Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୬୧୭ କରୋନା ସଂକ୍ରମିତ ଚିହ୍ନଟ
  • ||
  • ରାଉରକେଲା : ଡ୍ରାଇଭରଙ୍କ ନାଁରେ ୨୮ କୋଟି ଟଙ୍କାର GST ଠକେଇ ଅଭିଯୋଗ
  • ||
  • ଗଞ୍ଜାମ : ବୋମା ଭିଡୁଥିବା ବେଳେ ବିସ୍ଫୋରଣ, ଜଣେ ମୃତ, ଦୁଇ ଗୁରୁତର
  • ||
  • ବୋମା ଭିଡୁଥିବା ବେଳେ ବିସ୍ଫୋରଣ : ଜଣେ ମୃତ, ଦୁଇ ଗୁରୁତର
  • ||
  • ଦେଶର ପ୍ରତ୍ୟେକ ନାଗରିକଙ୍କୁ ମିଳିବ କରୋନା ଟିକା : ପ୍ରଧାନମନ୍ତ୍ରୀ
  • ||
  • ଡକାୟତି ଯୋଜନା ପଣ୍ଡ, ୪ ଡକାୟତଙ୍କୁ ବାନ୍ଧିଲା ପୋଲିସ
  • ||
  • ଅବସରପ୍ରାପ୍ତ ଡିଜିପି ମିଲନ ମହାନ୍ତିଙ୍କ ପରଲୋକ
  • ||
  • ରାଜ୍ୟରେ ବଢୁଛି ଶୀତର ପ୍ରକୋପ, କନ୍ଧମାଳରେ ୧୫ଡିଗ୍ରୀ ତଳକୁ ଖସିଲା ପାରଦ
  • ||
  • ଅନୁଗୋଳରେ ବିଷାକ୍ତ ମଦ ପିଇ ୪ ଜଣଙ୍କ ମୃତ୍ୟୁ ଘଟଣାରେ ୪ ଅଭିଯୁକ୍ତଙ୍କୁ ଗିରଫ କଲା ପୋଲିସ
  • ||

ବାୟୁସେନା ମୁଖ୍ୟଙ୍କ ଚୀନକୁ ଚେତାବନୀ – ବ୍ୟର୍ଥ ହେବନାହିଁ ଭାରତୀୟ ଯବାନଙ୍କ ବଳିଦାନ

20/06/2020 at 10:53 AM

ନୂଆଦିଲ୍ଲୀ ୨୦/୦୬ : ଲଦାଖର ପୂର୍ବାଞ୍ଚଳ ଗଲୱାନ ଘାଟିରେ ଭାରତ ଓ ଚୀନ ସେନା ମଧ୍ୟରେ ହୋଇଥିବା ହିଂସାରେ ଭାରତର ୨୦ ଯବାନ ଶହୀଦ ହୋଇଛନ୍ତି | ଶହୀଦ ଯବାନଙ୍କୁ ମନେପକାଇ ବାୟୁସେନା ମୁଖ୍ୟ ଆର.କେ.ଏସ.ଭଦୌରିୟା ଚୀନକୁ ଚେତାବନୀ ଦେଇଛନ୍ତି | ଏୟାର ଚିଫ ମାର୍ଶଲ ଚୀନକୁ ଚେତାବନୀ ଦେଇ କହିଛନ୍ତି ଯେ, ଶହୀଦ ଯବାନଙ୍କ ବଳିଦାନ ବେକାର ଯିବନି |

ଏୟାର ଚିଫ ମାର୍ଶଲ ଆର.କେ.ଏସ.ଭଦୌରିୟା କହିଛନ୍ତି ଯେ, LAC ରେ ସ୍ଥିତି ସମ୍ଭାଳିବାକୁ ସେ ସମ୍ପୂର୍ଣ ପ୍ରସ୍ତୁତ | ସେ ଶାନ୍ତିରେ ସବୁ ପ୍ରସଙ୍ଗ ଉପରେ ଆଲୋଚନା କରିବାକୁ ଚାହୁଁଛନ୍ତି | କିନ୍ତୁ ସେ ଚୀନକୁ ଏହା ମଧ୍ୟ କହିଦେବାକୁ ଚାହୁଁଛନ୍ତି ଯେ ଯେକୌଣସି ଆକ୍ରମଣର ଜବାବ ଦେବା ପାଇଁ ଭାରତୀୟ ସେନା ସମ୍ପୂର୍ଣ ପ୍ରସ୍ତୁତ | ସେ କହିଛନ୍ତି ଯେ ଗଲୱାନ ଘାଟିରେ ବାହାଦୂର ଯବାନଙ୍କ ବଳିଦାନକୁ ସେ କେବେ ହେଲେ ବ୍ୟର୍ଥ ହେବାକୁ ଦେବେନାହିଁ |

ସୂଚନାଯୋଗ୍ୟ ଯେ, ଭାରତ ଓ ଚୀନ ମଧ୍ୟରେ ଚାଲିଥିବା ଅସନ୍ତୋଷ ମଧ୍ୟରେ ଚୀନକୁ ଜବାବ ଦେବା ପାଇଁ ଭାରତୀୟ ସେନା ସମ୍ପୂର୍ଣ ପ୍ରସ୍ତୁତ | ବାୟୁସେନା ମଧ୍ୟ ଲେହ-ଲଦାଖରେ ଗତିବିଧି ବଢ଼ାଇଦେଇଛି | ବାୟୁସେନା ପ୍ରସ୍ତୁତି ତଦାରଖ କରିବା ପାଇଁ ଏୟାର ଚିଫ ମାର୍ଶଲ ଦୁଇ ଦିନରେ ଲେହ ଓ ଶ୍ରୀନଗର ଗସ୍ତ କରିଛନ୍ତି | ବାୟାସେନା ମୁଖ୍ୟ ପ୍ରସ୍ତୁତି ସମ୍ପର୍କରେ ସୂଚନା ଦେଇଛନ୍ତି | ବାୟୁସେନା ସମ୍ପୂର୍ଣ ଆଲର୍ଟ ହୋଇ ରହିଛି |

ଭାରତୀୟ ବାୟୁସେନା ଚୀନକୁ ଜବାବ ଦେବା ପାଇଁ ଯୁଦ୍ଧ ବିମାନ ଓ ଅନ୍ୟ ସାଜସଜ୍ଜା ବାସ୍ତବିକ ନିୟନ୍ତ୍ରଣ ରେଖା ନିକଟରେ ଫରୱାର୍ଡ ବେଶ ଏବଂ ଏୟାରଫିଲ୍ଡ ନିୟୋଜିତ କରିବା ଆରମ୍ଭ କରିଛନ୍ତି | ବାୟୁସେନା ମୁଖ୍ୟ ଆର.କେ.ଏସ.ଭଦୌରିୟା ଲେହ ଏବଂ ଶ୍ରୀନଗର ଏୟାରବେଶ ମଧ୍ୟ ଗସ୍ତ କରି ସ୍ଥିତି ତଦାରଖ କରିଛନ୍ତି | 

   Related Posts