Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ନିୟନ୍ତ୍ରଣ ହରାଇ ପୋଲରୁ ତଳକୁ ପଡିଲା ବସ୍ : ୨୯ ମୃତ, ୨୫ ଆହତ

8/07/2019 at 12:47 PM

ଉତ୍ତର ପ୍ରଦେଶ ୟମୁନା ଏକ୍ସପ୍ରେସ ୱେରେ ଆଜି ସକାଳୁ ଏକ ବସ ଦୁର୍ଘଟଣାଗ୍ରସ୍ତ ହୋଇଛି । ବସଟି ଲକ୍ଷ୍ନୌରୁ ଦିଲ୍ଲୀ ଯାଉଥିବାବେଳେ ଆଗ୍ରାର ଝରଣା ନାଳରେ ଓଲଟି ପଡିଥିଲା । ଦୁର୍ଘଟଣାରେ ୨୯ ଜଣଙ୍କର ମୃତ୍ୟୁ ହୋଇଛି । ପୋଲିସ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାରକାର୍ଯ୍ୟ ଜାରି ରଖିଛନ୍ତି । ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ମୃତକଙ୍କ ପାଇଁ ଶୋକ ପ୍ରକାଶ କରିଛନ୍ତି । ଆହତଙ୍କୁ ସମସ୍ତ ସୁବିଧା ଯୋଗେଇଦେବା ପାଇଁ ମୁଖ୍ୟମନ୍ତ୍ରୀ ଜିଲ୍ଲା ଅଧିକାରୀ ଏବଂ ପୋଲିସ ଅଧ୍ୟକ୍ଷକଙ୍କୁ ନିର୍ଦ୍ଦେଶ ଦେଇଛନ୍ତି ।

ମୃତକଙ୍କ ପରିବାରକୁ ୫ ଲକ୍ଷ ଟଙ୍କା ଆର୍ଥିକ ସହାୟତା ଯୋଗେଇ ଦେବା ପାଇଁ ଘୋଷଣା କରାଯାଇଛି । ଦୁର୍ଘଟଣାରେ ପାଖାପାଖି ୨୫ ଜଣ ଆହତ ହୋଇଛନ୍ତି । ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ବସରେ ୫୦ରୁ ଅଧିକ ଯାତ୍ରୀ ଯାତ୍ରା କରୁଥିବା ଜଣାପଡିଛି ।

ପୋଲିସ ସୁଚନା ଅନୁଯାୟୀ, ଅବୈଧ ବସ ଡିପୋ ଜନରଥ ଏକ୍ସପ୍ରେସ ରୋଡୱେଜ ବସ ନମ୍ବର ୟୁପି ୩୩ ଏଟି ୫୮୭୭ ନିୟନ୍ତ୍ରଣ ହରାଇ କୁବେରପୁର ନିକଟସ୍ଥ ଝାରନା ନାଳରେ ପଡି ଯାଇଥିଲା । ଘଟଣା ପାଖାପାଖି ଭୋର ୫ଟା ସମୟରେ ଘଟିଥିଲା । ଦୁର୍ଘଟଣା ପରେ ଅଧା ବସ୍ ପାଣିରେ ବୁଡି ଯାଇଥିଲା । ୨୭ ଶବ ଉଦ୍ଧାର କରାଯାଇଛି । ପାଖାପାଖି ୧୫-୧୭ ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି । ୟୁପି ଡିଜିପି ଉଦ୍ଧାର କାର୍ଯ୍ୟ ଦୃତ ଗତିରେ କରିବା ପାଇଁ ନିର୍ଦେଶ ଦେଇଛନ୍ତି । ଘଟଣାସ୍ଥଳରେ ସମସ୍ତ ବରିଷ୍ଠ ଅଧିକାରୀ ଉପସ୍ଥିତ ଅଛନ୍ତି ।

   Related Posts