Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚୋରା କାରବାରରେ ନାବାଳକ : ନବମ ଶ୍ରେଣୀ ଛାତ୍ରଙ୍କ ବ୍ୟାଗରୁ ମିଳିଲା ୨ କେଜି ଅଫିମ
  • ||

ଇରାନର ସଡକରେ ଭୟଙ୍କର ବିରୋଧ ପ୍ରଦର୍ଶନ, ବିକ୍ଷୋଭକାରୀଙ୍କୁ ଗୁଳିମାଡ

13/01/2020 at 9:04 AM

ତେହେରାନ୍‌ ୧୩।୦୧ – ଆମେରିକାର ଆକ୍ରମଣରେ ଇରାନ୍‌ର ସେନା ମୁଖ୍ୟ ଜେନେରାଲ୍‌ କାସିମଙ୍କର ମୃତ୍ୟୁ ପରେ ଏବେ ଦୁଇ ଦେଶ ମଧ୍ୟରେ ଯୁଦ୍ଧ ପରିସ୍ଥିତି ଦେଖାଦେଇଛି । ଇରାକ୍‌ରେ ଥିବା ଆମେରିକାର ବିଭିନ୍ନ ସୈନ୍ୟ ଆଡ୍ଡା ଉପରେ ଇରାନ୍‌ ମିସାଇଲ୍‌ ମାଡ କରିଛି। ଗତ ଗୁରୁବାରରେ ଇରାନ୍‌ର ମିସାଇଲ୍‌ ମାଡରେ ଏକ ୟୁକ୍ରେନ ବିମାନ ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ ଥିବା ୧୭୬ ଜଣ ଯାତ୍ରୀଙ୍କର ମୃତ୍ୟୁ ହୋଇଛି ।

ଏହାପରେ ଇରାନ୍‌ରେ ସଡକରେ ହଜାର ହଜାର ପ୍ରଦର୍ଶନକାରୀ ବିକ୍ଷୋଭ ପ୍ରଦର୍ଶନ କରିଛନ୍ତି । ଏଥିରେ ଅନେକ ଛାତ୍ର ସାମିଲ ହୋଇଛନ୍ତି। ରବିବାରରେ ଇରାନ୍‌ରେ କରାଯାଇଥିବା ବିକ୍ଷୋଭ ପ୍ରଦର୍ଶନରେ ପ୍ରଦର୍ଶନକାରୀଙ୍କ ଉପରକୁ ଗୁଳିମାଡ କରାଯାଇଛି । ଇରାନ୍‌ ସରକାରଙ୍କୁ ସମର୍ଥନ କରୁଥିବା କିଛି ବ୍ୟକ୍ତି ପ୍ରଦର୍ଶନକାରୀଙ୍କ ଉପରକୁ ଗୁଳିମାଡ କରିଛନ୍ତି ।

ଇରାନ୍‌ ପକ୍ଷରୁ ମାନବୀୟ ଭୁଲ୍‌ ଯୋଗୁଁ ମିସାଇଲ୍‌ ମାଡ କରାଯାଇ ଏହି ବିମାନକୁ ଖସାଇ ଦିଆଯାଇଥିବା ସ୍ୱୀକାର କରାଯାଇଥିଲା । ଏହାପରେ ବିଶ୍ୱବ୍ୟାପୀ ଏହା ର ନିନ୍ଦା କରାଯାଇଥିଲା। ମିସାଇଲ୍ ଉତ୍‌କ୍ଷେପଣ କରିଥିବା ବ୍ୟକ୍ତିମାନଙ୍କ ବିରୋଧରେ ଦୃଢ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ବୋଲି ଇରାନ୍‌ କହିଛି ।

ଟ୍ରମ୍ପ ବି ଏହି ପ୍ରଦର୍ଶନକାରୀମାନଙ୍କର ସମର୍ଥନ କରିଛନ୍ତି । ଶାନ୍ତିପୂର୍ଣ୍ଣ ବିକ୍ଷୋଭ କରୁଥିବା ଲୋକମାନଙ୍କୁ ଗୁଳି କରାଯାଏ ନାହିଁ ବୋଲି ସେ ଟ୍ୱିଟ କରିଛନ୍ତି ।

ବିକ୍ଷୋଭକାରୀମାନେ ଇରାନ୍‌ର ଶାସକଙ୍କ ବିରୋଧରେ ନାରାବାଜି କରିବା ସହ ଆୟାତୁଲ୍ଲା ଖେମନେଇଙ୍କପ ପୋଷ୍ଟର ଫାଡି ଦେଇଥିଲେ । ଏବେ ସେମାନେ ଆୟାତୁଲ୍ଲାଙ୍କର ଇସ୍ତଫା ଦାବି କରିଛନ୍ତି ।

   Related Posts