Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପି ନିର୍ବାଚନ ପାଇଁ ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣାକଲା ଆପ୍‌, ତାଲିକାରେ ଅନେକ ଉଚ୍ଚ ଶିକ୍ଷିତ
  • ||
  • ଆସେସ୍‌ ସିରିଜ୍ କବଜା କଲା ଅଷ୍ଟ୍ରେଲିଆ, ଇଂଲଣ୍ଡକୁ ୪-୦ରେ ମୂଳପୋଛ କରି ଇତିହାସ ରଚିଲା କଙ୍ଗାରୁ ବାହିନୀ
  • ||
  • ରବିବାର ରାଜ୍ୟରେ ସୁସ୍ଥହେଲେ ରେକର୍ଡ ୪୪୫୨ଜଣ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୧୦୦୩ଜଣ ଡିସଚାର୍ଜ
  • ||
  • ମୋହନା: ଅଟୋ-ବାଇକ ମୁହାଁମୁହିଁ ଧକ୍କା, ଜଣେ ମୃତ, ୭ ଆହତ
  • ||
  • ବଣାଇ ରେଞ୍ଜରେ ଗୋଠଛଡା ଦନ୍ତା ଆତଙ୍କ, ସନ୍ଧ୍ୟା ହେଲେ ଗାଁରେ ପଡୁଛି ତାଟିକବାଟ
  • ||
  • ଟେକ୍ସାସରେ ୪ ଜଣଙ୍କୁ ପଣବନ୍ଦୀ : ପାକିସ୍ତାନୀ ବୈଜ୍ଞାନିକଙ୍କୁ ମୁକ୍ତ କରିବାକୁ ଦାବି, ଘଟଣାସ୍ଥଳରେ ଏଫବିଆଇ ଓ ସ୍ୱାଟ୍ ଟିମ୍
  • ||
  • ରାଜ୍ୟରେ ଆଉ ୩ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୧କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଡେଇଁଲା ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୧୭୭ କୋଭିଡ୍ ପଜିଟିଭ୍, ୧୧୩୩୯୧୨ରେ ପହଞ୍ଚିଲା ସଂଖ୍ୟା
  • ||
  • ନିଶାରେ ୩ ବାଇକକୁ ଧକ୍କା ଦେଲେ କାର୍ ଡ୍ରାଇଭର, ଓଲଟା ପୋଲିସକୁ କଲେ ଗାଳିଗୁଲଜ
  • ||
  • ଫାଟିଗଲା ମୋବାଇଲ ବ୍ୟାଟେରୀ, ନାବାଳକ ଗୁରୁତର : ପଥରରେ ଛେଚୁଥିବା ବେଳେ ଅଘଟଣ
  • ||

କମଲନାଥଙ୍କୁ ହଟାଇବାକୁ ବିଜେପିକୁ ଆହୁରି ଅପେକ୍ଷା କରିବାକୁ ହେବ, ବିଧାୟକଙ୍କ ବନ୍ଧକ ରଖାଯିବା ଘଟଣାକୁ ସୁପ୍ରିମକୋର୍ଟଙ୍କ ନାପସନ୍ଦ

18/03/2020 at 6:30 PM

ଭୋପାଳ ୧୮।୦୩: ମଧ୍ୟପ୍ରଦେଶ ବିଧାନସଭାରେ ଶକ୍ତି ପରୀକ୍ଷଣ ନେଇ ବିଜେପିକୁ ଆହୁରି ଅପେକ୍ଷା କରିବାକୁ ପଡିବ । ଶୀଘ୍ର ଶକ୍ତି ପରୀକ୍ଷଣ ନେଇ ପୂର୍ବ ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନ ଏବଂ ୯ ବିଜେପି ବିଧାୟକଙ୍କ ଆବେଦନର ଶୁଣାଣିକୁ ସୁପ୍ରିମକୋର୍ଟ ଗୁରୁବାରକୁ ଘୁଞ୍ଚାଇ ଦେଇଛନ୍ତି । ତୁରନ୍ତ ୧୬ ବିଦ୍ରୋହୀ ବିଧାୟକଙ୍କ ଇସ୍ତଫା ସଂପର୍କରେ ନିଷ୍ପତ୍ତି ନେବାକୁ ବାଚସ୍ପତି ଏନ୍‌ପି ପ୍ରଜାପତିଙ୍କୁ ନିର୍ଦେଶ ଦେଇଛନ୍ତି ସର୍ବୋଚ୍ଚ ଅଦାଲତ । ବାଚସ୍ପତି, ରାଜ୍ୟପାଳ ଏବଂ ସରକାର ବୁଧବାର କୋର୍ଟରେ ନିଜ ନିଜର ପକ୍ଷ ରଖିଥିଲେ । 

ସରକାରଙ୍କ ପାଖରେ ବହୁମତ ନାହିଁ, ତେଣୁ ତୁରନ୍ତ ଫ୍ଲୋର ଟେଷ୍ଟ ପାଇଁ ଯୁକ୍ତି ବାଢିଥିଲେ ବିଜେପି ଓକିଲ । ଏହାକୁ କାଉଣ୍ଟର କରି ବନ୍ଧକ ଥିବା ବିଧାୟକଙ୍କୁ ମୁକ୍ତ କରିବାକୁ ଯୁକ୍ତି ବାଢିଥିଲା କଂଗ୍ରେସ । କୋର୍ଟ ଚାହିଁଲେ ଏଠାରେ ୧୬ ବିଧାୟକଙ୍କୁ ହାଜର କରାଯିବ ବୋଲି ବିଜେପି ଯୁକ୍ତି ରଖିଥିଲା । ଯାହାକୁ ଅଗ୍ରାହ୍ୟ କରିଦେଇଥିଲେ କୋର୍ଟ । କୌଣସି ପରିସ୍ଥିତିରେ ବି ବିଧାୟକଙ୍କୁ ବନ୍ଧକ ରଖାଯାଇ ପାରିବ ନାହିଁ ବୋଲି କୋର୍ଟ କହିଛନ୍ତି ।

ମଧ୍ୟପ୍ରଦେଶର ୨୨ ବିଦ୍ରୋହୀ ବିଧାୟକଙ୍କ ମଧ୍ୟରୁ ୬ ଜଣଙ୍କ ଇସ୍ତଫା ଗ୍ରହଣ କରିଛନ୍ତି ବାଚସ୍ପତି । ଅବଶିଷ୍ଟ ୧୬ ଜଣଙ୍କ ଇସ୍ତଫା ସଂପର୍କରେ ଏଯାଏ ବାଚସ୍ପତି ନିଷ୍ପତ୍ତି ନେଇ ନାହାଁନ୍ତି । ଏହି ବିଧାୟକମାନେ ଏବେ ବିଜେପି ଶିବିରରେ । ସେପଟେ କମଲନାଥ ସରକାରକୁ ବଞ୍ଚାଇବାକୁ ଲାଗି ପଡିଛନ୍ତି ବରିଷ୍ଠ କଂଗ୍ରେସ ନେତା ଦିଗ୍ ବିଜୟ ସିଂହ ।

ବେଙ୍ଗାଲୁରୁର ଯେଉଁ ହୋଟେଲରେ ବିଦ୍ରୋହୀ ବିଧାୟକଙ୍କୁ ରଖାଯାଇଛି  । ଆଜି  ସେଠାରେ ପହଞ୍ଚି ଯାଇଥିଲେ ଦିଗି ରାଜା । ବିଧାୟକଙ୍କୁ ଭେଟିବାକୁ ଚାହିଁଥିଲେ । କିନ୍ତୁ ସେଠାରୁ ତାଙ୍କୁ ପୋଲିସ ଉଠାଇ ନେଇଥିଲା । ଯାହାକୁ ନେଇ ସେ ବିଜେପି ଉପରେ ବର୍ଷିଛନ୍ତି । ବିଦ୍ରୋହୀ ବିଧାୟକଙ୍କୁ ଦେଖା କରିବାର ସୁଯୋଗ ଦେବାକୁ କର୍ଣ୍ଣାଟକ ହାଇକୋର୍ଟଙ୍କ ଦ୍ବାରସ୍ଥ ହୋଇଛନ୍ତି । ମାର୍ଚ୍ଚ ୨୬ରେ ଏହାର ଶୁଣାଣି ହେବ ।

କଂଗ୍ରେସରୁ ସିନ୍ଧିଆଙ୍କ ଇସ୍ତଫା ମଧ୍ୟପ୍ରଦେଶ ରାଜନୀତିକୁ ଦୋହଲାଇ ଦେଇଛି । ସିନ୍ଧିଆଙ୍କ ସମର୍ଥକ ବିଜେପି ଶିବିରରେ ସାମିଲ ହୋଇଥିବା ବେଳେ ପୂର୍ବ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହ୍ବାନ ରାଜ୍ୟରେ ସରକାର ଗଢିବାକୁ ସଜବାଜ ହୋଇ ରହିଛନ୍ତି । କିନ୍ତୁ ରାଜ୍ୟପାଳଙ୍କ ଦୁଇ ଦୁଇଟି ଚିଠି ପରେ ବି ଗୃହରେ ଶକ୍ତି ପରୀକ୍ଷା ଦେଇ ନାହନ୍ତି କମଲନାଥ ।

   Related Posts