Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ପ୍ରତିଷ୍ଠା ଦିବସରେ ବାୟୁସେନାରେ ରାଫେଲ୍‌ ସାମିଲ- ବାୟୁସେନା ପ୍ରଦର୍ଶନ କଲା ଶକ୍ତି ଓ ପରାକ୍ରମ

8/10/2019 at 6:35 PM

ଆଜି ଭାରତୀୟ ବାୟୁସେନାର ୮୭ ତମ ପ୍ରତିଷ୍ଠା ଦିବସ । ଗାଜିଆବାଦ ହିଣ୍ଡନ ଏୟାରବେସରେ ବାୟୁସେନା ନିଜର ଶକ୍ତି ଓ ପରାକ୍ରମ ପ୍ରଦର୍ଶନ କରିଛି । ଆକାଶ ମାର୍ଗରେ ମୋଟ ୫୪ଟି ଏୟାରକ୍ରାଫ୍ଟ ଚିତ୍ତାକର୍ଷକ ରଣକୌଶଳ ଦେଖାଇଛନ୍ତି । ସେପଟେ ଫ୍ରାନ୍‌ସରେ ଶସ୍ତ୍ର ପୂଜା କରିଛନ୍ତି ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ଆଉ ଉଡ଼ାଇଛନ୍ତି ରାଫେଲ। 

ଆଜି ଆକାଶେ କି ରଙ୍ଗ ଲାଗିଲା । ନୀଳ ଆକାଶରେ ଆଖି ଲାଖିଲା ଭଳି ଷ୍ଟଣ୍ଟ । ବାୟୁସେନାର ୮୭ ତମ ପ୍ରତିଷ୍ଠା ଦିବସ ଅବସରରେ ଶକ୍ତି ଓ ପରାକ୍ରମ ଦେଖାଇଛି ଭାରତୀୟ ବାୟୂସେନା । ଆଜି ସକାଳେ ଦିଲ୍ଲୀ ଗାଜିଆବାଦ ହିଣ୍ଡନ ଏୟାର ବେସରେ ବାୟୁସେନା ରଣ କୌଶଳ ପ୍ରଦର୍ଶନ କରିଥିଲା ।

ପ୍ରଥମେ ଏୟାର୍ ୱାରିୟର୍ ଡ୍ରିଲ୍ ଟିମ୍ ନିଜ ଜୋସ୍ ଦେଖାଇଥିଲେ । ଏହାପରେ ଆରମ୍ଭ ହୋଇଥିଲା ଗୋଟିଏ ପରେ ଗୋଟିଏ ଚମତ୍କାର ଏୟାର ସୋ’ । ଆକାଶ ମାର୍ଗରେ ମିଗ- ବାଇସନ, ସୁଖୋଇ, ଆପାଚି, ମିରାଜ, ଚିନୁକ୍ ଭଳି ମୋଟ ୫୪ଟି ଏୟାର କ୍ରାଫ୍ଟ ଶକ୍ତି ପଦର୍ଶନ କରିଛନ୍ତି । ଯେଉଁଥିରେ ୧୯ଟି ଫାଇଟର ବିମାନ, ୭ଟି ଟ୍ରାନ୍ସପୋର୍ଟ ଏୟାର କ୍ରାଫ୍ଟ ଓ ୨୦ଟି ହେଲିକପ୍ଟର ସାମିଲ ହୋଇଥିଲେ । ଏଥର ପ୍ରଥମଥର ପାଇଁ ସାମିଲ୍ ହୋଇଥିଲେ ଯୁଦ୍ଧ ହେଲିକପ୍ଟର ଅପାଚି, ଚିନୁକ୍ ଏବଂ ସ୍ୱଦେଶୀ ଯୁଦ୍ଧ ବିମାନ ତେଜସ୍ ।

ଏୟାର ସୋ କାର୍ଯ୍ୟକ୍ରମରେ ବାୟୁସେନା ମୁଖ୍ୟ ଆର.କେ ଭଦୋରିଆ, ସ୍ଥଳସେନା ମୁଖ୍ୟ ବିପିନ ରାୱତ, ନୌସେନା ମୁଖ୍ୟ କରମବୀର ସିଂ ପ୍ରମଖ ଉପସ୍ଥିତ ଥିଲେ । ୮୭ ତମ ବାୟୁ ସେନା ଦିବସ ଅବସରରେ ବୀର ଅଭିନନ୍ଦନ  ଓ  ତାଙ୍କର ୫୧ ସ୍କ୍ୱାଡ୍ରନକୁ ସମ୍ମାନିତ କରାଯାଇଛି । ସେ ବି ମିଗ୍ ବାଇସନ ମଧ୍ୟ ଉଡାଇଥିଲେ । ବାଲାକୋଟ ଏୟାରଷ୍ଟ୍ରାଇକରେ ସାମିଲ ଥିବା ସମସ୍ତ ପାଇଲଟ ମଧ୍ୟ ଉଡାଣରେ ସାମିଲ ହୋଇଥିଲେ । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟ୍ବିଟ କରି ଦେଶ ପାଇଁ ବାୟୁସେନାର ଉତ୍ସର୍ଗୀକୃତ ସେବା ପାଇଁ ଅଭିନନ୍ଦନ ଜଣାଇଛନ୍ତି ।  

ପ୍ରତିରକ୍ଷାମନ୍ତ୍ରୀ ରାଜନାଥ ସିଂହ ଫ୍ରାନସର ରାଫେଲ ବିମାନରେ ଚଢ଼ି ଭାରତର ପରାକ୍ରମ ଦେଖାଇଛନ୍ତି।  ଆଜି ବିଜୟା ଦଶମୀ ଅବସରରେ ରାଜନାଥ ସିଂହ ସେଠାରେ ରାଫେଲ ସହ  ଶସ୍ତ୍ର ପୂଜା କରିଛନ୍ତି।  ଭାରତକୁ ମିଳିଛି ପ୍ରଥମ ରାଫେଲ ଯୁଦ୍ଧ ବିମାନ ।  ଏହି ସିରିଜରେ ରାଫେଲ ହିଁ ସବୁଠାରୁ ଆଧୁନିକ ବୋଲି କୁହାଯାଏ। ଯାହାକି ଆକାଶମାର୍ଗରେ ଭାରତର ଶକ୍ତି ବୃଦ୍ଧି କରିବ।

   Related Posts