ଚେନ୍ନାଇ ୩୦/୦୧ : ତାମିଲନାଡୁରେ ବିଧାନସଭା ନିର୍ବାଚନ ପୂର୍ବରୁ ଗୁରୁତ୍ବପୂର୍ଣ୍ଣ ଘୋଷଣା କରିଛନ୍ତି ବିଜେପି ଅଧ୍ୟକ୍ଷ ଜେପି ନଡ୍ଡା । AIADMK ସହ ମିଶି ଆସନ୍ତା ବିଧାନସଭା ନିର୍ବାଚନ ଲଢିବ ବିଜେପି । ଏ ନେଇ ଶନିବାର ବିଧିବଦ୍ଧ ଭାବେ ଘୋଷଣା କରିଛନ୍ତି ଭାରତୀୟ ଜନତା ପାର୍ଟି ଅଧ୍ୟକ୍ଷ ଜେପି ନଡ୍ଡା ।
୨ ଦିନିଆ ତାମିଲନାଡୁ ଗସ୍ତରେ ଥିବା ନଡ୍ଡା AIADMK ସହ ମେଣ୍ଟ ଘୋଷଣା କରିବା ପରେ ତାମିଲନାଡୁରେ ରାଜନୀତି ସରଗରମ ହୋଇଛି । ଆସନ୍ତା ଏପ୍ରିଲ କିମ୍ବା ମେ ମାସରେ ତାମିଲନାଡୁରେ ବିଧାନସଭା ନିର୍ବାଚନ ଅନୁଷ୍ଠିତ ହୋଇପାରେ । ଏହା ପୂର୍ବରୁ AIADMK ସହ ବିଜେପିର ମେଣ୍ଟ ଘୋଷଣା ବିରୋଧିଙ୍କ ରାସ୍ତାରେ କଣ୍ଟା ସଦୃଶ ।
ତାମିଲନାଡୁ ଗସ୍ତରେ ଥିବା ବିଜେପି ଅଧ୍ୟକ୍ଷ ଜେପି ନଡ୍ଡା ଦଳୀୟ କର୍ମୀଙ୍କ ସହ ଆଲୋଚନା କରିଛନ୍ତି । ଏହା ସହିତ କିଏ କେତେ ସିଟ୍ରେ ନିର୍ବାଚନ ଲଢିବ ସେ ନେଇ ମଧ୍ୟ ଆଲୋଚନା ହୋଇଥିବା ଚର୍ଚ୍ଚା ହେଉଛି ।