ନୂଆଦିଲ୍ଲୀ ୦୬/୦୮ : କରୋନା ଭାଇରସରୁ ସୁସ୍ଥ ହୋଇଥିବା ରୋଗୀଙ୍କ ପ୍ଲାଜମା ଥେରାପିରୁ କରୋନା ରୋଗୀଙ୍କ ଚିକିତ୍ସା ପରେ ମଧ୍ୟ ମୃତ୍ୟୁହାର ହ୍ରାସ ପାଉନାହିଁ | ଏହି ଚିକିତ୍ସା ପ୍ରଣାଳୀର ପ୍ରଭାବ ଆକଳନ କରିବାକୁ ଏମ୍ସରେ କରାଯାଇଥିବା ଅନ୍ତରୀଣ ପରୀକ୍ଷଣ ବିଶ୍ଳେଷଣରେ ଏହି ତଥ୍ୟ ସାମ୍ନାକୁ ଆସିଛି | ଏହି ଚିକିତ୍ସା ମାଧ୍ୟମରେ କରୋନାରୁ ସୁସ୍ଥ ହୋଇଥିବା ରୋଗୀଙ୍କ ରକ୍ତରୁ ଆଣ୍ଟିବଡ଼ି ନିଆଯାଇଥାଏ ଏବଂ କରୋନା ଭାଇରସରୁ ପୀଡିତ ରୋଗୀଙ୍କୁ ଦିଆଯାଇଥାଏ | ଯେପରି କି ରୋଗ ପ୍ରତିରୋଧକ ପ୍ରଣାଳୀକୁ ଭାଇରସ ସହ ଲଢ଼ିବାରେ ତୁରନ୍ତ ସାହାଯ୍ୟ ମିଳିବ | 

ଏମ୍ସ ନିର୍ଦେଶକ ଡା.ରଣଦୀପ ଗୁଲେରିୟା ଗୁରୁବାର ଦିନ କହିଛନ୍ତି ଯେ କରୋନା ଏମ୍ସର ୩୦ ଜଣ କରୋନା ରୋଗୀଙ୍କୁ ନେଇ ରିସର୍ଚ୍ଚ କରାଯାଇଥିଲା |  ପରୀକ୍ଷଣ ସମୟରେ ପ୍ଲାଜମା ଥେରାପିର ଅଧିକ ଲାଭ ସାମ୍ନାକୁ ଆସିନଥିଲା | ସେ କହିଛନ୍ତି ଯେ ପରୀକ୍ଷଣ ସମୟରେ ଏକ ଗ୍ରୁପକୁମାନଙ୍କ ସହଯୋଗ ଉପଚାର ସହିତ ପ୍ଲାଜମା ଥେରାପି ଦିଆଯାଇଥିଲା ଏବଂ ଅନ୍ୟ ଏକ ଗୃପକୁମାନଙ୍କ ଚିକିତ୍ସା କରାଯାଇଥିଲା | ଉଭୟ ଗୃପରେ ମୃତ୍ୟୁହାର ସମାନ ରହିଥିଲା ଏବଂ ରୋଗୀଙ୍କ ଅବସ୍ଥାରେ ଅଧିକ କ୍ଲିନିକାଲ ସୁଧାର ହୋଇନଥିଲା | 

ଡା.ଗୁଲେରିୟା କହିଛନ୍ତି ଯେ, ଏହା କେବଳ ଅନ୍ତରୀଣ ବିଶ୍ଳେଷଣ | ଆହୁରି ବିସ୍ତୁତ ଭାବରେ ଆକଳନ କରିବା ଆବଶ୍ୟକ ଯେ କେଉଁ ରୋଗୀଙ୍କ ଉପରେ ପ୍ଲାଜମା ଥେରାପି ଲାଭଦାୟକ | ସେ କହିଛନ୍ତି ପ୍ଲାଜମାର ମଧ୍ୟ ସୁରକ୍ଷା ଯାଞ୍ଚ ହେବା ଆବଶ୍ୟକ ଏବଂ ପର୍ଯ୍ୟାପ୍ତ ଏଣ୍ଟିବଡ଼ି ହେବା ଦରକାର ଯାହା କୋଭିଡ-୧୯ ରୋଗୀଙ୍କ ପାଇଁ ଉପଯୋଗୀ | କୋଭିଡ-୧୯ ଉପରେ ବୁଧବାର ଦିନ ତୃତୀୟ ନ୍ୟାସନାଲ କ୍ଲିନିକାଲ ଗ୍ରାଣ୍ଡ ରାଉଣ୍ଡ ଉପରେ ହୋଇଥିବା ପରିଚର୍ଚ୍ଚାରେ ପ୍ଲାଜମା ଥେରାପି ଦ୍ୱାରା କରୋନା ରୋଗୀଙ୍କ ଉପରେ ପଡୁଥିବା ପ୍ରଭାବକୁ ନେଇ ଚର୍ଚ୍ଚା ହୋଇଥିଲା |  

ୱେବମିନାରରେ ଏମ୍ସର ମେଡ଼ିସିନ ବିଭାଗର ଅତିରିକ୍ତ ପ୍ରଫେସର ଡା.ମନୀଷ ସୋନେଯା କହିଛନ୍ତି ଯେ ପ୍ଲାଜମା ଥେରାପି ସୁରକ୍ଷିତ | ଯଦି ଏହାର ପ୍ରଭାବ କଥା କୁହାଯାଏ ତାହେଲେ ଏବେ ସୁଦ୍ଧା ସବୁଜ ସଂକେତ ମିଳିନାହିଁ | ସେଥିପାଇଁ କ୍ଲିନିକାଲ ଉପଯୋଗ ଉଚିତ ଏବଂ ରାଷ୍ଟ୍ରୀୟ ଗାଇଡଲାଇନ ଅନ୍ତର୍ଭୁକ୍ତ |