Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଦେଶରେ ୨୪ ଘଣ୍ଟାରେ ବାହାରିଲେ ୨୯ ହଜାରରୁ ଅଧିକ କରୋନା ପଜିଟିଭ୍, ୨୯୦ ମୃତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୭ ଜଣଙ୍କ ଜୀବନ
  • ||
  • ଢେଙ୍କାନାଳ : ପଞ୍ଚାୟତ ସମିତି ସଭ୍ୟଙ୍କୁ ଗୁଳି କରି ହତ୍ୟା, ପୂର୍ବ ଶତ୍ରୁତାରୁ ହତ୍ୟାକାଣ୍ଡ !
  • ||
  • କଟକ : ହାତୀ ଆକ୍ରମଣରେ ଜଣେ ମୃତ, କୂଳକୁ ଫେରିବା ବାଟରେ ମାରିଥିଲା ଦନ୍ତା
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୬୦୨ କୋଭିଡ୍ ପଜିଟିଭ୍
  • ||

ବାଥରୁମରେ ଶ୍ବାସରୁଦ୍ଧ ହୋଇ ମା’ ଏବଂ ୨ ଶିଶୁଙ୍କ ମୃତ୍ୟୁ, ଗିଜରରେ ପାଣି ଗରମ କରି ଗାଧଉଥିଲେ ହୁଅନ୍ତୁ ସତର୍କ

25/02/2019 at 4:37 PM

ଆଗ୍ରା ୨୫/୨ : ଆଗ୍ରାରେ ଜଣେ ବ୍ୟବସାୟୀଙ୍କ ପତ୍ନୀ ଏବଂ ୨ ଶିଶୁଙ୍କ ଅଣନିଶ୍ୱାସୀ ହେବା ଯୋଗୁଁ ମୃତ୍ୟୁ ହୋଇଛି | ଶାହଗଂଜର ପାଣ୍ଡବ ନଗରରେ ରହୁଥିବା ବ୍ୟବସାୟୀ ରୋହିତ ଧୁପଡ଼ଙ୍କ ପତ୍ନୀ ଏବଂ ୨ ଶିଶୁ ବାଥରୁମରେ ଗିଜରର ଗ୍ୟାସରେ ଅଣନିଶ୍ୱାସୀ ହୋଇ ଗତକାଲି ପ୍ରାଣ ହରାଇଛନ୍ତି |

ରୋହିତଙ୍କର ଏକ ଶାଢ଼ୀ ଶୋ’ରୁମ ଅଛି | ରୋହିତଙ୍କ ବାପାଙ୍କ ସେହି ଶୋ’ରୁମ ପାଖରେ ହିଁ ଏକ ଔଷଧ ଦୋକାନ ଅଛି | ଗତକାଲି ରୋହିତଙ୍କ ବାପା ଏବଂ ମା ଶୋ’ରୁମକୁ ଯାଇଥିଲେ | ଘରେ ରୋହିତଙ୍କ ପତ୍ନୀ ଋତୁ (୩୮), ଦୁଇ ଝିଅ ସଚିକା (୬) ଏବଂ କାୟରା (୩) ଥିଲେ | ସନ୍ଧ୍ୟାରେ ଋତୁଙ୍କ ମା’ ଫୋନ କରିଥିଲେ | ବହୁତ ସମୟ ଧରି ଫୋନ କରିବା ପରେ ମଧ୍ୟ କେହି ଫୋନ ନ ଉଠାଇବାରୁ ସେ ଚିନ୍ତତା ହୋଇ ରୋହିତଙ୍କୁ ଫୋନ କରିଥିଲେ |

ରୋହିତ କୌଣସି ଦୁର୍ଘଟଣା ଆଶଙ୍କା କରି ପଡିଶାରେ ରହୁଥିବା ଜଣେ ମହିଳାଙ୍କୁ ଫୋନ କରି ଦେଖିବାକୁ କହିଥିଲେ | ମହିଳା ବହୁତ ଚେଷ୍ଟା କରିଥିଲେ କବାଟ ଖୋଲିବା ପାଇଁ କିନ୍ତୁ କବାଟ ଖୋଲିନଥିଲା | ଏହାପରେ ରାତି ପ୍ରାୟ ୮ଟା ବେଳେ ରୋହିତ ଘରକୁ ଫେରିଥିଲେ | ସେ ଧକ୍କା ମାରି କବାଟ ଖୋଲିଥିଲେ | ଦୌଡ଼ି ଯାଇ ଘର ଭତରକୁ ଦେଖିଲାବେଳେ ଋତୁ ଏବଂ ୨ ଶିଶୁ ବାଥରୁମରେ ଗାଧୋଇବା ଅବସ୍ଥାରେ ପଡ଼ିଥିଲେ |

 ରୋହୀତ ସଂଗେ ସଂଗେ ପୋଲିସକୁ ଖବର ଦେଇଥିଲେ | ପୋଲିସ ମୃତଦେହଗୁଡିକୁ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଯାଞ୍ଚ ଆରମ୍ଭ କରିଥିଲା | ଯାଞ୍ଚବେଳେ ଜଣାପଡିଥିଲା ପାଣି ଟାଙ୍କି ଏବଂ ଗିଜର ଗ୍ୟାସ ଖାଲିଥିଲା | ବାଥରୁମର ଏକଜଷ୍ଟ ଫ୍ୟାନ ମଧ୍ୟ ବନ୍ଦ ଥିଲା |ଫଳରେ ଅଣନିଶ୍ୱାସୀ ହୋଇ ୩ ଜଣଙ୍କର ମୃତ୍ୟୁ ହୋଇଥିବା ସନ୍ଦେହ କରାଯାଉଛି | 

ଦ୍ବିପ୍ରହର ପରେ ଋତୁଙ୍କୁ ଆଖପାଖ ପଡୋଶୀ କେହି ମଧ୍ୟ ଦେଖିନଥିଲେ | ଗାଧେଇବା ପାଇଁ ଯାଇଥିବାବେଳେ ଏହି ଦୁର୍ଘଟଣା ଘଟିଥିବ ବୋଲି ଆଶଙ୍କା କରାଯାଉଛି | କାରଣ ସନ୍ଧ୍ୟାରେ ପାଣି ଟାଙ୍କି ଖାଲି ଥିବା ସହ ଗିଜର ଗ୍ୟାସ ସିଲିଣ୍ଡର ଉଭୟ ଖାଲି ଥିଲା | ବାଥରୁମରେ ଭେଣ୍ଟିଲେସନର କୌଣସି ବ୍ୟବସ୍ଥା ନଥିବା ଯୋଗୁଁ ଶ୍ବାସରୁଦ୍ଧ ହୋଇ ମା’ ଝିଅଙ୍କ ମୃତ୍ୟୁ ହୋଇଥିବା ପ୍ରାଥମିକ ତଦନ୍ତରୁ ଜଣାପଡିଛି | ଫୋରେନସିକ ଟିମ ପହଂଚି ତଦନ୍ତ କରୁଛନ୍ତି | ରିପୋର୍ଟ ଆସିଲେ ଜଣାପଡିବା ବୋଲି କହିଛି ପୋଲିସ |

ଯଦି ଆପଣ ବି ଶୀତରେ ପାଣି ଗରମ କରିବା ପାଇଁ ଗିଜର ବ୍ୟବହାର କରୁଛନ୍ତି ତାହେଲେ ଟିକେ ସାବଧାନ ରୁହନ୍ତୁ |

ଫରେନସିକ ବିଭାଗର ଅଧ୍ୟକ୍ଷ ଡ.ଅଜୟ ଅଗ୍ରୱାଲ କହିଛନ୍ତି ଯେ, ଏଲପିଜି ସିଲିଣ୍ଡର ଜରିଆରେ ଗିଜରରେ ପାଣି ଗରମ କରାଯାଇଥାଏ | ଏଲପିଜିରେ ବ୍ୟୁଟନ ଏବଂ ପ୍ରୋପୁନ ଗ୍ୟାସ ଥାଏ | ଏହା ଜଳିବା ପରେ କାର୍ବନ ଡାଇଅକ୍ସାଇଡ ସୃଷ୍ଟି କରିଥାଏ | ଛୋଟ ଛୋଟ ଜାଗାରେ ଗ୍ୟାସ ଗିଜର ଚାଲିଲେ କାର୍ବନ ଡାଇଅକ୍ସାଇଡ ମାତ୍ର ବଢ଼ିଯାଇଥାଏ ଏବଂ ଅକ୍ସିଜେନ ମାତ୍ର କମିଯାଇଥାଏ | ଏଭଳି ପରିସ୍ଥିତିରେ ମସ୍ତିସ୍କରେ ମଧ୍ୟ ଅକ୍ସିଜେନ କମିଯାଇଥାଏ | ଫଳରେ ମଣିଷ ମଣିଷ କୋମା ସ୍ଥିତି ପଳାଇଥାଏ | ଏଭଳି ପଡିରହିବା ପରେ ମୃତ୍ୟୁ ହୋଇଯାଇଥାଏ | 

   Related Posts