Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପୂର୍ବ ଗୋଦାବରୀରେ ଭାରସାମ୍ୟ ହରାଇ ଓଲଟିଲା ଭ୍ୟାନ୍, ୬ ଜଣଙ୍କ ମୃତ୍ୟୁ
  • ||
  • ବୌଦ୍ଧ : ରାସ୍ତା ଉପରେ ପଡିଛି ଯୁବକଙ୍କ ମୃତଦେହ, ହତ୍ୟା ସନ୍ଦେହ
  • ||
  • ୩୧ରେ ଆଉ ଏକ ଲଘୁଚାପ ! ଉତ୍ତର ଓ ଉପକୂଳ ଓଡିଶାରେ ବର୍ଷା ସମ୍ଭାବନା
  • ||
  • ରାଉରକେଲା : ସ୍କର୍ପିଓ ଜାଳିଦେଲେ ଦୁର୍ବୃତ୍ତ, ଗାଡିରେ ଥିବା ୩ ଜଣଙ୍କୁ ନିସ୍ତୁକ ମାଡ
  • ||
  • ପରାଜୟ ଧାରା ଭାଙ୍ଗିଲା ଚେନ୍ନାଇ, ୬ ଓ୍ୱିକେଟରେ ହାରିଲା କୋଲକାତା ନାଇଟ ରାଇଡର୍ସ
  • ||

ପୁଣି ବିବାଦରେ ଭୁବନେଶ୍ବର ସାଂସଦ: ସାମାଜିକ ଦୂରତା ଭୁଲି ଗଲେ ଅପରାଜିତା…

9/06/2020 at 12:05 PM

ଭୁବନେଶ୍ୱର ୯/୦୬: ୪ ଦିନ ତଳେ ସାମାଜିକ ଦୂରତା ନିୟମ ଫାଙ୍କି ଫସିଥିଲେ ଭୁବନେଶ୍ୱର ସାଂସଦ ତଥା ପୂର୍ବତନ ଆଇଏଏସ୍‌ ଅଫିସର ଅପରାଜିତା ଷଡ଼ଙ୍ଗୀ । ଘଟଣାକୁ ସପ୍ତାହେ ପୁରିନି, ସାଂସଦଙ୍କ ବିରୋଧରେ ପୁଣି ସମାନ ଅଭିଯୋଗ ଉଠିଛି । ଏକ ଶିଳାନ୍ୟାସ କାର୍ଯ୍ୟକ୍ରମରେ ଶତାଧିକ ଦଳୀୟ ନେତା ଓ କର୍ମୀଙ୍କ ସହ ଯୋଗ ଦେଇ କରୋନା କଟକଣାର ଧଜ୍ଜିଆ ଉଡାଇଛନ୍ତି । ସାଂସଦଙ୍କ ଏଭଳି ବାରମ୍ବାର ନିୟମ ଉଂଲଘନ ବିରୋଧରେ ଏକାଧିକ ସାମାଜିକ ସଂଗଠନ ସ୍ୱର ଉଠାଇଛନ୍ତି । ପୂରା ସମାଜକୁ ବିପଦରେ ପକାଉଥିବା ଅଭିଯୋଗ ଆଣିଛନ୍ତି । ଏମିତିକି ନିଜ ଦଳୀୟ ନେତା ଓ କର୍ମୀ ବି ସାଂସଦଙ୍କ ଏଭଳି କାର୍ଯ୍ୟକୁ ନାପସନ୍ଦ କରିଛନ୍ତି ।

ଏହି ପ୍ରସଙ୍ଗରେ ବିଜେଡି ମଧ୍ୟ ସାଂସଦଙ୍କୁ ଟାର୍ଗେଟ କରିଛି । ଦଳର ମୁଖପାତ୍ର ଡ. ସସ୍ମିତ ପାତ୍ର କହିଛନ୍ତି, ସାଂସଦ ଶ୍ରୀମତୀ ଷଡ଼ଙ୍ଗୀ ଓ ତାଙ୍କ ସମର୍ଥକମାନେ ସାମାଜିକ ଦୂରତା ନିୟମକୁ ଏକପ୍ରକାର ଅଳିଆ ଗଦାକୁ ଫିଙ୍ଗି ଦେଇଛନ୍ତି । ପୂର୍ବରୁ ମଧ୍ୟ ସେ ଏଭଳି ଭୁଲ ପାଇଁ ଦୁଃଖ ପ୍ରକାଶ କରିଥିଲେ । ହଂସପାଳଠାରେ ସୋମବାର ଫ୍ଲାଏଓଭର ପାଇଁ ସାଂସଦ ଭୂମି ପୂଜନ କରିଥିଲେ ।

‘ୱାରିସ୍‌ ଫାଉଣ୍ଡେସନ’ର ସମ୍ପାଦକ ଲୋରା ମହାପାତ୍ରଙ୍କ ଅଭିଯୋଗ ମୁତାବକ, ଉକ୍ତ କାର୍ଯ୍ୟକ୍ରମରେ ସାଂସଦ ମ୍ୟାଡାମ୍‌ ସାମାଜିକ ଦୂରତା ନିୟମକୁ ଦଳିମକଚି ଦେଇଛନ୍ତି । ଶତାଧିକ କର୍ମୀ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ । ଯାହାର କିଛି ଫଟୋ ଚିତ୍ର ସୋସିଆଲ୍‌ ମିଡିଆରେ ପୋଷ୍ଟ କରାଯାଇଛି । ସାଂସଦ କରୋନା କଟକଣାକୁ ଫାଙ୍କି ପୂରା ସମାଜକୁ ବିପଦକୁ ଟାଣୁଛନ୍ତି । ଶ୍ରୀମତୀ ଷଡ଼ଙ୍ଗୀ ଥରେ ନୁହେଁ, ଏକାଧିକ ଥର ନିୟମକୁ ଫାଙ୍କୁଥିବା ଦେଖାଦେଉଛି । ଆର୍ଥିକ ଦଣ୍ଡ ବଦଳରେ ତାଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ନେବାକୁ ସେ ଦାବି କରିଛନ୍ତି । ‘ମାଧବାନନ୍ଦ ଟ୍ରଷ୍ଟ’ ସମ୍ପାଦକ ଇତିଶ୍ରୀ ସାହୁ କହିଛନ୍ତି, କୋଭିଡ୍‌-୧୯ର କଟକଣା ସମସ୍ତଙ୍କ ପାଇଁ ସମାନ । ଏକ ସାମ୍ବିଧାନିକ ପଦବିରେ ଥିବା ସାଂସଦ ନିୟମ ଭାଙ୍ଗି ସମାଜକୁ ଭୁଲ ବାର୍ତ୍ତା ଦେଉଛନ୍ତି । ୱାରିସ ଫାଉଣ୍ଡେସନ, ମାଧବାନନ୍ଦ ଟ୍ରଷ୍ଟ ପକ୍ଷରୁ ଏନେଇ ବିଏମ୍‌ସି କମିଶନର ଓ ଭୁବନେଶ୍ୱର ଡିସିପିଙ୍କ ନିକଟରେ ସମାନ ଅଭିଯୋଗ ଆଣିଛନ୍ତି ।

   Related Posts