଇ ଦିଆଯାଏ ସେପରି କିଛି ସର୍ଭିସ ଉପଲବ୍ଧ ହେବନି ବୋଲି ଏୟାର ଇଣ୍ଡିଆର ଚେୟାରମ୍ୟାନ୍ ତଥା ପରିଚାଳନା ନିର୍ଦ୍ଦେଶକ ଅଶ୍ୱିନୀ ଲୋହାନୀ କହିଛନ୍ତି। ଯାତ୍ରାବେଳେ ଯାତ୍ରୀ ଭୋଜନରେ ଯାହା ଆବଶ୍ୟକ କରନ୍ତି ସେ ସବୁ ସିଟ୍‌ର ପକେଟ୍‌ରେ ରଖିଦିଆଯିବ। ବିମାନରେ ଚାଳକ ଦଳ ଓ କ୍ର୍ୟୁ ମେମ୍ବରଙ୍କ ଲାଗି ମାସ୍କ ଓ ଗ୍ଲୋବସ୍‌ର ବ୍ୟବସ୍ଥା ହୋଇଛି। ଏହା ଛଡା ସେମାନଙ୍କ ଲାଗି ପୂର୍ଣ୍ଣ ସୁରକ୍ଷା ଗିୟର ବି ଦିଆଯାଇଛି।

ବିମାନରେ ଯାଇଛି ପ୍ୟାକ୍‌ଡ ଫୁଡ
ବିମାନରେ ଡାକ୍ତରୀ ଦଳ, ପାରାମେଡିକାଲ ଟିମ ଓ ବିମାନ କର୍ମଚାରୀଙ୍କ ସମେତ ଯାତ୍ରୀଙ୍କ ନିମନ୍ତେ ନିଶ୍ଚିତ ଔଷଧ ସମେତ ପ୍ୟାକଡ୍ ଫୁଡ ରଖି ଦିଆଯାଇଛି। ଏହା ଛଡା ମାସ୍କ ଏବଂ ଓଭର କୋଟ୍ ବି ପ୍ରଦାନ କରାଯାଇଛି। ସଂକ୍ରମଣକୁ ଦୃଷ୍ଟିରେ ରଖି ବିମାନରେ ଯଥା ସମ୍ଭବ ସୁରକ୍ଷା ଅବଲମ୍ବନ ନିମନ୍ତେ ଉଦ୍ୟମ କରାଯାଇଥିବା କହିଛନ୍ତି ଏୟାର ଇଣ୍ଡିଆ ମୁଖପାତ୍ର।

   Related Posts