Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ଏୟାର ଇଣ୍ଡିଆ ଏକ୍ସପ୍ରେସ ଉପରେ ଦୁବାଇ ଲଗାଇଲା ୧୫ ଦିନର କଟକଣା, କରୋନା ପଜିଟିଭ୍ ଯାତ୍ରୀଙ୍କୁ ଦୁଇ ଥର ଯାତ୍ରା କରାଇଛି

18/09/2020 at 12:19 PM

ନୂଆଦିଲ୍ଲୀ ୧୮/୦୯: ଦୁବାଇ ବିମାନବନ୍ଦରକୁ ଏୟାର ଇଣ୍ଡିଆ ଏକ୍ସପ୍ରେସ୍ ଫ୍ଳାଇଟ ୧୫ ଦିନ ପାଇଁ ଅସ୍ଥାୟୀ ଭାବେ ନିଲମ୍ବିତ କରିଦିଆଯାଇଛି। ଦୁଇ ଥର କରୋନା ପଜିଟିଭ୍ ଯାତ୍ରୀଙ୍କୁ ବସାଇବା ଯୋଗୁ ଫ୍ଲାଇଟ୍ ଉପରେ ସେପ୍ଟେମ୍ବର ୧୮ରୁ ଅକ୍ଟୋବର ୩ ପର୍ଯ୍ୟନ୍ତ କଟକଣା ଲାଗୁ କରାଯାଇଛି। ଏହା ସହ ଏୟାର ଇଣ୍ଡିଆ ଏକ୍ସପ୍ରେସ ଦୁବାଇ ନେଇଥିବା କରୋନା ରୋଗୀଙ୍କ ସବୁ ଚିକିତ୍ସା ଓ କ୍ବାରେଣ୍ଟାଇନ୍ ଖର୍ଚ ମଧ୍ୟ ବହନ କରିବ। ଯାତ୍ରୀଙ୍କ କରୋନା ଟେଷ୍ଟ ପଜିଟିଭ୍ ଥିବା ଜାଣି ଯାତ୍ରା କରାଇଥିବାରୁ ଏଭଳି ଅଭିଯୋଗ ଏୟାର ଇଣ୍ଡିଆ ଏକ୍ସପ୍ରେସ ଉପରେ ଲଗାଯାଇଛି।

ସେପ୍ଟେମ୍ବର ୨ ତାରିଖରେ ଜଣେ ଯାତ୍ରୀ କରୋନା ଭାଇରସ ପଜିଟିଭ୍ ଜଣାପଡ଼ିବା ପରେ ମଧ୍ୟ ଫ୍ଲାଇଟରେ ଯାତ୍ରା କରିବାକୁ ଅନୁମତି ଦିଆଯାଇଥିଲା। ଏହା ଦ୍ବାରା ଫ୍ଲାଇଟରେ ଥିବା ଅନ୍ୟ ଯାତ୍ରୀଙ୍କ ଜୀବନ ମଧ୍ୟ ବିପଦ ମୁହଁକୁ ପକାଗଲା। କେବଳ ଏତିକି ନୁହେଁ ଏହା ବିମାନ ଯାତ୍ରା ସମ୍ବନ୍ଧିତ ନିୟମ ଉଲ୍ଲଘଂନ କରିଛି।

ସୂଚନାଯୋଗ୍ୟ, ଏବେ ବି କରୋନା ଭାଇରସ ବିପଦ ଦେଶରୁ ଟଳି ନାହିଁ। ଦିନକୁ ଦିନ ରେକର୍ଡ ସଂଖ୍ୟକ ମାମଲା ସାମ୍ନାକୁ ଆସୁଛି। ସଂକ୍ରମଣ ମାମଲା ଏବେ ୫୨ ଲକ୍ଷ ଟପିଗଲାଣି। ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରାଳୟ ଅନୁସାରେ ଦେଶରେ ଗତ ୨୪ ଘଣ୍ଟା ମଧ୍ୟରେ ୯୬,୪୨୪ ନୂଆ ମାମଲା ସାମ୍ନାକୁ ଆସିଛି ଓ ୧,୧୭୪ଜଣ ପ୍ରାଣ ହରାଇଛନ୍ତି।

   Related Posts