Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଏସଏଫର ବଡ କାର୍ଯ୍ୟାନୁଷ୍ଠାନ, ବାଂଲାଦେଶ ସୀମାରେ ୮୨ ନକଲି ଡ୍ରାଇଭିଂ ଲାଇସେନ୍ସ ଜବତ
  • ||
  • ୟୁପି ସମର: ଅଖିଳେଶଙ୍କ ପାଇଁ ପ୍ରଚାର କରିବେ ମମତା, ଫେବୃଆରୀ ୮ରେ ଲକ୍ଷ୍ନୌରେ ଭର୍ଚୁଆଲ ରାଲି
  • ||
  • ଆସନ୍ତାକାଲି ପ୍ରଥମ ଦିନିକିଆ: କିଏ କରିବ ଓପନିଂ ? ଖୁଲାସା କଲେ ରାହୁଲ, ୫ ବର୍ଷ ପରେ ଦିନିକିଆକୁ ପ୍ରତ୍ୟାବର୍ତ୍ତନ କରିବେ ଏହି ଖେଳାଳି
  • ||
  • କାରିଗରଙ୍କଠୁ ଲାଞ୍ଚ ନେବା ମହଙ୍ଗା ପଡିଲା, ଭିଜିଲାନ୍ସ ଦ୍ଵାରା ବନ୍ଧା ହେଲେ ହସ୍ତଶିଳ୍ପ ନିଗମର ସହ-ନିର୍ଦ୍ଦେଶକ ଓ କ୍ରାପ୍ଟମ୍ୟାନ୍
  • ||
  • କଲେଜ୍ରେ ନିର୍ବାଚନୀ ସଭା ନେଇ କଠୋର ହେଲେ ଏସଇସି: ଏସଡିପିଓ ଏବଂ ପ୍ରିନ୍ସିପାଲଙ୍କୁ ନିଲମ୍ବନ କରିବାକୁ ଦେଲେ ନିର୍ଦ୍ଦେଶ
  • ||
  • IPL 2022: କେଏଲ ରାହୁଲଙ୍କ ସହ ଏହି ଦୁଇ ଖେଳାଳିଙ୍କୁ ନିଜ ଦଳରେ ସାମିଲ୍ କଲା ଲକ୍ଷ୍ନୌ ଫ୍ରାଞ୍ଚାଇଜି
  • ||
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||

ଶ୍ରୀମନ୍ଦିର ପଶ୍ଚିମ ଦ୍ୱାରରେ ଉଚ୍ଛେଦ ପୂର୍ବ ସର୍ଭେ କାମକୁ ବିରୋଧ

19/09/2019 at 5:20 PM

ପୁରୀ ୧୯।୦୯-  ଶ୍ରୀମନ୍ଦିର ଠାରୁ ୭୫ ମିଟର ପରିଧି ମଧ୍ୟରେ ସର୍ଭେ ଓ ମାପଚୁପ କାର୍ଯ୍ୟ ଚତୁର୍ଥ ଦିନରେ ପହଞ୍ଚିଛି । ତେବେ ଏହାକୁ ନେଇ ବିରୋଧ ମୁଣ୍ଡ ଟେକିଛି । ବିନା ନୋଟିସ ଓ ଆଲୋଚନାରେ ପ୍ରଶାସନ ବଳ ପୂର୍ବକ ସର୍ଭେ କରୁଥିବାରୁ ଶ୍ରୀମନ୍ଦିର ପଶ୍ଚିମ ଦ୍ବାରରେ ବିରୋଧ ହୋଇଛି । ଅନ୍ୟପଟରେ ପ୍ରଥମ ପର୍ଯ୍ୟାୟରେ ବୈଜ୍ଞାନିକ ପଦ୍ଧତି ଅବଲମ୍ୱନ କରାଯାଇ ୭୫ ମିଟର ସୀମା ନିର୍ଦ୍ଧାରଣ କରାଯାଉଥିବା ଅତିରିକ୍ତ ଜିଲ୍ଲାପାଳ କହିଛନ୍ତି ।    

ଶ୍ରୀମନ୍ଦିର ପୂର୍ବ ଦିଗରୁ ସୋମବାର ଠାରୁ ସର୍ଭେ ଓ ମାପଚୁପ କାର୍ଯ୍ୟ  ଆରମ୍ଭ ହୋଇଛି ।  ସର୍ଭେ ଚତୁର୍ଥ ଦିନରେ ପହଞ୍ଚିଥିବା ବେଳେ ଆଜି ପଶ୍ଚିମ ଦ୍ୱାରରେ ସେବାୟତ ଓ ସ୍ଥାନୀୟ ବାସିନ୍ଦା ମାପଚୁପକୁ ବିରୋଧ କରିଛନ୍ତି । ହରଚଣ୍ତୀ ସାହିର ସେବାୟତ ବେଲବାଇ ମନ୍ଦିରରେ ଦୀର୍ଘ ସମୟ ଧରି ଅତିରିକ୍ତ ଜିଲ୍ଲାପାଳଙ୍କ ସହ ଆଲୋଚନା କରିଥିଲେ । ଶହ ଶହ ବର୍ଷ ଧରି ଶ୍ରୀମନ୍ଦିରକୁ ବାହ୍ୟଶତ୍ରୁ ଆକ୍ରମଣରୁ ସୁରକ୍ଷା ଯୋଗାଇ ଆସୁଥିବା ସେବାୟତ ପରିବାର କୌଣସି ପରିସ୍ଥିତିରେ ଭିଟାମାଟି ଛାଡ଼ିବେ ନାହିଁ ବୋଲି ଚରମବାଣୀ ଶୁଣାଇଛନ୍ତି ।   

କେବଳ ହରଚଣ୍ତୀ କିମ୍ୱା ମଣିକର୍ଣ୍ଣିକା ସାହି ନୁହେଁ ବରଂ ଶ୍ରୀମନ୍ଦିର ଚତୁଃପାର୍ଶ୍ୱରେ ସମସ୍ତ ସାହିର ବାସିନ୍ଦା ଏଭଳି ସର୍ଭେ ଓ ମାପଚୁପକୁ ବିରୋଧ କରିଛନ୍ତି । ଆଇନ ଅନୁଯାୟୀ ଜମି ଅଧିଗ୍ରହଣ ପାଇଁ ବିଜ୍ଞପ୍ତି ପ୍ରକାଶ ପାଇନାହିଁ। ନୋଟିସ କିମ୍ୱା ଆଲୋଚନା ନକରି ପୋଲିସ ଫୋର୍ସ ଉପସ୍ଥିତିରେ ଘରେ ପଶି ମାପଚୁପକୁ ବିରୋଧ କରାଯାଇଛି । ଅନ୍ୟପଟରେ ଅତିରିକ୍ତ ଜିଲ୍ଲାପାଳ ବିନୟ କୁମାର ଦାସ କହିଛନ୍ତି ଆଇନ ଅନୁଯାୟୀ ଶ୍ରୀମନ୍ଦିର ୭୫ ମିଟର ପରିଧି ମଧ୍ୟରେ ଶେଷ ଲାଇନ୍ ଅଫ କଣ୍ଟ୍ରୋଲ ପଏଣ୍ଟକୁ ଚିହ୍ନଟ କରି ମାର୍କିଂ କରାଯାଉଛି । ମାପଚୁପ ସରିବା ପରେ ଲୋକଙ୍କ ଅଭିଯୋଗ ଓ ଆପତ୍ତି ଶୁଣାଯିବ । ପୁନର୍ବାସ ଓ ପୁର୍ନଥଇଥାନ ପ୍ୟାକେଜ ସଂପର୍କରେ ମଧ୍ୟ ଲୋକଙ୍କୁ ବୁଝାଯାଉଛି ।                           

ବିସ୍ଥାପିତ ହେବାକୁ ଥିବା ଶ୍ରୀମନ୍ଦିର ଚତୁଃପାର୍ଶ୍ୱ ଲୋକଙ୍କ ସହ ଆଲୋଚନା ନକରି ଏଭଳି ସର୍ଭେ ଓ ଜମି ଅଧିଗ୍ରହଣ ପ୍ରୟାସ କଲେ ଜନ ଅସନ୍ତୋଷ ବୃଦ୍ଧି ପାଇବ ବୋଲି ଆଲୋଚନା ହେଉଛି ।

   Related Posts