ନୀଳଗିରି ୧୦।୧୦ : ନିଆଁ ପାଲଟିଗଲା କାଳ । ନିଆଁରେ ପୋଡ଼ି ଅଢେଇ ବର୍ଷର ଶିଶୁ କନ୍ୟା ସମେତ ମା ଗୁରୁତର ହୋଇଛନ୍ତି। ବାଲେଶ୍ଵର ଜିଲ୍ଲା ନୀଳଗିରି ବ୍ଲକ ଜାମୁନା ଅଞ୍ଚଳରେ ଏଭଳି ଘଟଣାଘଟିଛି ।
ଖବର ଅନୁଯାୟୀ, ଜାମୁନା ଅଞ୍ଚଳର ଅନ୍ତର୍ଯ୍ୟାମୀ କବାଟଙ୍କ ସ୍ତ୍ରୀ ପାର୍ବତୀ(୩୦) ତାଙ୍କ ଅଢେଇବର୍ଷର ଶିଶୁ କନ୍ୟା ମନୀଷାଙ୍କୁ କାଖେଇ ଥିବା ବେଳେ ଅସାବଧାନତା କାରଣରୁ ପାଖରେ ବସିଥିବା କିରୋସିନୀ ଜାରରେ ଗୋଡ଼ ବାଜିଯାଇଥିଲା। ଯାହାଫଳରେ କିରୋସିନୀ ଜାରର ଠିପି ଖୋଲିଯାଇଥିଲା । ପାଖରେ ଜଳୁଥିବା ଚୁଲିରେ କିରୋସିନୀ ପଡିଯିବାରୁ ନିଆଁ ଖୁବ୍ ଜୋରରେ ଜଳିଥିଲା ।
ନିକଟରେ ଥିବା ମା ଓ ଶିଶୁ କନ୍ୟାଙ୍କ ଦେହରେ ନିଆଁ ଲାଗିଯାଇ ଗୁରୁତର ହୋଇଥିଲେ । ପରେ ସେମାନଙ୍କୁ ଗୁରୁତର ଭାବେ ୧୦୮ ଆମ୍ବୁଲାନ୍ସ ଯୋଗେ ନୀଳଗିରି ଡାକ୍ତରଖାନାରେ ଭର୍ତ୍ତି କରାଯାଇଛି।ଉଭୟଙ୍କ ଶରୀର ଅନେକ ଅଂଶ ପୋଡିଯାଇଥିବାରୁ ତାଙ୍କୁ ବାଲେଶ୍ଵର ମୁଖ୍ୟ ଡାକ୍ତରଖାନା ସ୍ଥାନାନ୍ତର କରାଯାଇଛି।
