ଆଠମଲ୍ଲିକ ୦୧।୦୨: ଡ୍ୟାମ୍ରେ ଲାଗିଛି ନିଆଁ । ଅନୁଗୁଳ ଆଠମଲ୍ଲିକ ମାନଜୋର ଡ୍ୟାମ୍ ସାଇଟରେ ଲାଗିଛି ନିଆଁ । ଘଟଣାସ୍ଥଳରେ ଅଗ୍ନିଶମ ବାହିନୀ ଓ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି ।
ଖବର ଅନୁଯାୟୀ, ବିଳମ୍ବିତ ରାତିରେ ମାନଜୋର ଡ୍ୟାମ୍ ସାଇଟ୍ରେ କେହି ଦୁର୍ବୃତ୍ତ ଭୋଜି କରିବାକୁ ଆସି କେନାଲ ହୁଡ଼ାରେ ନିଆଁ ଲଗାଇଥିବା ସନ୍ଦେହ କରାଯାଉଛି। ରାତିରେ ନିଆଁ ଅଧିକ ମାତ୍ରାରେ ଡ୍ୟାମ୍ ଚାରିପଟେ ବ୍ୟାପିଯାଇଥିଲା ।
ନିଆଁ ଲାଗିବା ଦ୍ୱାରା ଅନେକ ମୁଲ୍ୟବାନ ଗଛ ପୋଡି ପାଉଁଶ ହୋଇଯାଇଛି ।ଏହା ସହିତ ଡ୍ୟାମ୍ରୁ ନିଆଁ ମାଧପୁର ବନଖଣ୍ଡର କିଛି ଅଞ୍ଚଳକୁ ବ୍ୟାପିଯାଇଥିଲା । ସେପଟେ ଖବର ପାଇ ମାଧପୁର ବନଖଣ୍ଡ କର୍ମଚାରୀ ଓ ଆଠମଲ୍ଲିକ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ବର୍ତ୍ତମାନ ପର୍ଯ୍ୟନ୍ତ ଅଗ୍ନିକାଣ୍ଡରେ କେତେ କ୍ଷୟକ୍ଷତି ହୋଇଛି , ତାହା ସ୍ପଷ୍ଟ ହୋଇନାହିଁ ।
