ସାଲେପୁର, ୦୬/୦୬: କଟକ ଜିଲ୍ଲା ସାଲେପୁର ବ୍ଲକ ଶିଶୁଆ ପଞ୍ଚାୟତରେ ଅଗ୍ନିକାଣ୍ଡ । ଜଳିଗଲା ତିନିବଖରା ଘର । ଘରେ ପରିବାର ଲୋକ କେହି ନଥିବା ସମୟରେ ପବନରେ ଚୁଲିରୁ ନିଆଁ ଉଡି ଅଗ୍ନିକାଣ୍ଡ ଘଟିଥିବା ସନ୍ଦେହ କରାଯାଉଛି । ଅଗ୍ନିକାଣ୍ଡରେ ତିନି ବଖରା ଘର ସହିତ ସମସ୍ତ ଆସବାବପତ୍ର ଓ ଧାନ ଜଳିପୋଡି ପାଉଁଶ ହୋଇଯାଇଛି ।
ପ୍ରଥମେ ଜିତେନ୍ଦ୍ର ନାଥ ଶର୍ମା ,ଦେବେନ୍ଦ୍ର ନାଥ ଶର୍ମାଙ୍କ ଘର ପୋଡି ଯାଇଥିଲା । ଏହାପରେ ଶ୍ୟାମ ସୁନ୍ଦର ନାଥଙ୍କ ଘର ଓ ବିଶ୍ୱଜିତ ନାଥଙ୍କ ଘର ପୋଡି ଯାଇଥିବା ଜଣାପଡିଛି ।
ସାଲେପୁର ବ୍ଲକ୍ ଆତ୍ମାର ସଭାପତି ଦିଲ୍ଲିପ କୁମାର ଦାଶ ଘଟଣା ସ୍ଥଳରେ ପହଞ୍ଚି ପରିଦର୍ଶନ କରିଥିଲେ । ଏହାସହ ସ୍ଥାନୀୟ ତହସିଲଦାରଙ୍କୁ ଯୋଗାଯୋଗ କରି ପରିବାରକୁ ସାହାଯ୍ୟ ଦେବା ପାଇଁ ଅନୁରୋଧ କରିଛନ୍ତି।
